Lukas 9:48 - NTSHOB NSI

⁴⁸ Mèn z'a nsi lo' yen metsit ménfi li num lén sàm nà, mba ng'é lo' à me. Mèn z'a nsi lo' àm nà, mb'a ke ndo' à mèn z'a na' ntum àm nà. Metsit mèn z'a be netèt njoṅ zin fa là bèn mbe mèn ndùb.

Lukas 9:48 Iomraidhean Croise

Tànkùt 18:12

Ntù mèn ke nka'te neshu o lèn mbe ze nevù ghebte; mbétni bèn nke mbe mbwe ghamte.

Matio 18:10

Bin bam nà newag mo' metsit mén netèt tshen ni. Nummbe me tshob bin ndù ba Angél tshob mfe kamànyam num ndôte se Tàa mfe kamànyam njoṅ ngelaṅ fa. [

Matio 18:14

Be ndaṅndaṅ, Tà zin mfe kamànyam ke' kô ndù mo' metsit mén netèt tshen ni bi.

Matio 19:28

Là Yésu tshob bo ndù: Kua' nenùne, me tshob bin ndù: Ngelaṅ ze nebèn nabte njoṅ tshu fa nsi se'e, Mén mèn tswe num ko'mfen nkuni mi là, bin tse bin na' ntam njam àm nà, bin nsi tswe num ndiaṅfen ntshob bàa gham, ke tsho'te ntsha tunndà ba Israél ntshob bàa gham.

Matio 25:40

Mfen nsi bùnte tshob bo ndù: Kua' nenùne, me tshob bin ndù: Njoṅ ngelaṅ fa ze bin na' ngù num mo' mèn netèt tshen bontsit fèt tshàm tse nke'nke' li là, bin na' ngù à num àm.

Matio 25:45

Là, a nsi bùnte bo, tshob ndù: Kua' nenùne, me tshob bin ndù njoṅ ngelaṅ fa ze bin na' mbe ke ghù mo' netèt tshen tse nke'nke' li là, bin na' mbe ke ghù à num àm.

Marko 9:37

Mèn z'a nsi lo' mo' metsit mén netèt tshen ni num lén sàm nà, mba ng'é lo' à me; mèn z'a lo' àm nà, mb'a ke lo' à me, là mb'a lo' à mèn z'a tum àm nà.

Lukas 10:16

Mèn z'a ju' zin nà, mb'a ju' àm, mèn z'a ghua' zin nà, mb'a ghua' àm; mèn z'a ghua' àm nà, mb'a ghua' mèn z'a tum àm nà.

Lukas 14:11

Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Lukas 22:26

Là mba bin nà, kà bin ghù be ndaṅndaṅ, a bwô ndù mèn ndùb netèt bin lo' wul i mba metsit mèn nà, mèn z'a tshwèt ntô là be mba mèn z'a tshwèt mfa' là!

Lukas 22:30

Bin nsi jù bèn nu num téblé sàm, ntùm nufen sàm; bin nsi tswe num ndiaṅfen, ke tsho'te ntsha tunndà ba Israél ntshob bàa gham.

Lukas 7:28

Me tshob bin ndù: Netèt benntùn tse bènnzwi bèn mbwe yub là, sàm mèn ke bwe z'a tshùa Yohané là. Là nda' metsit mén ntùm nufen Nsi tshùa i.

Yohané 13:20

Kua' nenùne, kua' nenùne, me tshob bin ndù: Mèn z'a lo' mèn ze me nsi tum i là, lo' àm; là mèn z'a lo' àm nà, lo' mèn z'a tum àm nà.

Yohané 14:21

Mèn z'a ghù ntshù' màm mbèn nke ndé' là, yen ni b'a mèn me nsi kô i, bèn tswite wul àm yi.

1 Tésalônikà 4:8

A ndùlala, mèn z'a wag là, ke wag à mènntùn, là, a wag à Nsi, yi z'a so Ywèt tse tse Nelàn num bin nà.

1 Pétro 5:6

Ndùlala bin fà wut nsi tun bu Nsi ze neta, ndù a bù'te zin num ngelaṅ i,

Apokalipse 21:14

Kumba' ngô lo ghù tseba' ntshob bàa gham, ndèn ntshob bàa gham, ndèn ghantum ntshob bàa gham, ghantum mén njùmbwe be num bo.

Apokalipse 3:21

Mèn z'a tshùa ntsho là, me nsi ghù bag yi tswe num ko'fen sàm, ndaṅndaṅ mba tu wul àm na' ntshùa ntsho, ntswe bag Tàa num ko'fen se là.