Mfa' Ghantum 5:3 - NTSHOB NSI

³ Là Pétro tshob yi ndù: Anania, numke Satan dun ntù o, o tatte Ywèt Nelàne, ndem mo' nkàb nà o à?

Mfa' Ghantum 5:3 Iomraidhean Croise

ṄWA'NI YOB 22:13

O tshwèt ntshob ndù: Ke ze Nsi lèn à? B'a tsin njam ndot z'a tam njam nà ntsho'te mènntùn ké?

Tànkùt 20:25

A ke mb'a ta' ywi' mènntùn nebam ju Nsi ntùm vôgte! A tswe à mb'o ghù nka'ni kà njôg nkwate nu bwe là.

Nzenu 5:4

Tù' nda' ka' ke fà, o faṅ nà.

Esaya 29:15

Nge' tu ben tse bo num ndem mub ntàmtenu, nke ndiag nelem Tshùaben yi, nke mfa' mfa' mub ntùm njame, nke ntshob ndù: We z'a yen yag à, we z'a lèn yag à?

Yérémia 23:24

Tshùaben tshob ndù: Be mènntùn lem ntùm ndàlem, kà me ke yen i ké? Yàm neke mbe be nsi ke' dun mfe kamànyam mba num nsitsha' ké? Tshùaben bèn ntshobe.

Nesiaṅe 30:2

Mosé tshob kamkam Israél ndù: Tshù ju ze Tshùaben bètte ndù bin ghù li:

Matio 13:19

Mba we lo z'a num nju' ntshob nufen Nsi ke tshùb là, mèn kebwô num nse'e, ntsho' ju ze bo ma' ntù i là. Yen mèn ni b'a nzwit ju ze bo na' ma' nkaṅ manze là.

Lukas 22:3

Satan tsho ntù Yuda ze bo ke ntsiaṅ i ndù Iskariot, mo' mèn netèt tse ntshob bàa gham nà.

Yohané 13:2

Bo lo be to' nejù jujù ndù Satan à ma' ntùm ntù Yuda mén Simon ze Iskariot, nu neswèn i.

Yohané 13:27

A kwé nke' bàn be ngelaṅ mbile, Satan tsho num i; Yésu tshob yi ndù: Ju z'o tshwèt ngù là, ghù kua' ndende.

Mfa' Ghantum 5:2

mbe ntshu ntshù', ngabte nkàb, ndem mo' bag, ndo' mo' nse' njab mbaṅ nku ghantum.

Mfa' Ghantum 5:4

Mba nà na' mb'a yu là, o lo ke ku'ni nelé' i ké? Ngelaṅ z'o bèn nswèn nà, o ke ku'ni nelo' nkàb i fa ké? Numk'o yab yen lèn nu là ntùm ntù o à? O ke' tatt'a benntùn, o tatt'a Nsi.

Mfa' Ghantum 5:9

Pétro tshob yi ndù: Numke bin tamte ntshu tsin ntshù' num netatte Ywèt Tshùaben à? Tshù nku ben tse bo fe tshoṅ ndu o là nzendà, bo a' ket mba wù yu.

Nebwôgte 23:21

O ghù nekwé bin ngùn, là, o ke nsi kwé bin mfèl o. Ndùlala ndù Tshùaben Nsi o tam ntse wù num mba ke lo z'o to'te ntùm ngô z'o nsi tsho bwe là, a tù' yu là.

Yakobo 4:7

Ndùlala bin ju' ntshu Nsi, nta tu Satan, a kù zine.

1 Pétro 5:8

Bin zete, nzi tshùalo! Ngakeban zin, Satan, mba ngwayit z'a tshwèt nkua' là, tshwèt nzinte, nke ndiag mèn z'a ghom nà.