Mfa' Ghantum 2:1 - NTSHOB NSI

¹ Lé'njù Pentekôte lo be se' ndù njoṅ yub fa tse'te dù' ntshù'.

Mfa' Ghantum 2:1 Iomraidhean Croise

2 Kronika 30:12

Bu Nsi lo nsi, ba Yuda, mfà be ntù ntshù', ngù bo zwiagte ntshob mi mfen boa fenfen tse tshobe, mb'a be ntùm ntshob Tshùaben nà.

2 Kronika 5:13

ndùse tse bo ke ntô ba nta tamte nze boa tse bo ke njob kwi nyàmte mbèn ngamte Tshùaben yi tshag nze ba nta, ba netsha' boa tsemo' tshu nebu' ju yi tù là, bo nyàmte Tshùaben ntshob ndù: Tshùaben b'a ngabwôntù, kondèn i bèn nke ntswe matmat! Num yen ngelaṅ nà ndot dun ntùm ndà Tshùaben.

Yobkwi 133:1

Yobkwi ko'ko'. Se David. Ah! Mi' a bwô neshu, mi' a fite neshu mb'a be fètfèt tamte ntswe bwoṅ nà!

Netume 23:16

O nsi ke ze jùa netsho' tshu, ze jùa mbwe ntàm fa' su, mi a tum num tshu ts'o ywit ntùm tsho nà là, mbèn nze mba jùa mb'o a tsho' tshu là ngu'njù fa, ndùs'o a kàb ntàm fa' su là.

Netume 34:22

O nsi ke ze jùa ba ngabnjù, se mbwe tshu, netsho' ngefele, bo jùa netsho' tshu num miagte ngu'njù.

Yérémia 32:39

Me nsi fà ntù ntshù' bo nze ntshù' bo. A nsi tshùa ndùlala bo ke mbwôg àm njoṅ ndù fa, num sob fu' mba se bon tshobe.

Sofoni 3:9

Ndùlala me nsi fà nkub ntshu nelàn ntumntum, ndù njoṅ yub fa ke ntsiaṅ lén Tshùaben, nke mfa' yi mum ntshu ntshù'.

Mfa' Ghantum 1:5

Nummbe Yohané lo ke nyu' benntùn à ntse, là bo nsi nyu' zin à ntùm Ywèt Nelàne, ntùm tsemo' bon lé'njù.

Mfa' Ghantum 1:8

Là bin nsi kwé nta Ywèt Nelàn ts'a nsi swe' num bin ndù bin be ghakwénta màm ntùm Yérusalém, ntùm Yudéa mba Samaria tà nèn nkum num miagte tsha' là.

Mfa' Ghantum 2:46

Bo nke nkagtùn nèn Ndà Nsi njoṅ lé'njù fa ntùm ntù ntshù', nke mbe'te bàn, mbèn nke njù jujù yub ntùm tsiaṅte mba ntùm nefite ntùm ndà tshobe,

Mfa' Ghantum 20:16

Paulo lo yen ndù a ke' bwô netsin Efésô, nummbe a lo ke kô nebagte ngelaṅ Asia. A lo ke nànte nebe Yérusalém ntùm lé'njù Pentekôte, a be ze ngelaṅ bam nà.

Mfa' Ghantum 4:24

Bo be miagte neju'u, nde'te Nsi njoṅ yub fa, ntshob ndù: Tshùaben, wù z'o nabte kamànyam, tsha'a, dibantse mba njoṅ tshu fa ts'a be ntùm bwe là,

Mfa' Ghantum 4:31

Ngelaṅ bo le'te Nsi là, dù' ze bo na' ntse'te bwe là nyi'te. Njoṅ yub fa dun Ywèt Nelàne, nke ntshob ntshob Nsi ke bwôg.

Mfa' Ghantum 4:32

Njoṅ benntùn fa tse bo bam nà na' mb'a ntù ntshù' mba zwiag ntshù'. Mèn lo ke be tshob ndù ju z'a ghù là b'a ze tù' i, là njoṅ tshu fa na' mb'a ntam netèt bo.

Mfa' Ghantum 5:12

Tshùaben lo ke ntshùa njam ghantum, ngù nsà mba tshu netshàm yàm netèt benntùn. Njoṅ yub fa nke ntse'te ntùm ntù ntshù' bam ntshundà Salomon.

Roma 15:6

ndùlala ndù bin ghamte Nsi, Tà Tshùaben be Yésu Kristô, ntùm ntù ntshù' mba ntshu ntshù'.

1 Korintô 16:8

Là me nsi tswe Efésô tà kum Pentekôte;

Filipi 1:27

Nda' ndù bin zin mba bonla' là, mb'a ku'ni num nkùn mebwô Kristô là. Ndùlala ndù me yene, a be ze me se' la' bin nà; nju'u, a be ze me ke' se' la' bin nà. Ndù bin tsin tù ntùm ta' Ywèt ntshù', njam bamntù nkùn mebwô, ntamte, nke nde' ntsho ntùm ntù ntshù',

Filipi 2:2

bin zwiagte tsiaṅt'àm, yen nà b'a ndù bin kwate ju ntshù': Bin ghù nkôni ntshù', mbe ntù ntshù', bin ghù ta' nkwate ntshù'.