Lukas 8:15 - NTSHOB NSI

¹⁵ Nsa mi a vù ntùm dù' tsha' mebwô là b'a benntùn tse bo ju' ntshob Nsi, ntshùb ntùm ntù mebwô mba ntù nenùne, nke njam ntàm ntùm nefènte là.

Lukas 8:15 Iomraidhean Croise

Yobkwi 119:11

Me lem ntshob mu ntùm ntù àm, ndùlala ndù kà me ghù nukebwô num o.

Yobkwi 51:10

Soṅ àm tshô ṅwate mba tsiaṅte, ndùlala mvôg màm mi o kôgte là nsi tsiaṅte.

Tànkùt 3:1

Nshum àm, kà lag tshu tse me na' nzi't'o yi là, a bwô ndù o tshùb ntag màm.

Yérémia 15:16

Me lo kwé ntshob mu, njoṅ mi njoṅ i fa; ntshob mu be mfà tsiaṅte ntù àm, bo nkôni yàme. Nummbe bo be ntsiaṅ àm lén so me Tshùaben, Nsi tàndà ntsho.

Yérémia 31:33

Là, tshù lèn kàn se me nsi wat bag tunndà Israél ndùse tshen lé'njù là nsi tôg li: Me nsi yab ntshù' àm ntùm wut yub, kit'é ntùm ntù bo; me nsi be Nsi yub, bo be yàm nzwit mèn. Tshùaben bèn ntshobe.

Yérémia 32:29

Ba Kaldéa kam sen tusô li ntsho, bo nsi tsho bwe; bo nsi te mbwôg bwe, a kù i boa mba' mi bo na' ntsin num tu bwe, ton tshu nelamte Baal, ma' ndu' tsemo' nsi, nelo' nkamte yantù àm yi là.

Matio 24:13

Là mèn z'a nsi fènte tà nèn miagte là, mba yen mèn nà nsi yôge.

Lukas 11:28

Là Yésu tshob ndù: Là ghafen bèn mbe ben tse bo num nju' ntshob Nsi, mbèn nke nze là.

Lukas 6:45

Mèn mebwô num nsô tshu mebwô ts'a tse'te ntù i là; mèn kebwô sô ju kebwô ntùm tshu tse tse kebwô. Nummbe ju z'a dun ntùm ntù mèn nà, ntshu i ke ntshob à be yi.

Lukas 8:14

Nsa mi a vù dù' ngumndot là b'a benntùn tse bo ju' ntshob Nsi, là nelab wut, nu neghù tshu yàm se', mfam yub num manze, bo ke yam sàm tàm nà.

Lukas 8:16

Sàm mèn ke' be te mbwôg num lambo, mbèn ndo' kab nkabte yi, ke nete lakunndà lo, là, a ke nte i à num téblé ndù ben tse bo tsho ndà là yen nelàn i.

Yohané 14:15

A be ze bin kô àm nà, mba bin nsi lé' ntshù' màm,

Yohané 15:10

A be ze bin lé' ntshù' màm nà, mba bin nsi ghô num nkôni àm, be ndaṅndaṅ, mba me lo lé' ntshù' Tàa, me ghô num nkôni i;

Roma 2:7

A nsi fà yôg matmat ben tse bo num nkagtùn ntùm mfa' mebwô, nke ndiag ghamte, nku'ni mba nebe ke kwù là;

Roma 6:22

Là, ndonni ze bin tum kuan bu nukebwô, ntù' kuan Nsi là, bin tshwèt nkàb ntàm num nu nelàn ze miagt'é b'a yô matmat là.

Roma 7:18

Nummbe me lèn ndù numebwô ke' be tswe num àm (yen nà b'a ndù ntùm mbàb wul àm). Nekô neghù numebwô num num àm, là neghù a bumte ke' be me.

Roma 7:4

Fèt tshàm ndùlala mba bin, bo lo ghù bin kwù mbwe ntshù' njam wut Kristô, ndùlala ndù bin ghù mo' mèn, yen nà z'a lo num vù là, mba ndù bin yam ntàm num Nsi.

Roma 8:25

Là, a be ze bag à bin tshwèt nywinte ju ze be ke' yen nà, mba bag à bin nsi ke mbéb à ntùm nefènte.

1 Korintô 7:19

Nesi ket ke b'a sàm ju, nebe ke si ket ke b'a sàm ju, là ju z'a ku'ni là b'a neze ntshù' Nsi.

Efésô 2:8

Nummbe kondèn na' mbèn njôg zin njam bamntù; yen ni ke fe à bin, a b'a ju Nsi num mfà là;

Nebwôgte 30:6

Tshùaben Nsi o nsi fà kaṅntù wù bin nzwil o, a tshùa ndùlala o ke nkô i ngô ntù o fa mba zwiag so fa, ntôg ndùlala njôge.

Filipi 1:11

bin dun ntàm nunetsin mi a be njam Yésu Kristô là num nkuni mba nenyàmte Nsi.

Kolosé 1:10

ndù bin zin num mat z'a ku'ni num Tshùaben nà, ndùlala ndù bin bwô i miagte, nke njam ntàm ntùm nzenze mfa' mebwô, nke nku' nèn mbwe ntùm nelèn Nsi,

Kolosé 1:6

z'a se' la' bin ndaṅndaṅ mb'a be netèt bin fe lé'njù ze bin na' nju'u, ndèn kondèn Nsi ntùm nenùn nà.

Héber 10:36

Nummbe a bwô bin fèn ntù, ndùlala ndù bin ghù ze nekô Nsi, nkwé ju z'a ka' bin nà.

Héber 2:1

A ndùlala, a bwô ndù be lat num tshu tse be ju' là kua' mebwô, mbwôg ndù kà bo fiag be num bo.

Yakobo 1:4

Là, a bwô ndù fènntù yam fa' s'a bwô miagte là, ndùlala ndù bin bwô miagte, ngù njoṅ zin bag i fa ke bwoṅ sàm ju.

1 Yohané 2:3

A be ze bag à bin ze ntshù' mi là, mba bag à bin lèn ndù be lo lèn i.