Lukas 8:14 - NTSHOB NSI

¹⁴ Nsa mi a vù dù' ngumndot là b'a benntùn tse bo ju' ntshob Nsi, là nelab wut, nu neghù tshu yàm se', mfam yub num manze, bo ke yam sàm tàm nà.

Lukas 8:14 Iomraidhean Croise

Matio 13:22

Dù' ngumndot dù' ze bo ma' nsa bwe là, b'a mèn z'a num nju' ntshob Nsi, là nelab wut num yôg se ntùm njù mba nekô nu nkàb se' mfam ntshob mbile, a ke yam ntàm mi là.

Marko 4:19

là nelab wut num yôg sub ntùm njù, nekô nu nkàb mba ghe'te nzenze se', ntsho ntùm ntù tshobe, mfam ntshob mbile, a ke yam ntàm mi là.

Lukas 16:13

Sàm ngafa' ke' ku'ni nefa' tà bàa, nummbe a' ke mbàn mo'; nke nkô mo', ke neke ndat wul i num mo', nke ngwag mo' newag lo. Be bin ke ku'ni nefa' Nsi mba nkàb.

Lukas 21:34

Là bin bam nà num tu wut tsine, mbwôg ndù kà ntù tsin bot ntùm nejù yàme, ntùm nebum ndu', ntùm nelab wut num yôg sin ntùm yen njù li, mba ndù kà sen lé'njù là be ṅwag num bin, bin ke lèn.

Lukas 8:13

Ba num ndoṅ b'a ben tse bo num nkwé ntshob Nsi ntùm tsiaṅte ngelaṅ bo ju'u, là ke ghù nga tse, bamntù yub ze keta fam ngelaṅ metsit laṅte se' bo là.

Lukas 8:15

Nsa mi a vù ntùm dù' tsha' mebwô là b'a benntùn tse bo ju' ntshob Nsi, ntshùb ntùm ntù mebwô mba ntù nenùne, nke njam ntàm ntùm nefènte là.

Lukas 8:7

Mo' vù netèt ngumndot; ngumndot ko' bo yi, mfam i.

Yohané 15:6

A be ze mèn ke' ghô num àm nà, mba bo ma' i njù mba kaṅtù là, a jum; bo tse'te men nà, ma' mbwôge, bo kù.

1 Timôtio 6:17

Tshob ghankàb tse yen njù li ndù kà bo ko'te nkwatenu mube, ke ke nywinte num nkàb z'a ku'ni nebi là, là, a bwô bo nywinte num Nsi z'a num mfà njoṅ i fa ntshùate, ndù be tsiaṅte là;

2 Timôtio 4:10

Nummbe Démas ghua' àm, nkô yen njù li. A nèn Tésalônikà. Krèscens nèn Galatia, Titô nèn Dalmatia.

Héber 6:1

A ndùlala, be faṅ mbwe nu ntshob Kristô, nèn mbwe ntùm netswite z'a bwô miagte là, ke bèn nte tseba' nekaṅ ntù num mfa' nekwù, bamntù num Nsi,