Mfa' Ghantum 2:4 - NTSHOB NSI

⁴ Bo dun Ywèt Nelàne, nto' neke ntshob ntshob nzenze mba Ywèt Nelàn ke mfà bo ndù bo tshob là.

Mfa' Ghantum 2:4 Iomraidhean Croise

Marko 16:17

Tshù ba nsà ts'a nsi tam njam ben tse bo bam nà li: Num lén sàm bo nsi ke ta' ywètkebwô, ke ntshob ntshob nswe.

Mfa' Ghantum 13:52

Mbe se' mba ghazi'te nu Yésu là, tsiaṅte mba Ywèt Nelàn lo dun ntùm ntù tshobe.

Mfa' Ghantum 4:31

Ngelaṅ bo le'te Nsi là, dù' ze bo na' ntse'te bwe là nyi'te. Njoṅ yub fa dun Ywèt Nelàne, nke ntshob ntshob Nsi ke bwôg.

Efésô 5:18

Kà bin be mbum ndu'; a num mfà yôg kebwô, là bin dun ntùm Ywèle.

1 Korintô 12:10

mfà ngùninu nsa mo', mfà netshob ntshob Nsi mo', mfà nelèn ba ywèt mo', mfà nelèn ntshob nzenze mo', mfà nebagte tun ntshob mo';

Yohané 14:26

Là ngafitentù, Ywèt Nelàn tse Tà nsi tum num lén sàm nà, yen nà nsi tswite zin njoṅ tshu fa, bèn nkwimte njoṅ tshu fa tse me tshob bin nà bin.

Mfa' Ghantum 19:6

Paulo yab mbu num bo Ywèt Nelàn swe' num bo; bo to' netshob ntshob nzenze, mbèn nke ntshob mba ghatshob ntshob Nsi là.

Mfa' Ghantum 10:46

Nummbe bo lo ke nju' bo nke ntshob ntshob nzenze, mbèn nke ngamte Nsi.

Mfa' Ghantum 9:17

Anania nèn, ntsho ntùm yen ndà là, njab mbu mi num Saulo, ntshob yi ndù: Mfèl àm Saulo, Tshùaben tum àm, Yésu z'a lo ṅwag wù num manze z'o lo ntshùa bwe kà nse' nsen ni là, a tum àm à ndù o bèn njen nze; ndun Ywèt Nelàne.

Mfa' Ghantum 7:55

Là, a dun Ywèt Nelàne, mbù' miag mi, nke ndôte mfe kamànyam, njen nkuni Nsi mba Yésu ndù a tsin tù num bag bu Nsi ze zwim.

Mfa' Ghantum 1:5

Nummbe Yohané lo ke nyu' benntùn à ntse, là bo nsi nyu' zin à ntùm Ywèt Nelàne, ntùm tsemo' bon lé'njù.

1 Korintô 13:8

Nkôni ke nsi bi, ntshob ghatshob ntshob Nsi nsi bi, ntshob nzenze nsi tsine; nelèn nsi bi.

1 Korintô 13:1

Ke me tshob ntshob benntùn mba mi ba Angél lo, a be ze me ke' ghù nkôni là, mba me tù' à mba ke' se bo tshwèt mbu' là, mbèn ntù' à mba kem se bo tshwèt mbu' là.

Mfa' Ghantum 13:9

Là Saulo ke Paulo lo dun Ywèt Nelàne, nte miag mi num i, ntshob yi ndù:

Mfa' Ghantum 2:11

ba Yuda mba ben tse bo bam nu ba Yuda là, ba Krèta mba ba Arabia; be tshwèt nju' bo nke ntshob nu ndùbndùb tse Nsi ntùm ntshob be.

Lukas 12:12

Nummbe Ywèt Nelàn nsi tshob ju ze bin tshob là bin be num ngelaṅ mbile.

1 Korintô 14:18

Me tshwèt nde'te Nsi mba me lèn netshob ntshob nzenze ntshùa njoṅ zin fa là.

Roma 15:13

Nsi nenywinte ghù bin dun tsiaṅte mba fite ntùm bamntù, ndùlala ndù bin dun ntshùate ntùm nenywinte, njam neta Ywèt Nelàne.

Mfa' Ghantum 4:8

Pétro dun Ywèt Nelàn ntshob bo ndù: Kamkam ntùm ngô mba ghakwé mbwe,

Yohané 20:22

Ngelaṅ a tshob yen nà là, a fùag Ywèt tse num bo, ntshob bo ndù: Bin kwé Ywèt Nelàne.

Lukas 4:1

Yésu dun Ywèt Nelàne, nke mfe Yordan; Ywèt Nelàn tshag i num kônkwa.

1 Pétro 1:12

Nsi lo ghù bo lèn ndù a ke b'a num tu wut tshob tse bo tshwèt mfa' ntùm tshen tshu là là, là num bin; ben tse bo tshob nkùn mebwô bin njam Ywèt Nelàn ts'a swe' kamànyam nà, soṅ zin tshen tshu là ndonni, tshen tshu là b'a tse ba Angél kù ntù nema' miag mub ntùm bwe là.

1 Korintô 14:5

Me kô njoṅ zin fa tshob ntshob nzenze, là njôg mbe, bin tshob ntshob Nsi, mèn z'a num ntshob ntshob Nsi là tshùa mèn z'a num ntshob ntshob nzenze là, là, a ke b'a ndùlala, a be ze ngabagte ntun mi be bwe, ndùlala ndù bo tshùa bwe nkut ntse'te benkristô là.

Mfa' Ghantum 11:15

Ngelaṅ me na' nto' netshob nu bo là, Ywèt Nelàn swe' num bo, ndaṅndaṅ mb'a na' nswe' num be mbwe là.

