Lukas 8:47 - NTSHOB NSI

⁴⁷ Mènnzwi là lo be yen ndù a be a ke lemte wul i mvèle, nse' ngwù num nku Yésu, nsoṅ mbwe njoṅ benntùn fa, ju z'a lo ngù k'a nkwag i là, mba mat a lo ndo' njate yi be ndùse là.

Lukas 8:47 Iomraidhean Croise

Yobkwi 2:11

Bin fa' Tshùaben ntùm nebwôge, bin ke ntsiaṅte ntùm nevètte,

Yobkwi 38:9

Neta ke me, bo be't'àm fafa. Me be nkua'a, nke nzi' mà ntùm ntù àm.

Yobkwi 66:16

Njoṅ zin fa bin be mbwôg Nsi là, bin se' nju'u, me nsi soṅ zin ju z'a ghù ntù àm nà.

Esaya 66:2

Mbu màm bèn nabte njoṅ tshen tshu là fa. Njoṅ i fa be ntùn à mba me bèn nkô là. Tshùaben bèn ntshobe. Tshù mèn ze me nsi te lag num i li: A b'a num mèn z'a tshwèt njen nge', ndù ntù i bot, a nke mvètte mbwe ntshob màm nà.

ṄWA'NI OSÉ 13:1

Ngelaṅ Efraim ke ntshob là, fétwut nke mbe; a lo b'a mèn ndùb Israél; l'a tshùa num Baal, mbe ngafànnu, nkwù.

ṄWA'NI OSÉ 5:3

Tu wul àm me lèn Efraim, Israél ke' lemte num miag màm. Ndonni z'o tswite Efraim kat là, Israél sagte wul i.

Habakuk 3:16

Me lo ju'u, kondèn ko' ntù àm. Nkub ntshu màm be mvètte ndùs'a ju' yen nze là là; mvôg màm be nju, ntunkekwi' màm tiagte: Bin tswe ndù kam me ju' lé'njù nge', lé'njù se nge' nsi kam num nzwit mèn z'a be nkam be là.

Matio 28:8

Bo lo mbaṅ fi, nèn ndende ntùm bwôg mba tsiaṅte ndùb, nkù nde nèn nsoṅ ghazi'te nu i yen tshô là.

Marko 5:33

Mènnzwi là bwôg, mvètte, nummbe a lèn ju z'a na' ngù num i là, a se' ngwù nsi mbwe i, ntshob njoṅ nunenùn fa yi.

Lukas 8:46

Là Yésu tshob bo ndù: Mènntùn kwag àm, nummbe me ju' mba mo' neta tum num àm nà.

Lukas 8:48

Là, a tshob yi ndù: Ngon àm, bamntù o yôg o, nèn fite.

Mfa' Ghantum 16:29

Ngabéb ndàtsha bètte nka' nkù nde nèn tshaṅ ndàtsha, ngwù num nku Paulo mba Silas, nke mvètte,

1 Korintô 2:3

Mba me là, me lo be netèt bin à ntùm nebwôge, mba ntùm nevèt yàme.

2 Korintô 7:15

nkôni i num bin num njàm ntshùate ngelaṅ z'a tshwèt nkwimte zin neju' ntshu, mba mba njoṅ zin fa na' ndo' i ntùm nebwôge, mba nevètte là.

Filipi 2:12

Ndùlala, fètfèt tse nkôni, bin ke nju' ntshu be ndaṅndaṅ, ke b'a nda' ngelaṅ me be netèt bin nà; là bin ghù ntshùate ngelaṅ me be ngùanesà là, bin fa' num ko' yôg sin ntùm bwôg mba nevètte.

Héber 12:28

Ndùlala, mba be kwé nufen z'a ke' be nyi'te là, bag à bin tshùb yen kondèn nà, mfa' fa' Nsi ntùm nebwôg i mba ntùm nku'ni, mb'a bwô i là.

1 Samuél 16:4

Samuél ghù ju ze Tshùaben tshob yi là ndo nèn Bétléhém. Ghakwé mbwe tse bo be tusô là kù nde nse' mbwe i ntùm vètte, mbètt'é ndù: O lo' a tshô mebwô nse' yi ké?