Lukas 8:24 - NTSHOB NSI

²⁴ Bo kù'te nse' mbaṅ i, mbam i, ntshob ndù: Tà, bag bi li! A bam, ntshobte fetmbaṅ mba fetntse, bo tsin, dù' tswe ndù kam.

Lukas 8:24 Iomraidhean Croise

Yobkwi 65:7

O lo' neta o mféb ba mbat yi nsi, ntaṅ ngù' tun tu wul o.

Esaya 50:2

Numke me na' nse' ke tèt mèn nsi à? Numke me na' ntsiaṅ mèn ke bùnt'à? Ndù bu àm vôg ta mba b'a tshu' zin nà ké? Me ke' ghù neta nelo' njôg zin yi ké? Ndù me tshob nda' netshob mba dibantse nsi jumte. Me be ndo' ntu' koṅntse nkaṅ tsha' njum yi, kà ngontse ts'a bwe là bwoṅ ntse, nyàm ts'a ntùm bwe là kwù nzi ntse.

Yérémia 5:22

Tshùaben tshob ndù: Bin ke nsi bwôg àm tsin ké? Bin ke nsi vètte tsin mbwe àm ké? A b'a me na' mbèn mfà nkwango' dibantse mba ze ndùnsi là. A b'a ze ndùnsi matmat z'a ke' bwô ndù a tôg là. Ntu' ntse mi a be ntùm bwe là be nke mbùne, là, mo' sàm neta ke be bo. Men ntu' ntse là be nke ntshu'u, là ke yôg ntôg ze ndùnsi.

Nahum 1:4

A be ntam mbwôg ntshu dibantse ngù a jum, a be ngù nta'ntse zwimte; Basan bo Karmél yub, nsàm nenà Liban lab.

Matio 14:30

A ju' fetmbaṅ, mbwôge; mb'a ke nto' nevù ntùm ntse là, a kua' neta, ntshob ndù: Tshùaben yôg àm;

Matio 8:25

Ghazi'te nu i se' mbaṅ i, ntshob ndù: Tshùaben, yôg yage, bag tù' nebi.

Marko 4:39

A bam, ntshobte fetmbaṅ, ntshob dibantse ndù: Mi ntswe, fi! Fetmbaṅ tsin, dù' fi.

Lukas 4:35

Yésu tshobt'é ntshob ndù: Mi ntswe, tum num i. Ywètkebwô ma' i nsi netèt benntùn, ntum num i, ke ghù sàm nukebwô yi.

Lukas 4:39

Yésu ben wul i num i, ntshobte saṅtewut là, a tum num i. A be lo nsi be ngelaṅ mbile, nto' nefa' bo.

Lukas 5:5

Simon bùnte ndù: Tà, bag ghùtni wut tshag yen tèttswe' li ke ghom sàm ju, là num ntshob mu me nsi ma' mbunjà.

Lukas 8:25

A tshob bo ndù: Bamntù zin b'a yà? Bwôg tshùb yube, bo nyàmte yen nu là, nke ntshob bo bo ndù: Yen mèn ni b'a ndùke? A num ntô fetmbaṅ mba ntse, bo nke nju'ni yi.