Lukas 9:60 - NTSHOB NSI

⁶⁰ A tshob yi ndù: Faṅ fe ben tshoṅ tshob fe ben; là tu wul o, nèn ntshob yu à nufen Nsi.

Lukas 9:60 Iomraidhean Croise

Matio 4:23

Yésu nke nzin ntùm ngô Galiléa fa, nke ntswite ntùm ba sinagogue tshobe, nke ntshob nkùn mebwô nufen Nsi, nke njate njoṅ ngokèt fa, mba njoṅ lo' nzenze fa netèt benntùn.

Matio 8:22

Là Yésu tshob yi ndù: Tam njam àm, faṅ fe ben tshoṅ tshob fe ben.

Lukas 15:24

Nummbe yen mén ni lo kwù, a bèn njôge; a lo bi, a bèn mbèn njam. Bo to' neke ntsiaṅte.

Lukas 15:32

Là, a bwô neṅwate, mbèn ntsiaṅte, nummbe yen mfèl o li lo kwù, a bèn njôge, a lo bi, a bèn mbèn njam.

1 Korintô 9:16

Nummbe, a be ze me num ntshob nkùn mebwô là, mb'a ke' b'a nu nta'nsoṅ me; a b'a fa' se bo yèn me là; ndon tu àm, a be ze me ke' tshob nkùn mebwô là.

Efésô 2:1

Mba bin tse bin na' mbe ben nekwù ntùm mfànnu min mba ntùm nukebwô tsine,

Efésô 2:5

ngelaṅ bag à bin na' mbe ben nekwù ntùm mfànnu be là, a lo ghù bag à bin Kristô yôg, kondèn na' mbèn njôg zine

1 Timôtio 5:6

Là yen nà z'a be njôg ntùm ngùa là b'a mèn nekwù, mba mb'a ke' ntùn nà.

2 Timôtio 4:2

Tshob ntshob Nsi, fà wul o num bwe ngelaṅ mebwô mba ngelaṅ kebwô, tagte, tshobte benntùn, tswe'te ntù ntùm njoṅ nefènte fa, mba njoṅ netswite fa.

2 Timôtio 4:5

Là tu wul o, zete num njoṅ tshu fa, fènte nukebwô, fa' fa' ngatshob nkùn mebwô, ghù so fa' dune.

Apokalipse 3:1

Kite mba Angél ntse'te benkristô Sarda: Tshù ju ze mèn z'a ghù Ywèt Nsi sammbàa mba nsa sammbàa tshob là li: Me lèn mfa' mu, ndèn ndù o ghù lén mènntùn, là, o kwù.