Lukas 8:32 - NTSHOB NSI

³² Tshù, mo' bwoṅ ngùnyàm lo be num yen kônga là, nke njù dù', ba ywètkebwô bu' mbu Yésu ndù a bam bo tsho num tshen ngùnyàm nà. A bam bo.

Lukas 8:32 Iomraidhean Croise

1 Fenfen 22:22

A bùnte ndù: Me nsi tume, be ywèt tatte mba ntshu zit ngatshob ntshob Nsi lo netèt ghatshob ntshob Nsi tse fa. Tshùaben tshob ndù: O nsi lo' ntù i tà nèn miagte, nèn ngù kua' ndùlala.

ṄWA'NI YOB 1:10

O ke' kabt'é, ndà i mba tshu fa ts'a ghù là ké? O naṅ mbotni num fa' mbu mi fa, bwoṅ nyàm tse lo' ngô fa.

ṄWA'NI YOB 1:12

Ndùlala Tshùaben tshob Satan ndù: Tshù, me fà mba ke lo z'a ghù là wù ndù o ghù mba ke lo z'o kô là yi; nda' ta' ju ntshù', ke kwag tu wul i bu. Satan lo num miag Tshùaben.

ṄWA'NI YOB 2:6

Tshùaben tshob Satan ndù: tshù, me fà i wù ndù o ghù mba ke lo z'o kô là yi. Nda' ndù a bwô nezete num yôg se.

Yobkwi 62:11

Kà bin yab ntù zin num nefètte lem, ke ghù nywinte banban num tshô. Ngelaṅ fu' ke njàm nèn mbwe là, kà bin yab ntù zin num bwe.

Esaya 65:4

nke nzi ntùm ntufi, nke nzi ntùm ngabloṅ, nke mfèt mbàb ngùnyàm, nke njù jujù z'a sagte là.

Esaya 66:3

Mèn z'a tshwèt ngwat nyàmna' là b'a mba mèn z'a wal à mènntùn nà. Mèn z'a fà ta' njùmbwe num jule'te là b'a mba mèn z'a dù' à tô ta' mbù là. Mèn z'a fà ju bwôntù là b'a mba mèn z'a sa à lem ngùnyàm nà. Mèn z'a ton tshu nelamte là b'a mba mèn z'a ghamt'â ba neto là. Njoṅ tshen ben nà fa be ntsiaṅte num tshob manze tse bo tshùb là, ntù tshob nke ṅwate num tshùaya'nu tshobe.

Lévitiko 11:7

Bin ke nsi fèt ngùnyàm ze nkib i bo ku i ghù neta' i, là, a ke be fèt nenà ndé' ntshu i là. Bin nsi lo' i mba nyàm z'a sagte là.

Matio 7:6

Kà bin fà ju nelàn ba mbù, ke bèn ma' ntôgntse min mbwe ngùnyàm, mbwôg ndù kà bo tse' nku mube, mbèn nkaṅ wut yub, mfèt zine.

Lukas 8:31

Tshen ywètkebwô là bu' mbu Yésu ndù k'a bam ndù bo nèn ntùm gheme.

Lukas 8:33

Bo be tum num mèn nà, ntsho num tshen ngùnyàm nà; bwoṅ ngùnyàm nà tsho num tu mbale, ngwù ntùm diaṅnkat ntse, nkwùte fa.

Yohané 19:11

Yésu bùnte ndù: A lo mbe ndù Tà mfe kamànyam ke' fà wù, mb'o ke' ghù sàm ngù' num àm. A ndùlala mèn z'a fà àm wù là ghù nukebwô z'a be ze ndùb ntshùate là.

1 Yohané 4:4

Bontsit bon tshàm, bin fe à Nsi, bin lo à tshùa yube, nummbe mèn z'a be num bin nà b'a mèn ndùb ntshùa mèn z'a be ntùm njù là.

Apokalipse 20:7

Ngelaṅ ze ngu' ntsha' mbùm nsi bumte là, bo nsi kiagte Satan ntùm ndàtsha i;