Mfa' Ghantum 7:2 - NTSHOB NSI

² Etiènne tshob ndù: Fèt tshàm mba tà tshàm, bin ju'u! Nsi nekuni lo tèt tà be Abraham, ngelaṅ z'a na' mbe Mèsôpôtamia kà ndo nèn ntswe Haran nà,

Mfa' Ghantum 7:2 Iomraidhean Croise

Neto'te 11:31

Térak lo' mén i Abram, Lot, mén mén i Haran bo Saraï nzwi mén i, nzwi nshum i Abram boa bo tum Ur mà Kaldéa nèn ntùm ngô Kanaan. Bo zin nkum Karan, ntete bwe.

Neto'te 12:1

Tshùaben tshob Abram ndù: Tum ntùm ngô o, ntùm tunndà o mba ntùm ndà tàan, nèn ntùm ngô ze me nsi la'te wù là.

Neto'te 12:5

Abram lo be tum Karan ndù a ghù ngu'njù ntshob tàn ṅam sammbàa. Abram lo' nzwi i Saraï, Lot mén mfèl i, njoṅ tshu fa ts'a ghù là, boa njoṅ tse ben fa ts'a ghù Karan nà, ntam manze nenèn Kanaan. Bo zin nkum bwe.

Neto'te 15:7

A tshob ndù: Me b'a Tshùaben z'a ghù o tum Ur mà Kaldéa, num nefà yen ngô li wù là.

Neto'te 29:4

Yakob bètte ghabéb mbwe ndù: Fèt tshàm, bin b'a bon yà? Bo tshob ndù: Bag b'a bon Karan.

Néhémi 9:7

A b'a wù Tshùaben Nsi na' ntsho' Abram, nsô i Ur mà Kaldéa. O na' mfà lén Abraham yi.

Yobkwi 24:10

Yen mfen nkuni là b'a we? A yi Tshùaben Sébaot. Yi mfen nkuni.

Yobkwi 24:7

Nzendà, mbatndà, bin nèn tù, nzendà ts'a tswe neshu là, bin nèn tù, ndù mfen nkuni tsho!

Yobkwi 29:3

Nze Tshùaben tum num ntse. Nze Nsi nkuni tshwèt nyi' dù'. Tshùaben b'a num ntse ndùbndùb.

Esaya 37:12

Tse nsi ngô tse tà tshàm sate là lo tshu' yub ké? A na' mb'a: Gozan, Karan, Retsef, boa tse nshum Edèn tse bo be Telasar là.

Esaya 51:2

Bin yen tà zin Abraham bo mà zin Sara z'a bwe zin njene! Nummbe me na' ntsiaṅ Abraham à ndùs'a na' nke' à tù' i là. Me lo tam ntse yi, ngù nzwil i yàm.

Esaya 6:3

Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

Matio 6:13

Kà tshag yag ntùm laṅte, là kwé yag bu nukebwô. Nummbe nufen, neta, mba nekuni, b'a yu yoṅ ntshù' là, amén.

Lukas 2:14

Ghamte be Nsi tà mfe kamànyam, fite bèn mbe num nsitsha' netèt ben tse bo bwô Nsi là.

Yohané 1:14

Ntshob lo tù' mènntùn, nke ntswe netèt be; be yen nkuni mi, nkuni mi a kwé Tà, yi z'a be nkwi Mén ntshù', ndù a dun kondèn mba nenùn nà.

Yohané 12:41

Esaya tshob tshen tshu là, nummbe a lo yen nkuni mi, kà ntshob nu num i.

Mfa' Ghantum 22:1

Fèt tshàm mba tà tshàm, bin ju' ju ze me ghù netshob bin, ndo' nkwé nta wul àm yi mbwe bin ndonni là.

Mfa' Ghantum 23:7

Men ntshob li kag tantshu netèt ba Férésia mba ba Sadukai, ntse'te ghabte bag bàa.

Mfa' Ghantum 7:1

Ngale'te Nsi ze ndùb bètt'é ndù: A b'a ndùlala ké?

1 Korintô 2:8

Sàm mèn netèt fenfen yen njù li lo ke lèn yen zenu là, nummbe bo na' ndèn i, mba bo lo ke kwimte Tshùaben nkuni num fanta'tù.

Efésô 1:17

Ndùlala ndù Nsi Tshùaben be Yésu Kristô Tà nkuni fà Ywèt zenu mba làn miag bin ndù bin lèn i,

Titô 2:13

kà nke mbéb fen s'a be ntùm nenywinte là, mbéb nese' nkuni Nsi ndùb mba ngayôg be Kristô Yésu,

Héber 1:3

a b'a nkô nkuni Nsi mba mfuni tu wut Nsi, a num nket njoṅ tshu fa ntshob mi mi neta; a lo be miagte nelànte nukebwô, ntswe num bag bu Nsi ze zwim mfe tù;

Héber 11:8

Njam bamntù, Abraham ze Nsi na' ntsiaṅ i là lo ju' ntshu i, nèn du' z'a nsi tù' ntsi' mi là, a nèn ke lèn du' z'a nèn nà.

Yakobo 2:1

Fèt tshàm, bin ghù bamntù Tshùaben be ze nekuni Yésu Kristô, ke ke ndôte se sàm mèn.

Yoshua 24:2

Yoshua tshob ngô fa ndù: Tshù ju ze Tshùaben Nsi Israél tshob li: A lo be mbwe, tà tsine, Térak, tà Abraham bo Nakor, nke ntswe yoṅ ta'ntse, nke mfa' tsemo' nsi.

Apokalipse 4:11

Tshùaben mba Nsi yag, o ku'ni nekwé nkuni, ghamte mba neta, nummbe o lo nabte njoṅ tshu fa, njoṅ tshu fa b'a num yu nekô, o lo nabte njoṅ i fa.