Mfa' Ghantum 2:3 - NTSHOB NSI

³ Tsemo' tshu mba ngwatmbwôg là ṅwag bo, njabte num tu bo.

Mfa' Ghantum 2:3 Iomraidhean Croise

Neto'te 11:6

Ndùlala Tshùaben tshob ndù: Njoṅ yub fa tamte mb'a ta' nzwit ntshù', mbèn ngù à ntshob ntshù'. A be ze bo to' neghù ndùlala là, mba sàm ju ke nsi sag yube, a be ze bo nabte neghù ju là.

Yobkwi 55:9

mba me nsi fon dù'ntswe ndende, num neta fetmbaṅ mba tonkèt fetmbaṅ z'a tshwèt nsate dù' là.

Esaya 6:5

Ndùlala me tshob ndù: Njennge' mba me là, m'a kwù. Tshù, me b'a mèn ze nkub ntshu mi ke' làn nà; me ke ntswe à netèt ben tse nkub ntshu mub ke' làn nà. Tshù là, miag màm yen mfen Tshùaben tàndà ntsho.

Yérémia 23:29

Tshùaben tshob ndù: Ntshob màm ke' b'a mba mbwôg là ké? Ntshob màm ke' b'a mba hama s'a be ntsit gholoṅ nà ké?

Matio 3:11

Tu wul àm, me ke nyu' zin à ntùm ntse ndù bin kaṅ ntù tsine; là mèn z'a tshwèt nse' njam àm nà ta ntshùa àm, me ke' ku'ni neket nketo' mi. Tu wul i nsi nyu' zin à ntùm Ywèt Nelàn mba mbwôge.

Matio 3:15

Là Yésu bùnte ntshob yi ndù: Faṅ nà, be ghù ndùlala ndonni, nummbe a bwô ndù be ghù njoṅ nunetsin fa bumte. Ndùlala, Yohané faṅ.

Lukas 24:32

Bo tshob bo bo ndù: Ntù be lo ke kù ntùm bwe, ngelaṅ z'a lo nke ntshob be num manze, ngelaṅ z'a lo nke ntote ṅwa'ni Nsi be là ké?

Mfa' Ghantum 1:15

A lo be num tshen lé'njù là, Pétro lo tù netèt fètfèle, bwoṅ benntùn nguan bon bàa nkù lo be bwe, ntshob ndù:

Mfa' Ghantum 2:11

ba Yuda mba ben tse bo bam nu ba Yuda là, ba Krèta mba ba Arabia; be tshwèt nju' bo nke ntshob nu ndùbndùb tse Nsi ntùm ntshob be.

Mfa' Ghantum 2:2

Be ndùse, mo' tshu'te swe' kamànyam mba fetmbaṅ ndùb là, ndun ntùm ndà dù' ze bo tswe là.

Mfa' Ghantum 2:4

Bo dun Ywèt Nelàne, nto' neke ntshob ntshob nzenze mba Ywèt Nelàn ke mfà bo ndù bo tshob là.

1 Korintô 12:10

mfà ngùninu nsa mo', mfà netshob ntshob Nsi mo', mfà nelèn ba ywèt mo', mfà nelèn ntshob nzenze mo', mfà nebagte tun ntshob mo';

Yakobo 3:6

Mba lém b'a mbwôge, a b'a njù nukebwô, lém ghù ze dù' netèt nkam wut be, a num nsagte njoṅ nkam wut fa, nkù njoṅ yôg fa, ndù ndà mbwôg bèn nte mbwôg num i.

Apokalipse 11:3

Me nsi fà ghakwénta màm bàa, bo nsi ket nke'bàm, tshob ntshob Nsi mum lé'njù bon ntôg ntshob bàa ntsha' mbùm.

Apokalipse 14:6

Me yen mo' Angél netèt kamànyam ndù a ghù nkùn mebwô z'a tswe yoṅ ntshù' là, z'a nsi tshob ba ntùm njù, njoṅ ngô fa, njoṅ tunndà fa, njoṅ ntshob fa mba njoṅ nzwit fa là,