Mfa' Ghantum 1:3 - NTSHOB NSI

³ A lo be miagte neyen nge', nda'te bo ndù a b'a ntùn ntùm bon nu nzenze, nke ntswite wul i bo mum lé'njù ṅam nkuà, mbèn ntshob nu bo mfà num nufen Nsi.

Mfa' Ghantum 1:3 Iomraidhean Croise

1 Fenfen 19:8

A lo nsi njù mbèn nu. A lo' neta ze jujù fà yi là nzin yi lé'njù ṅam nkuà, tèttswe' bo mbwôgtshù, tà nèn nkum num mbat Nsi z'a be Horéb là.

Matio 21:43

A ndùlala me tshob bin ndù bo nsi kwé nufen Nsi bin, mfà ngô z'a yam ntàm mi là. [

Matio 28:9

Tshù, Yésu bumte boa tshen bènnzwi là ntshob ndù: Me tsha'te zine! Bo se' mbaṅ i, ngwù nsi kabkab, ntshùb nku mi, ngamt'é.

Matio 3:2

ntshob ndù: Bin kaṅ ntù tsine, nummbe nufen kamànyam à ghebte.

Matio 4:2

A tswe ke jù ju lé'njù ṅam nkuà, mbwôgtshù mba tèttswe'; yen nà lo be tshùa, nziku' ya i.

Marko 16:19

Tshùaben Yésu be miagte netshob bo, nko' mfe kamànyam, ntswe num bag bu Nsi ze zwim.

Yohané 20:26

Lé'njù fom lo be tshùa, ghazi'te nu i bèn ntse'te ntùm ndà, mba Tomas be bo à bo. Mba nzendà tam tu là, Yésu se' ntsin netèt, ntshob ndu: Fite be bin!

Yohané 21:1

Tshen tshu là lo be tshùa, Yésu bèn ntswite wul i ghazi'te nu i num kaṅ dibantse Tibériade, a tswite wul i ndù:

Yohané 21:14

Yen ni b'a mbatte yoṅ tat mba Yésu tswite wul i ghazi'te nu i, ngelaṅ a lo num vù là.

Mfa' Ghantum 13:31

Ntùm lé'njù yàme, a nke ntswite wul i ben tse bo à bo lo Galiléa nko' nèn Yérusalém nà. Tshen ben ni bèn mbe tse ghakwénta ndonni netèt benntùn.

Mfa' Ghantum 19:8

Paulo tsho sinagogue, nke ntshob nu num nufen Nsi ke bwôg, num maṅwù tat, fa' se ke tshùa banban.

Mfa' Ghantum 28:23

Bo ka' lé'njù boa Paulo, bo zi mbe se' mbèn njam kua' neshu, nse' ntèl i ntùm ndà i. Neto' nkebnjù nèn nkum mfetnjù, a nke ntote nu bo num nufen Nsi, nke nkwé nta, nkagtùn ntshùa num ntshù' Mosé mba ghatshob ntshob Nsi, ndù bo bam nu Yésu.

Mfa' Ghantum 28:31

A nke ntshob nufen Nsi, mbèn nke ntswite ntshob Tshùaben Yésu Kristô kua' ndaṅndaṅ, sàm netshètte ke be.

Mfa' Ghantum 8:12

Là ngelaṅ bo bam Filibo z'a nke ntshob nkùn mebwô bo mfà num nufen Nsi mba num lén Yésu Kristô là, bo nyu' bandum mba bènnzwi ntse.

Roma 14:17

Nummbe nufen Nsi ke b'a jujù mba ju nenu, a b'a nunetsine, fite mba tsiaṅte ntùm Ywèt Nelàne.

Nebwôgte 9:18

Me te nkekwi' màm mbwe Tshùaben mba mbwembwe là, num lé'njù ṅam nkuà, mbwôgtshù mba tèttswe', ke jù bàn ke nu ntse. A be ndùlal'a num nukebwô tse bin ghù, mfa' ju z'a ke' bwô num miag Tshùaben nà. Bin lo tshùa bwe nkamte yantù Tshùaben.

Nebwôgte 9:9

Ndùse me ko' num mbat nekwé ntafèt ndoṅ, ntafèt nkàn mi Tshùaben wat bin à bo là, me tswe num mbat lé'njù ṅam nkuà ke jù bàn, ke nu ntse.

Kolosé 1:13

A lo kwé be bu ngù' njame, nket be nte ntùm nufen Mén nkôni i,

1 Tésalônikà 2:12

nde'te zin ndù bin zin mb'a ku'ni num Nsi z'a tsiaṅ zin num ko' nufen se mba nkuni mi là.

1 Yohané 1:1

Ju z'a na' mbe fe neto'te, ju ze bag na' nju'u, ju ze bag na' njen miag mage, ju ze bag na' ndôte, mbu mag kwag i là, ntshob yôg,