Lukas 9:29 - NTSHOB NSI

²⁹ Ngelaṅ a ke nde'te Nsi là, se i kaṅ, nzwe tse kaṅ, nke ṅwa' neṅwa'ni.

Lukas 9:29 Iomraidhean Croise

Esaya 33:17

Miag mu nsi yen mfen ntùm nkuni mi, bo nsi ze ngô z'a zi neshu là.

Esaya 53:2

A lo ku' mbwe i à mba meyubte tù là, mba metob tù s'a bit num dù' tsha' njum nà. A lo ke ghù bwô, me ju neziag ke be num i z'a ghù nelo' ntù be là; ntshù mi ke ghù ju z'a b'a bwô be là.

Matio 17:2

wul i kaṅ mbwe bo, se i ziag mba lagnyam nà, nzwe tse tù' fôgtab mba nka' là

Marko 16:12

Yen nu là lo be tshùa, Yésu bèn ṅwag num mo' mat ghua ben bàa netèt bo tse bo be num manze, nke nèn mà tshwèt là.

Lukas 3:21

Ngelaṅ Yohané nyu' njoṅ benntùn fa mba Yésu ntse, Yésu nke nde'te Nsi là, kamànyam gha'.

Lukas 5:16

Là, a tum nèn mo' kônkwa, nke nde'te Nsi.

Lukas 6:12

A be num tshen lé'njù là, a nèn num mbat num nele'te Nsi, nzi bwe nele'te Nsi.

Lukas 9:18

A be num mo' lé'njù Yésu nke nde'te Nsi tù' i, ghazi'te nu i tse'te mbaṅ i: A bètte yub ndù: Bwoṅ benntùn num nke ntshob ndù me b'a we?

Lukas 9:30

Tshù, Yésu nke ntshobte boa ben bàa; tshen nà na' mb'a Mosé bo Elia;

Yohané 1:14

Ntshob lo tù' mènntùn, nke ntswe netèt be; be yen nkuni mi, nkuni mi a kwé Tà, yi z'a be nkwi Mén ntshù', ndù a dun kondèn mba nenùn nà.

Mfa' Ghantum 6:15

Njoṅ benntùn fa tse bo tswe ndàntsha là, lo te miag num Etiènne; se i tswe bo mba se Angél là.

Apokalipse 20:11

Me yen mo' ko'fen se ndùb mba mèn z'a tswe num bwe là; tsha' mba kamànyam kù mbwe i, bo ke bèn njen dù' yube.