26 Nummbe mèn z'a nsi ko tuswe num àm mba num ntshob màm nà, mba mba Mén mèn nsi ko ze tuswe num i ngelaṅ z'a nsi se' ntùm nkuni mi mba mi Tà mba mi ba Angél nelàn nà.
Benntùn lo wag, ngua' i, a be mèn ntobni, ndù nge' à lat num i. A na' mb'a mba mèn ze mèn ke' be tam lag num i là. Be lo tshèl i, ke lo' i mba sàm ju là.
Nummbe mèn z'a nsi ko tuswe num àm mba num ntshob màm netèt yen zwiaṅ ghaghù màndà mba ghaghù nukebwô li là, mba mba Mén mèn nsi ko ze tuswe num i ngelaṅ z'a nsi se' ntùm nkuni tàab boa ba Angél nelàn nà.
Bo bùnte ndù: Kôrneliô ngatô soyé nkù, mèn netsin mba ngabwôg Nsi, ze njoṅ ba Yuda fa num nkwé nta mi kua' mebwô là lo yen Angél nelàne, a tshob yi ndù: Tshùaben tshwèt nkô ndù o se' ndà Kôrneliô ndù yen ni ju' ntshob mu.
A ndùlala, me num ntsiaṅte ntùm ba lo', ntùm ba tshabte, ntùm nebwoṅe, ntùm netsho' nku kebàn, ntùm zwentù, num nu Kristô! Nummbe me ke nt'a ngelaṅ me bot là.
Mba me là, me ke tshwèt nta' nsoṅ num sàm ju, mb'a b'a nda' num fanta'tù Tshùaben be Yésu Kristô, num yàm tu, bo lo kwimte njù num fanta'tù, mba bo na' nkwimte mba tu wul àm num fanta'tù num njù là.
Me lo' Nsi, Kristô Yésu mba ba Angél tse bo tsho' yub là, mba ghakwénta là, mbètt'o ndù o ze tshen tshu là, ke tsho ntùm tôte, ke yi'te num tsemo' ben ntshùa tsemo'o!
A num ndùlala ze me tshwèt njen nge' là, là tuswe ke' ko àm, nummbe me lèn mèn ze me bam i là, ndèn kua' mebwô ndù a b'a mèn neta z'a ku'ni nelem bu' sàm num sen lé'njù là là.
Là mbe se' mba ba bwôgtun, ghakebam, ba ṅu'u, ghazwi benntùn, ba kattù, ghaka, ghaghamte nsi neto, mba njoṅ ghatatte fa là, yub bag i nsi b'a ntùm lagmbwôg mba zin z'a tshwèt nkù là. A b'a mbatte vù bàa.