Lukas 8:10 - NTSHOB NSI

¹⁰ A tshob bo ndù: A bin nà tse bo fà tsham nufen Nsi bin nà. Mbe se' mba tsemo' ben nà, bo la'te njoṅ i fa bo à ntùm tànkùt, ndùlala ndù bo ke njen ke yen; nju' ke tshùb.

Lukas 8:10 Iomraidhean Croise

Yobkwi 25:14

Tshùaben la'te tsham se à ben tse bo be mbwôg i là, tsham se mbit be ntswite yub kàn Tshùaben.

Esaya 29:14

A ndùlala, me nsi bèn lab yen nzwit mèn ni njam tshu netshàm boa nsa; zenu tse ghazenu nsi bi.

Esaya 44:18

Bo ke' ghù nkwate, ke ke nju'u, nummbe bo biag miag mub ndù kà bo yen nze, mem ntù yub ndù kà bo ju' sàm ju.

Esaya 6:9

A tshob me ndù: Nèn ntshob yen ngô li ndù: Bo nsi ju' ke tshùb, yene, ke lèn ju bo yen nà.

Yérémia 5:21

Nzwit kagni, bin tse bin ke' ghù ntù là, bin ju' yen nu li ndù: Bo ghù miag, là ke ke njene. Bo ghù ntoṅ, là ke ke nju'u.

Ezékia 12:2

Mén mèn, o ke ntswe a netèt nzwit ghatatu. Bo ghù miag ne yen yi, là ke be yen, ngù ntoṅ neju' yi, là ke be ju', nummbe bo b'a nzwit ghatatu.

Matio 11:25

Num yen ngelaṅ nà, Yésu tshob men ntshob li ndù: Me nyàmt'o me Tà, Tshùaben ba mfe kamànyam mba ba mànsi, wù z'o lem tshen nu li num miag ghazenu boa ghakwanu, nda'te be nda' bônke' là.

Matio 16:17

Yésu bùnte, ntshob yi ndù: O b'a mènfen me Simon mén Yona, nummbe a ke b'a mbàb mba lem bèn nda'te yen nu là wù, là Tàa z'a be mfe kamànyam nà.

Marko 4:11

A tshob bo ndù: Bo fà tsham nufen Nsi bin, là mbe se' mba ben tse bo be njù là, njoṅ nu fa tswe bo à mba tànkùt là,

Marko 4:12

ndùlala ndù bo ke ndôte yàme ke yen, bo ke nju' yàme ke tshùb ju bo ju' là, ndù kà bo kaṅ ntù tshobe, ndù Nsi lagte nukebwô tshobe.

Yohané 12:40

A ma' fù num miag mube, nkag segntù ntù bo, ndùlala ndù kà bo yen miag mube, ke ju' tshobe, ndù kà bo kaṅ ntù yube, ndù kà me yate yube.

Roma 16:25

Ndùlala, me lem zin Nsi z'a ku'ni nefà tànntù bin njam nkùn mebwô àm mba Yésu Kristô ze me num ntshob là, njam netswite tsham s'a na' ndem fe tà mbwe,

1 Korintô 12:11

a b'a be Ywèt mbit bèn nke mfa' njoṅ tshen nà fa, nke ngabte yube, mfà mba ze we lo mb'a kô là.

Nebwôgte 29:4

Me lo tshagt'o num kônkwa num ngu'njù ṅam nkuà, là nzwe tsho lo ke fagte num o, nketo' mu ke bèn mfagte nku mu;

Kolosé 2:2

ndùlala ndù ntù tshob fite, bo tamte ntùm nkôni, ndun fu' zenu, ndù bo lèn tsham Nsi s'a b'a Kristô,

1 Timôtio 3:16

Kua' nenùne, tsham neghamte Nsi b'a se ndùb: A lo tswite wul i ntùm mbàb wut, ntù' mèn netsin njam Ywèle, a lo la'te wul i ba Angél, bo lo tshob i netèt ghakelèn Nsi, bo lo bam i ntùm ntù, bo lo bù' i tù ntùm nkuni.