Lukas 9:1 - NTSHOB NSI

¹ Yésu tsiaṅ tse ntshob bàa gham, mfà neta mba ngù' netô njoṅ ywètkebwô fa bo, mba neyate ngokèt;

Lukas 9:1 Iomraidhean Croise

Matio 16:19

Me nsi fà fùn kamànyam wù; ju z'o nsi kut num nsitsha' là, bo nsi bèn kut kamànyam; ju z'o kiagte num nsitsha' là, bo nsi bèn kiagte kamànyam.

Matio 4:24

Bo ju' tshô i ntùm njoṅ ngô Siria fa. Bo lo' njoṅ benntùn fa tse bo na' ntswe kebwô, ngù ngokèt nzenze mba lo' yàme, ghaghù ywèt kebwô, ghaghù wà'à mba ba kekat là, nse' yi, a yate yube.

Matio 8:9

Nummbe tu wul àm, me b'a mènntùn njam ben ndùbndùb, ndù mba me bèn ngù ba soyé njam àm. Me num ntshob mo' ndù: Nène, a nèn; ntshob mo' ndù se'e, a se', ntshob ngafa' àm ndù: Ghù yen ju li, a ghù.

Lukas 10:1

Yen nu là lo be tshùa, Tshùaben bèn ntsho' tsemo' ghazi'te nu i ntu ṅam sammbàa, ntum yub bàa bàa mbwe i, ntùm njoṅ ngô fa, bo dù' ze tu wul i nsi nèn bwe là;

Lukas 10:19

Bin ju'u, me lo fà ngù' nenyiaṅ nyu nku, nenyiaṅ nenya'tshum mba netshùa neta ghakeban bin, ndù kà sàm ju ghùtni zine.

Yohané 14:12

Kua' nenùne, kua' nenùne, me tshob bin ndù: Mèn z'a bam àm nà nsi fa' mfa' mi me tshwèt mfa' là; a nsi fa' mfa' ndùb ntshùa men ni, nummbe me tshwèt nèn tèt Tà.

Mfa' Ghantum 1:8

Là bin nsi kwé nta Ywèt Nelàn ts'a nsi swe' num bin ndù bin be ghakwénta màm ntùm Yérusalém, ntùm Yudéa mba Samaria tà nèn nkum num miagte tsha' là.

Mfa' Ghantum 3:16

A tshùa num bamntù num lén Yésu, sen lén nà fà neta yen mèn ni ze bin tshwèt njen mbe ndù bin lèn i là. Bamntù z'a num Yésu là yate yen mèn ni yoṅ ntshù' mbwe njoṅ zin fafa.

Mfa' Ghantum 4:30

nyit bu o ndù bo ke njate ghangokèt, mba ndù bo ke ngù nsà mba ba nu netshàme, njam lén ngafa' o ze nelàn Yésu.

Mfa' Ghantum 9:34

Pétro tshob yi ndù: Enéa, Yésu Kristô yat'o, lo tù nabte kun so yu tu. Be ndùse a lo tù.