Mfa' Ghantum 7:3 - NTSHOB NSI

³ ntshob yi ndù: Tum ntùm ngô o mba ntùm tunndà o, nèn ntùm ngô ze me nsi la'te wù là.

Mfa' Ghantum 7:3 Iomraidhean Croise

Neto'te 12:1

Tshùaben tshob Abram ndù: Tum ntùm ngô o, ntùm tunndà o mba ntùm ndà tàan, nèn ntùm ngô ze me nsi la'te wù là.

Neto'te 15:7

A tshob ndù: Me b'a Tshùaben z'a ghù o tum Ur mà Kaldéa, num nefà yen ngô li wù là.

Neto'te 20:13

Ngelaṅ ze Nsi ghù me be tshakendà, mbe ngùanesà mbaṅ tunndà àm nà, me tshob Sara ndù: Tshù kondèn z'o nsi ke ghù me li: Ke ntsiaṅ àm mfèl o ntùm njoṅ dù' fa tse be nsi tsho bwe là.

Néhémi 9:8

O lo yen mb'a yab ntù i num o kua' mebwô, ngwat kàn bin yi, nka' yi ndù o nsi fà ngô Kanaan, ngô Hit, ngô Amor, ngô Férésia, ngô Yébusia bo ngô Guirgas ze tunndà. O lo tshùb ju z'o na' nka' là, nummb'o b'a mèn netsine.

Matio 10:37

Mèn z'a kô tàab ke màab lo ntshùa àm nà, a ke' ku'ni num àm. Mèn z'a kô nshum i ke ngon i lo ntshùa àm nà, a ke' ku'ni num àm.

Lukas 14:33

ndùlala, mèn z'a netèt bin ndù a ke' ghua' tshu fa ts'a ghù là, ke' ku'ni nebe ngazi'te nu àm.

Mfa' Ghantum 7:4

A ndùlala a tum ntùm ngô ba Kaldéa ntswe ntùm ngô Haran. A lo be ngelaṅ tàab kwù là, Nsi ghù a tsho ntùm ngô ze bin tshwèt ntswe bwe ndonni là.

2 Korintô 6:17

A ndùlala, Tshùaben tshob ndù: Bin tum netèt bo, ntsin tù' bin; kà bin kwag ju z'a sagte là;

Héber 11:8

Njam bamntù, Abraham ze Nsi na' ntsiaṅ i là lo ju' ntshu i, nèn du' z'a nsi tù' ntsi' mi là, a nèn ke lèn du' z'a nèn nà.

Yoshua 24:3

Me lo lo' tà zin Abraham mo' yoṅ ta'ntse, ngù a zinte ntùm ngô Kanaan fa; me ghù nzwil i yàm, mfà Isak yi.