Marko 2:1 - NTSHOB NSI

¹ A be tshùa tsemo' bon lé'njù, Yésu bèn ntsho Kapernaum; benntùn ju' ndù a b'a ntùm ndà.

Marko 2:1 Iomraidhean Croise

Matio 4:13

A lo Nazarèt nèn Kapernaum z'a be kaṅ dibantse ntùm bag ngô Zabulon mba Néftali là, nke ntswe bwe,

Matio 9:1

Yésu tsho ntùm kenu, ndut diaṅnkat ntse, nèn ntùm ngô i.

Marko 1:45

Là, a nèn nto' nesoṅ mbèn nsa nu Yésu ntùm njoṅ dù' fa, kà Yésu ke bèn nku' netsho ntùm mo' ngô mba ntshù' ndaṅndaṅ, là, a tswe njamnjam dù' banban; mba ndùlala benntùn nke mfe bag bag, nse' ntèl i.

Marko 2:2

Benntùn yàm se', ntse'te ntùm ndà, ndune, mba njù; a nke ntshob ntshob Nsi bo.

Marko 3:20

A bèn mbèn njam ntùm ndà. Bwoṅ benntùn bèn nse' yi yàme, boa ghazi'te nu i ke ku' nejù mba jujù.

Marko 7:17

Ngelaṅ a tsho mo' ndà, ngùanesà mbaṅ bwoṅ benntùn nà, ghazi'te nu i bètt'é tun yen tànkùt là.

Marko 7:24

A lo num yen dù' là, nèn bag ngô Tiro, ntsho mo' ndà, ndiag ndù kà sàm mèn lèn, a ke ku' neleme.

Marko 9:28

Ngelaṅ Yésu tsho mo' ndà là, ghazi'te nu i bètt'é tù' bo ndù: Numke bag num mbe ke ku'ni yag neta' i à?

Lukas 4:23

A tshob bo ndù: Me lèn ndù bin nsi tshob yen tànkùt li me ndù: Ngaghù fu, yate tu wul o yu tu. Njoṅ nu fa bag ju' ndù o ghù Kapernaum nà, bèn ngù be ndaṅndaṅ nsen ni ntùm yu ngô.

Lukas 5:18

Tshù, tsemo' benntùn se' ndù bo ket mo' mèn num kunndà ndù a b'a kekale, nke ndiag netsho yi ndà, njab i mbwe Yésu.

Yohané 4:47

Yen mèn nà be ju' ndù Yésu fe Yudéa nse' Galiléa, nèn mbaṅ i, nde't'é ndù a swe' nèn njate mén i yi, nummbe a tù' nekwù.

Mfa' Ghantum 2:6

Bwoṅ benntùn be ju' yen tshu'te là, nkù nde nse'e; tu tshob tshu', nummbe mba we lo netèt bo lo ju' mba ghantum tshwèt ntshob ko' ntshob mi là.