Lukas 9:47 - NTSHOB NSI

⁴⁷ Là Yésu lèn nkwatenu mi a be ntù bo là, ndo' metsit ménfi, nte mbaṅ i, ntshob bo ndù:

Lukas 9:47 Iomraidhean Croise

Yobkwi 139:2

O lèn ngelaṅ me tswe nsi là, mba ngelaṅ me tsin tù là. O be ndèn nkwatenu màm tà ngùanesà,

Yobkwi 139:23

O Nsi, zwi't'àm, ndèn ntù àm, laṅt'àm, ndèn yàm nywin,

Yérémia 17:10

Me Tshùaben, me be ntswe' ntun ntù mèn, ndèn bam se, ngù mba we lo à mba nzin mi lo' mbe yi là, ndaṅndaṅ mba mfa' mi lo' mbe yi là.

Matio 12:15

Là Yésu be lèn yen nu là, ntum yen dù' là.

Matio 9:4

Yésu lèn nkwatenu mube, ntshob ndù: Numke bin ngù men nkwate nukebwô là ntùm ntù tsin à?

Lukas 5:22

Là Yésu lèn nkwatenu mube, mbùnte ntshob bo ndù: Bin kwate nu ntùm ntù tsin numke?

Yohané 16:30

Ndonni bag lèn ndù o lèn njoṅ tshu fa, mba ndù o ke' diag ndù sàm mèn bètt'o nu; a num ndùlala ze bag bam ndù o fe à Nsi là.

Yohané 2:25

A lo ke kô ndù mèn kwé nta mènntùn, nummbe tu wul i lo lèn ju z'a be ntùm ntù mènntùn nà.

Yohané 21:17

A tshob yi mbatte yoṅ tat ndù: Simon mén Yohané, o num nkô àm ké? Pétro nywin mb'a tshob yi num mbatte yoṅ tat ndù: O num nkô àm ké là, ntshob yi ndù: Tshùaben, o lèn njoṅ tshu fa, o lèn ndù me num nkô o. Yésu tshob yi ndù: Béb njùmbwe tshàm.

1 Korintô 14:20

Fèt tshàm, kà bin be bônke' ntùm nkwate. A bwô bin b'a bonfi num nukebwô; là ntùm nkwate bin be kum benntùn tse bo ku' là.

Héber 4:13

Sàm mèn ke' lemte mbwe i, njoṅ tshu fa b'a tunntôg mba nge num miag mi, yi ze be nsi siaṅte mbwe i là.

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.