Mfa' Ghantum 6:5

Men nkwate li bwô njoṅ ntse'te fa. Bo tsho' Etiènne, mèn ze bamntù mba Ywèt Nelàn dun num i là, Filibo, Nikanôr, Timon, Parmena mba Nikôla ze Antiôkia z'a bam nu ba Yuda là.

Mfa' Ghantum 6:3

Fètfèt, bin tsho' ben sammbàa tse bo num nkwé nta mub kua' mebwô, tse bo dun Ywèt Nelàn mba zenu là netèt bin; bag nsi fà sen fa' là bo.

Mfa' Ghantum 1:8

Là bin nsi kwé nta Ywèt Nelàn ts'a nsi swe' num bin ndù bin be ghakwénta màm ntùm Yérusalém, ntùm Yudéa mba Samaria tà nèn nkum num miagte tsha' là.

Lukas 1:15

Nummbe a nsi se' b'a mèn ndùb mbwe Tshùaben, ke nu ndu' bo nka, Ywèt Nelàn nsi dun num i fe bam màab.

Esaya 59:21

Tshùaben tshob ndù: Tshù kàn sàm se bag à bo wat li: Ywèt tshàm tse me so num o, boa ntshob màm mi me yab ntshu o là, ke nsi lo num nkub ntshu mu, mi bon tsho, ke mi bon bon tsho lo, ndùlala num njoṅ ndù fa. Tshùaben bèn ntshobe.

Esaya 28:11

Mb'a b'a ndùlala, Tshùaben nsi tshùa njam ben tse nkub ntshu lèle, ntshob mub ke tshùa neju'u, bo be mfàm nà kà tshob nu yen nzwit mèn ni.

2 Samuél 23:2

Ywèt Tshùaben be ntshùa num àm ntshob nu. Ntshob mi num num lém sàm.

Efésô 6:18

Bin fà wut tsin ntùm nzenze le'te Nsi mba nele'te, nke nde'te Nsi njoṅ ngelaṅ fa ntùm Ywèle; bin zi tshùalo num bwe ntùm njoṅ nekagtùn fa, nke nde'te Nsi num njoṅ ben nelàn fa,

Efésô 3:19

mba ndù bin lèn nkôni Kristô z'a tshùate njoṅ nelèn fa là, ndun njoṅ nedun Nsi fa.

Mfa' Ghantum 11:24

Nummbe a na' mb'a mèn mebwô, Ywèt Nelàn mba bamntù bèn ndun num i. Mo' bwoṅ benntùn yàm bèn nkwi'te num Tshùaben.

Mfa' Ghantum 6:8

Etiènne dun kondèn mba neta Nsi, nke ngù nu netshàme, mba nsà ndùbndùb netèt benntùn.

Lukas 21:15

Me nsi bèn fà ntshob mi a dun zenu là bin, mi ghakeban tsin ke' ku'ni nebèn ntshùa zin nà.

Lukas 1:67

Tàab Sakaria dun Ywèt Nelàne, ntshob mba ngatshob ntshob Nsi là, ntshob ndù:

Lukas 1:41

Tshù, ngelaṅ Elisabèt ju' tsha'te Maria là, mén nyi'te ntùm bam se, Ywèt Nelàn dun mba num Elisabèt.

Mika 3:8

Mba me là, neta ze Ywèt Tshùaben fà me là dun num àm; Ywèt nunetsin mba fènntù num num àm, ndù me tshob mfànnu Yakob mba nukebwô Israél.

Matio 10:19

Ngelaṅ bo nsi te zin mbwe bo là, kà bin lab wut tsin num nu ze bin nsi tshob là, mba mat ze bin nsi tshob yi là; bo nsi fà nu ze bin nsi tshob là bin be num yen nyam nà.

1 Samuél 10:10

Ngelaṅ bo kum Guibéa, mo' bwoṅ ghatshob ntshob Nsi se' mbumte boa bo. Ywèt Nsi tsho num i, a tshob ntshob ngatshob ntshob Nsi netèt bo.

2 Pétro 1:21

Nummbe ntshob Nsi ke' to' se' ntùm ze nekô mènntùn, là Ywèt Nelàn na' mbèn ntènte benntùn kà bo ntshob nu num ze tu Nsi.

Ezékia 3:11

Nèn mbaṅ bonla' bin; o nsi tshob nu bo, ke bo ju' ke bo ke ju' lo, mb'o nsi tshob bo ndù Tshùaben tshob ndùlala.

Yérémia 6:11

Tshùagntù Tshùaben dun num àm, be me ke fènt'é nze. Sa yen tshùagntù là num mèn z'a be num manze là, num mbumte nguanmèn. Nummbe bo nsi lo' mandum bo mènnzwi, lo' njwèn mèn bo mèn ze ngu'njù tse yàm nà.

1 Samuél 1:14

Eli kwate mb'a bum à ndu', ntshob yi ndù: O a' ghô ntùm nebum ndu' tà kum à ndùke? Ghù ndu' kebte se o.

Mfa' Ghantum 2:3

Tsemo' tshu mba ngwatmbwôg là ṅwag bo, njabte num tu bo.

Mfa' Ghantum 8:17

Ndùlala Pétro mba Yohané yab mbu num bo, bo kwé Ywèt Nelàne.

Mfa' Ghantum 10:47

Ndùlala Pétro tshob ndù: Be mèn ku'ni netshètte ndù kà bo nyu' tshen ben ni tse bo kwé Ywèt Nelàn mba be là ntùm ntse à ndùke?

Mfa' Ghantum 15:8

Nsi z'a lèn ntù benntùn nà lo kwé nta mube, mfà Ywèt Nelàn bo ndaṅndaṅ mba be là.