Mfa' Ghantum 1:9 - NTSHOB NSI

⁹ A be miagte netshobe, nko'o, bo nke ndôt'é mb'a nèn nà, mo' ndot se' ndam i, nj'é i num miag mube.

Mfa' Ghantum 1:9 Iomraidhean Croise

Yobkwi 68:18

Bo ke nsiaṅte nkalig Tshùaben à ntsha'ntsha' bo ke nsiaṅte nkalig Tshùaben à ntsha' gham yoṅ ntsha' mbùm. Tshùaben fe Sinaï nse' ntùm dù' nelàne.

Netume 19:9

Tshùaben tshob Mosé ndù: M'a' se' ntùm njam ndot, bag wù be tshobte ngô ju', njab ntù num o koṅkoṅ matmat. Mosé fà mbùn ntshob mi ngô fà là Tshùaben.

Netume 34:5

Tshùaben swe' ntùm ndot, ntsin mbaṅ Mosé, ntsiaṅ lén se Tshùaben.

Esaya 19:1

Ntshob Nsi num Egipto. Tshù Tshùaben l'a tshwèt nse' Egipto, ndù a ko' num ndot z'a tshwèt nèn ndende ta là. Neto tse bo Egipto là tshwèt mvètte mbwe i, ntù ba Egipto kôg ntam ntùm bwe.

Daniel 7:13

Me nke ndôte mum njem tèttswe', tshù, njen mèn a nke nse' num ndot mba Mén mèn nà. A nèn nkum mbaṅ mbwe mèn mum ntswe'njù mi, bo lo' i nèn yi mbwe i.

Marko 16:19

Tshùaben Yésu be miagte netshob bo, nko' mfe kamànyam, ntswe num bag bu Nsi ze zwim.

Lukas 21:27

Bo nsi yen Mén mèn se' ntùm ndot boa neta mba nkuni mi yàme.

Yohané 6:62

Kà bin yen Mén mèn ko' nèn dù' z'a be bwe mbwe l'o?

Mfa' Ghantum 1:11

ntshob bo ndù: Ba Galiléa, numke bin tswe nsen nà nke ndôte mfe kamànyam à? Yen Yésu li z'a lo netèt bin nko' mfe kamànyam nà nsi bèn se' be mal i mba bin yen i a nke nèn nà.

Mfa' Ghantum 1:2

tà nèn nkum lé'njù s'a na' nko' mfe kamànyam, mbe ndù a tshùa njam Ywèt Nelàne, mfà ntshù' mi ghazi'te nu i ts'a na' ntsho' là.

1 Tésalônikà 4:17

mbatte be tse be ke' ntùn, tse be ke' njôg là: Bag à bin bo nsi tamte, ba Angél ket be ntùm ndot ndù be à Tshùaben bumte mfe tù; ndùlala be nsi ghô be à Tshùaben njoṅ ngelaṅ fa.

1 Timôtio 3:16

Kua' nenùne, tsham neghamte Nsi b'a se ndùb: A lo tswite wul i ntùm mbàb wut, ntù' mèn netsin njam Ywèle, a lo la'te wul i ba Angél, bo lo tshob i netèt ghakelèn Nsi, bo lo bam i ntùm ntù, bo lo bù' i tù ntùm nkuni.

Apokalipse 1:7

Tshù a tshwèt nse' boa ba ndot; mba sit lag lo nsi yen i, mba ben tse bo na' nsobt'é là; njoṅ nzwit fa num nsitsha' nsi làn num i, ṅ, amén.

Apokalipse 11:12

Bo ju' mo' nze neta swe' kamànyam, ntshob bo ndù: Bin ko' nse' nsen ni. Bo ko' ntùm ndot nèn kamànyam, ghakeban tshob nke njen yube.

Apokalipse 14:4

Tshen ni b'a ben tse bo ke' sagte wut tshob boa bènnzwi là, nummbe bo ke' lèn mènnzwi; bo num ntam njam mén njùmbwe mba yà lo dù' z'a nèn nà; bo lo tshu' yub netèt benntùn mba mbwe ntàm tù là Nsi mba mén njùmbwe.