Marko 2:5 - NTSHOB NSI

⁵ Yésu be yen bamntù yube, ntshob kekat là ndù: Mén àm, nukebwô tsho mi!

Marko 2:5 Iomraidhean Croise

Matio 9:2

Tshù, bo se' mo' kekat mbwe i ndù a nô num kunndà. Yésu be yen bamntù yub ntshob kekat ndù: Mén àm, fèn ntù, nukebwô tsho mi.

Yakobo 5:15

Le'te Nsi bamntù nsi yôg ngangokèt, Tshùaben bù' i nsi. A be z'a na' ngù nukebwô là, mba bo nsi lagte yi.

Matio 9:22

Yésu kaṅ wul i njam, njen i ntshob yi ndù: Ngon àm, fèn ntù, bamntù o yôg o. Be num yen ngelaṅ nà yen mènnzwi là yôg.

Efésô 2:8

Nummbe kondèn na' mbèn njôg zin njam bamntù; yen ni ke fe à bin, a b'a ju Nsi num mfà là;

Mfa' Ghantum 5:31

Nsi bù' i bu i ze zwim, a be mfen mba ngayôg benntùn, ndù a fà nekaṅ ntù mba nelagte nukebwô Israél.

Yohané 5:14

Tshen nà lo be tshùa, Yésu tèl i ntùm ndà Nsi ntshob yi ndù: Tshù o là z'o yate là, kà bèn neghù nukebwô, mbwôg ndù kà nu z'a bag ntshùate là tsho num o.

Lukas 5:20

Yésu be yen bamntù yube, ntshob ndù: Mènntùn, nukebwô tsho mi.

Kolosé 3:13

nke mfènte wut tsin bin bin, ndagte, a be ze mèn ghù ntsha bo mo' là. Ndaṅndaṅ mba Kristô lagte bin nà, mba bin zin lagte bin bin.

2 Korintô 2:10

Mèn ze bin lagte ju yi là, mba me lagte yi. Nummbe ju ze me lagte là, a be ze me lagte ju là, mba me lagt'a num bin, mbwe Kristô.

1 Korintô 11:30

A ju z'a ghù ghangokèt mba ben nebot yàm netèt bin, tsemo' bèn nkwù là.

Mfa' Ghantum 14:9

A lo tswe nsi, nke nju' mba Paulo tshwèt ntshob là. Mbe yen ndù a ghù bamntù z'a ku'ni neyat'é là,

Mfa' Ghantum 11:23

A kum bwe, njen kondèn Nsi ntsiaṅte, ntagte yub ndù bo ghô njam Tshùaben ntùm ntù ntshù'.

Yohané 2:25

A lo ke kô ndù mèn kwé nta mènntùn, nummbe tu wul i lo lèn ju z'a be ntùm ntù mènntùn nà.

Lukas 8:48

Là, a tshob yi ndù: Ngon àm, bamntù o yôg o, nèn fite.

Marko 5:34

Là, a tshob yi ndù: Ngon àm, bamntù o yôg o, nèn fite, nge' o bèn mi.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Esaya 38:17

Mba kua' nge' tse me yen nà bèn mbèn mfà yôg me. Ntù o bwô o bam nesô zwiag sàm ntùm gheme, dù' banban. Nummb'o ma' nukebwô tshàm njam mvèn o.

Yobkwi 103:3

Yi z'a be ndagte njoṅ nukebwô tsho fa, yi z'a be njate njoṅ ngokèt tsho fa là.

Neto'te 22:12

Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà.

Matio 9:5

Netshob ndù nukebwô tsho mi, ke netshob ndù lo tù, nène, a mit ntshob netèt men ni ndù a fùag à?

Marko 2:6

Tsemo' ghalèn ṅwa'ni Nsi tse bo be bwe là nke nkwate ntùm ntù tshob ndù: Yen mèn ni tshob ndù numke? A tshwèt ntshabte Nsi.