Marko 4:3 - NTSHOB NSI

³ Bin ju'u, tshù, ngama'nsa lo tum nke nèn nema' nsa.

Marko 4:3 Iomraidhean Croise

Yobkwi 34:11

Kekua mba nziku' be nja bon ngwayit ghankàb be ntù' bwoṅbwoṅ nziku' ya yube, là ben tse bo be ndiag Tshùaben nà ke' be bwoṅ sàm ju.

Yobkwi 45:10

Ngonngon fenfen num netèt bènnzwi tse bo kô yub là. Màmfen b'a num bag bu o ze zwim ndù a kwi wul i gol z'a fe Ofir là.

Tànkùt 7:24

Nshumnshum tshàm, ndonni a bwô bin ju' me, bin kù' ntoṅ num ntshob mi a tum ntshu àm nà.

Tànkùt 8:32

Nshumnshum tshàm, ndonni bin kù' ntoṅ nju' àm, me zenu. Ghafen b'a ben tse bo be ntshùb tshàm manze là.

Nzenu 11:6

Ke njwit nzwit ju o nkebnjù, ke bèn mbam ndù bu o tswe banban mfetnjù, nummb'o ke' lèn bag i z'o nsi ju' mebwô bwe là. Mbèn mbe, a nèn num men mfa' mbàa là, o ke' lèn a be z'a tamte fa mb'a mfa' mebwô là.

Esaya 46:12

Ghakeban nu ndaṅndaṅ, benntùn tse ntù tshob sag là, bin ju'u.

Esaya 46:3

A bwô ndù tunndà Yakob ju' àm, tshé' tunndà Israél tse bo ke' ntùn nà lèn ndù me lo ket zin fe lé'njù se bo bwe zin nà, ndù me lo tomte zin fa tà bam mà zin.

Matio 13:24

A bèn mfà mo' tànkùt bo ntshob ndù: Nufen kamànyam fut'a mo' mèn z'a na' njwit ju mebwô ntùm nà i là.

Matio 13:26

Ngelaṅ ngefet bit mfa' ko' tse là, mba nzwit ju kebwô bèn ntum ze.

Matio 13:3

A lo' tànkùt, ntshob nu yi bo yàm ntshob ndù: Tshù, ngama'nsa lo tum nke nèn nema' nsa.

Marko 4:14

Ngama'nsa num ma' ntshob Nsi.

Marko 4:2

A lo' tànkùt, ntswite nu yi bo yàm, ntshob bo ntùm ze netswite ndù:

Marko 4:23

A be ze mèn ghù ntoṅ mi à neju' yi là, a ju'!

Marko 4:4

Ngelaṅ z'a ke ma' là, mo' bag i vù kaṅ manze, bon nsaṅ se' mfèle.

Marko 4:9

A bèn ntshob ndù: Mèn z'a ghù ntoṅ mi à neju' yi là, a ju'!

Mfa' Ghantum 2:14

Pétro lo tù boa tse ntshob ntshù' gham, ntshob bo kua' mà neta ndù: Ba Yuda mba njoṅ ba Yérusalém fa, bin lèn yen nu li, nkù' ntoṅ nju' ntshob màm.

Nebwôgte 4:1

Israél, ndonni a bwô bin ju' ntshù' boa nkàn mi me tshwèt ntswite zin yi là. Bin ke nze njoṅ i fa, a tshùa ndùlala bin yôge, ntsho ntùm ngô ze Tshùaben Nsi tà tsin fà bin nà.

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?

Apokalipse 2:11

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là. Mèn z'a tshùa ntsho là, mba mbatte vù bàa ke nsi kwag i.

Apokalipse 2:29

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là.

Apokalipse 2:7

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là. Mèn z'a tshùa ntsho là, mba me nsi ghù a jù ntàm tù yôg s'a be ntùm Paradis Nsi là.