Marko 2:8 - NTSHOB NSI

⁸ Be ndùse, Yésu lèn ntùm ywèt tse ndù bo kwate ndùlala ntùm ntù tshobe, ntshob bo ndù: Numke bin kwate ndùlala ntùm ntù tsin à?

Marko 2:8 Iomraidhean Croise

1 Kronika 29:17

Nsi àm, me lèn o num ntswe' ntun num ntù, mbèn nke nkô nu ndaṅndaṅ; ndùlala me fà tshen tshu bwôntù li tse me kô là wù à ntù nenùne, ntùm ntù ndaṅndaṅ; ndonni ntù àm tsiaṅte neyen mba yu nzwit mèn be nsen ni nefà tse tshu bwôntù wù mb'a kô là.

Yobkwi 139:2

O lèn ngelaṅ me tswe nsi là, mba ngelaṅ me tsin tù là. O be ndèn nkwatenu màm tà ngùanesà,

Tànkùt 15:26

Nkwate nukebwô be mbag Tshùaben, là ntshob ntùn be mbwô num miag mi.

Tànkùt 24:9

Ntàmtenu bà b'a nukebwô ngatshabte ke mb'a ta' tshùaya'nu netèt benntùn.

Esaya 55:7

A bwô ndù ngatshùagntù kag manze z'a tshùb là, ngafànnu ghua' nkwatenu mi; a bwô ndù a bèn njam ntèt Tshùaben, a nsi ko ndèn mi. A bèn njam ntèt Nsi be z'a ke' be bot nelagte mfà be là.

Ezékia 38:10

Tshù ju ze Tshùaben Nsi tshob li: Ba nkwate nsi ko' ntù o num sen lé'njù là. O nsi tàmte nukebwô ntù o.

Matio 12:15

Là Yésu be lèn yen nu là, ntum yen dù' là.

Matio 16:7

Bo kwate ntùm ntù tshob ndù: A b'a nummbe be ke' lo' bàn.

Matio 9:4

Yésu lèn nkwatenu mube, ntshob ndù: Numke bin ngù men nkwate nukebwô là ntùm ntù tsin à?

Marko 2:7

We z'a ku'ni nelagte nukebwô, kà ke nda' Nsi tù' i à?

Marko 2:9

Zit nu z'a fùag neghù, netshob kekat ndù: Nukebwô tsho mi, ke netshob yi ndù: Lo tù, nket kun so nzin à?

Marko 7:21

nummbe nkwate nukebwô ke mfe à ntùm ntù benntùn: Nekale, tshô, nezwi mèn,

Lukas 24:38

A tshob bo ndù: Numke bin mvètt'à? Numke magte nko' ntùm ntù tsin à?

Lukas 5:22

Là Yésu lèn nkwatenu mube, mbùnte ntshob bo ndù: Bin kwate nu ntùm ntù tsin numke?

Lukas 6:8

Là, a lèn nkwatenu mub ntshob mèn ze bu i jum nà ndù: Lo nsi, tsin tù netèt benntùn, a lo, ntsin tù.

Yohané 21:17

A tshob yi mbatte yoṅ tat ndù: Simon mén Yohané, o num nkô àm ké? Pétro nywin mb'a tshob yi num mbatte yoṅ tat ndù: O num nkô àm ké là, ntshob yi ndù: Tshùaben, o lèn njoṅ tshu fa, o lèn ndù me num nkô o. Yésu tshob yi ndù: Béb njùmbwe tshàm.

Yohané 6:64

Là tsemo' ben num netèt bin tse bo ke tshwèt mbam nà. (Nummbe fe neto'te Yésu lo lèn ben tse bo ke mbe ke bam nà, mba mèn z'a nsi swèn i là).

Mfa' Ghantum 5:3

Là Pétro tshob yi ndù: Anania, numke Satan dun ntù o, o tatte Ywèt Nelàne, ndem mo' nkàb nà o à?

Mfa' Ghantum 8:22

Kaṅ ntù o num yen nukebwô o là, nde'te Tshùaben mo' ndù be a lagte nkwatenu ntù o.

Héber 4:13

Sàm mèn ke' lemte mbwe i, njoṅ tshu fa b'a tunntôg mba nge num miag mi, yi ze be nsi siaṅte mbwe i là.

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.