Lukas 9:5 - NTSHOB NSI

⁵ Ben tse bo gha nelo' zin nà, bin tum ntùm ngô yube, mbé'te mbab num nku mine; a nsi be ju nekwé nta num bo.

Lukas 9:5 Iomraidhean Croise

Néhémi 5:13

Ndùlala me tshwètte mbab num kummbaṅ sàm ntshob ndù: A bwô ndù Nsi tshwètte mba we lo z'a ke' tshùb ntshob mi là, nsô i ntùm ze ndà, netèt tshu tse. Mèn ze Nsi tshwètt'é ndùlala là tù' mbu ndaṅe. Njoṅ mbumte fa bùnte ntshob ndù: Amén! Nyàmte Tshùaben. Ngô tshùb ntshob mi kua' mebwô.

Matio 10:18

Bo nsi nèn bin mbwe ba ngomna mba fenfen num àm ndù bin kwé nta mbwe bo mba mbwe ghakelèn Nsi.

Marko 6:11

A be ze mo' dù' ke' lo' zine, benntùn ke bèn nju' ntshob min nà, bin tum ntùm yen dù' là, mbé'te mbab mi a ṅab tun nku min nà, ndù a be ju nekwé nta bo.

Marko 9:37

Mèn z'a nsi lo' mo' metsit mén netèt tshen ni num lén sàm nà, mba ng'é lo' à me; mèn z'a lo' àm nà, mb'a ke lo' à me, là mb'a lo' à mèn z'a tum àm nà.

Lukas 10:16

Mèn z'a ju' zin nà, mb'a ju' àm, mèn z'a ghua' zin nà, mb'a ghua' àm; mèn z'a ghua' àm nà, mb'a ghua' mèn z'a tum àm nà.

Lukas 5:14

Yésu tshob yi ndù k'a soṅ sàm mèn mba ntshù, là nèn nda'te wul o ngale'te Nsi, mbèn mfà ju nelànte wut mba Mosé na' ntshob là, ndù a be yub ju nekwé nta.

Lukas 9:4

Ngelaṅ bin tsho mba ntùm zit ndà lo là, bin tswe bwe tà nkum ngelaṅ ze bin nèn nà.

Lukas 9:48

Mèn z'a nsi lo' yen metsit ménfi li num lén sàm nà, mba ng'é lo' à me. Mèn z'a nsi lo' àm nà, mb'a ke ndo' à mèn z'a na' ntum àm nà. Metsit mèn z'a be netèt njoṅ zin fa là bèn mbe mèn ndùb.

Mfa' Ghantum 13:51

Bo bé'te mbab num nku mub num bo, ndo nèn mà Ikônia.

Mfa' Ghantum 18:6

Mba bo ke nga, mbèn nke ntshabte là, a tshwètte nzwe tse, ntshob bo ndù: Lem tsin nèn be tu bin! Yàm nu ke bwe, me b'a nelàne; neto' ndonni, m'a' nèn ntèt ghakelèn Nsi.