Lukas 8:3 - NTSHOB NSI

³ Yohanà nzwi Kusà, ngalôte tshu Hèrodé, mba Susànà, mba tsemo' tse yàme, tse bo ke ndo' tshu tshob njwimte Yésu boa ghazi'te nu i yi là.

Lukas 8:3 Iomraidhean Croise

1 Kronika 29:14

Me b'a we, ngô be we, kà bag ku'ni nefà tshen tshu bwôntù wù mba bag kô à? Njoṅ tshu fa ke mfe à wù, ju ze bag fà wù là, o bèn mfà bag.

Esaya 23:18

Là, a nsi fà ze bin bo ze nkàbfa' Tshùaben. A ke nsi tse't'a netse'te, ke bèn ndé' à nelé'é; nummbe bin i nsi fà jujù yàm boa nzwe mebwô ben tse bo num njôg mbwe Tshùaben nà.

Matio 14:1

Num yen ngelaṅ nà, mfen Hèrodé ju' tshô Yésu, ntshob tshe' tse ndù:

Matio 14:3

Nummbe Hèrodé na' mbèn ngù bo tshùb Yohané, nkul i, ma' ndàtsha num nu Hèrodia, nzwi Filibo mfèl i.

Matio 14:6

Mum lé'njù bo tsiaṅte lé'njù bo bwe Hèrodé là, ngon Hèrodé nyiaṅ netèt bo, a bwô Hèrodé neshu.

Matio 2:11

ntsho ndà, njen mén bo Maria màab nkwim ntunkekwi' mub nsi mbwe mén, ngamt'é, nga' mbàm mube, mfà nda' yi: Gol, labinda mba mire.

Matio 20:8

Njù be sène, tà yen nà là tshob ngatshagte fa' ndù: Tsiaṅ ghafa', mfà nkàbfa' bo, nto' num ba njam nèn nkum num ba mbwe.

Matio 25:40

Mfen nsi bùnte tshob bo ndù: Kua' nenùne, me tshob bin ndù: Njoṅ ngelaṅ fa ze bin na' ngù num mo' mèn netèt tshen bontsit fèt tshàm tse nke'nke' li là, bin na' ngù à num àm.

Matio 26:11

Bin à bwoṅbwoṅ nke mbe njoṅ ngelaṅ fa, là bag à bin ke ke mbe njoṅ ngelaṅ fa.

Matio 27:55

Mba bènnzwi yàm lo be yub bwe, ntsin ngùanesà nke ndôte mfe bwe; tshen nà tse bo na' mbwe Yésu fe Galiléa, nke mfa' yi là.

Lukas 24:10

A na' mb'a Marta ze Magdala, Yohanà, Maria mà Yakobo mba tsemo' bènnzwi tse bo à bo be là. Bo na' mbèn nsoṅ ghantum yen nu là.

Yohané 12:6

Là, a tshob ndùlala ke b'a ndù a tshwèt nywin num bwoṅbwoṅ, là nummbe a na' mb'a ntshô, mbe ndù a na' mbèn nke ndé' mfe', nke njé ju ze bo yab ntùm bwe là.

Mfa' Ghantum 13:1

Netèt ntse'te benkristô Antiôkia, ghatshob ntshob Nsi mba ghatswite lo be bwe: Barnaba, Simon ze bo num ntsiaṅ i Niger là, Lukiô ze Kiréné, Manahèm ze bo kwiagt'é bo mfen Hèrodé là, mba Saulo.

2 Korintô 8:9

Nummbe bin lèn kondèn Tshùaben be Yésu Kristô, yi ngankàb lo tù' mbwoṅ num bin, ndùlala ndù bin tù' ghankàb njam bwoṅ i.

Filipi 4:22

Njoṅ ben nelàn fa tsha'te zine, njôg mbe ben tse bo be ndà kàsà là.

1 Timôtio 5:10

a bwô a ghù kwénta ntùm mfa' mebwô, netshagte bon, nelo' ghùn, nesôg nku ben nelàne, neywimte ghayennge', neze njoṅ nzenze mfa' mebwô fa.