Lukas 8:13 - NTSHOB NSI

¹³ Ba num ndoṅ b'a ben tse bo num nkwé ntshob Nsi ntùm tsiaṅte ngelaṅ bo ju'u, là ke ghù nga tse, bamntù yub ze keta fam ngelaṅ metsit laṅte se' bo là.

Lukas 8:13 Iomraidhean Croise

ṄWA'NI YOB 19:28

Yen ngelaṅ nà bin a' tshob ndù: Bag na' nke njoṅ i à numke? Nummbe nunetsin z'a tomte yàm njam nà nsi la'te wul i.

Tànkùt 12:12

Ngatshùagntù be nge'te ju ze ghatshùagntù lo' là, là, nga ben netsin nsi yàm ntàme.

Tànkùt 12:3

Mènntùn ke' be lo' tshùagntù ngum wul i yi, là nga ben netsin ke nsi nyi'te.

Esaya 58:2

Bo be ndiag àm njoṅ lé'njù fa, nke nkô nelèn tshàm manze; nke ngù à mba ngô z'a ghù nunetsine, ke ghua' tse ntshù' Nsi i là. Bo tshwèt mbètt'àm mb'a bwô neghù kà nunetsin be là, nke nkô neghebte num Nsi.

Ezékia 33:32

O be bo a mba ngayob kwi nkôni là, ndù o be njob kwi kua' mebwô, mbe yob nke mbu'u. Bo be nju' ntshob mu. Nda' ndù sàm mènntùn ke' be ze ntshob mbile.

ṄWA'NI OSÉ 6:4

Efraim, m'a' ghù à ke wù à? Yuda, m'a' ghù à ke wù à? Yu nebétni b'a mba ṅam nkebnjù là, mba meme' nkebnjù mi a be ntôg là!

Marko 6:20

nummbe Hèrodé lo ke mbwôg Yohané, ndèn ndù a b'a mèn netsine, mbe mèn nelàne, nke nzi tshùalo num i, ntshètt'é. Ngelaṅ z'a ju' ntshob mi là, a tshàm, mbèn nkwate nu yàme, mba ndùlala a nke nju' i ntùm tsiaṅte.

Lukas 8:12

Ba kaṅ manze b'a ben tse bo num nju' ntshob Nsi, là Satan se' be ndende nsô ntshob là ntùm ntù tshob ndù kà bo bam, ngù nse' njôg là.

Lukas 8:14

Nsa mi a vù dù' ngumndot là b'a benntùn tse bo ju' ntshob Nsi, là nelab wut, nu neghù tshu yàm se', mfam yub num manze, bo ke yam sàm tàm nà.

Yohané 15:2

Mba sit kaṅtù lo s'a be num àm ke be yam ntàm nà, a num nkeb i; mba sit lo s'a num njam ntàm nà, a num mfét'é, ndùlala ndù a yam ntàm ntshùate.

Yohané 15:6

A be ze mèn ke' ghô num àm nà, mba bo ma' i njù mba kaṅtù là, a jum; bo tse'te men nà, ma' mbwôge, bo kù.

Yohané 5:35

Yen mèn nà na' mb'a lambo s'a ke nkù, mbèn nke nké' là; là bin, bin lo kô netsiaṅte num nka' i num metsit ngelaṅ.

1 Korintô 13:2

Ke me tshob mba ngatshob ntshob Nsi lo, ke me lèn njoṅ tsham fa ke njoṅ zenu fa lo, ke me ghù njoṅ bamntù fa tà nku'ni netsho' ba mbat lo, a be ze me ke' ghù nkôni là, mba me ke' b'a sàm ju.

1 Korintô 15:2

bin nsi tshùa à num i kà yôge, a be ze bin tshùb i ndaṅndaṅ mba me na' ntshob bin nà; ntag ndùlala mba bin na' mbam à banban.

Galatia 3:1

Bin kagni ba Galatia, we z'a zwiaṅte zin bin tse bo na' njab Yésu Kristô num miag mine, Yésu Kristô ze bo kwimt'é num fanta'tù l'à?

Galatia 3:4

Bin na' nke ngùtni wut tsin ndùlal'à banban ké? A b'a kua' banban ké?

Efésô 3:17

ndù Kristô tswe ntùm ntù tsin njam bamntù, ndù bin taṅ nga, ntsho nsi ntùm nkôni.

Kolosé 1:23

a be ze bin ghô ntùm bamntù, ntaṅ nga, ke magte, ke nyi'te mbaṅ nenywinte nkùn mebwô ze bin na' nju'u, ze bo na' ntshob njoṅ njù fa tun kamànyam, nkùn mebwô ze tu wul àm Paulo tù' ngafa' i là.

Kolosé 2:7

ntaṅ nga, nke nku' num nu, nke nta njam bamntù mba bo na' ntswite zin nà, bin dun ntshùate ntùm mfa' kondèn.

1 Tésalônikà 3:5

A ndùlala, tu wul àm lo ku'ni nefènte, me lo tum ntum la' bin ndù me ju' tshô bamntù zine; me lo nywinte ndù ngalaṅte ke laṅte zine, ndù fa' sag ke' tù' banban.

1 Timôtio 1:19

ngù bamntù mba nzentù mebwô, tsemo' ben lo ghua' i, ngwù nsi num nu bamntù.

Héber 10:39

Là, mba be là, be ke' b'a ghatum ntsin njam num nebi, là be b'a ghabamntù num nekwé yôg.

Yakobo 2:26

Ndaṅndaṅ mba wut z'a ke' ghù zwiag b'a fe i là, be ndaṅndaṅ mba bamntù z'a ke' ghù mfa' là kwù.

2 Pétro 2:20

Nummbe a be ze ben tse bo na' nkù ṅu' njù ntùm nelèn Tshùaben mba ngayôg be Yésu Kristô bèn ntsho bwe, mfaṅ bo tô yub là, mba yub miagte nebe nsi bag ntshùa mbwe i.

2 Pétro 2:22

Ju ze nkùt nenùn ke ntshob là tum bo: Mbù bèn njam num ju z'a ywi' là; ngùnyàm ze bo sôg i là tsho ntùm tô netob.

1 Yohané 2:19

Bo tum à netèt be, là bo lo ke b'a tse be ben, nummbe bo na' mb'a tse be ben mba bo lo ghô bag à bin bo; là bo tum ndù be lèn ndù sàm mèn netèt bo ke b'a ze be mèn.

Yuda 1:12

Tshen ben ni b'a lo' ntùm ba jujù nkôni zine; bo num njù, mbèn nu bin à bo ke bwôg, bo num nkém wut tshob yub tu, bo b'a ndot ts'a ke' ghù ntse, ndot tse fetmbaṅ tshwèt ntèn yub là; bo b'a ntù mi a ke' ghù mfu mi, ke ghù ntàm mi, ntù mi a kwù yoṅ bàa, ntù mi bo tsho' yub là,