Lukas 8:1 - NTSHOB NSI

¹ Yen nu là lo be tôge, Yésu nke nzin ntùm ngôngô boa ntaṅla' nke ntshob, mbèn nke nsoṅ nkùn mebwô nufen Nsi. Boa tse ntshob bàa gham na' mbèn mbe;

Lukas 8:1 Iomraidhean Croise

Matio 11:1

Ngelaṅ Yésu miagte nefà ntag ghazi'te ntshob bàa gham nà, a tum yen dù' là, nèn netswite mbèn nke ntshob ntshob Nsi ntùm ngô tshobe.

Matio 13:19

Mba we lo z'a num nju' ntshob nufen Nsi ke tshùb là, mèn kebwô num nse'e, ntsho' ju ze bo ma' ntù i là. Yen mèn ni b'a nzwit ju ze bo na' ma' nkaṅ manze là.

Matio 4:23

Yésu nke nzin ntùm ngô Galiléa fa, nke ntswite ntùm ba sinagogue tshobe, nke ntshob nkùn mebwô nufen Nsi, nke njate njoṅ ngokèt fa, mba njoṅ lo' nzenze fa netèt benntùn.

Matio 9:35

Yésu nke nzin ntùm njoṅ ngô fa mba ntaṅla'; nke ntswite ntùm ba sinagogue tshobe, nke ntshob nkùn mebwô nufen Nsi, nke njate njoṅ ngokèt fa mba njoṅ lo' nzenze fa.

Marko 1:39

A nèn ntshob ntshob Nsi ntùm sinagogue tshobe, ntùm njoṅ ngô fa, mbèn nke nta' ba ywètkebwô.

Lukas 1:80

Mén nà nke nku'u, nke nta ntùm Ywèle, nke ntswe mà kônga tà nkum lé'njù s'a bwô ndù a la'te wul i ba Israél là.

Lukas 20:1

A lo be num mo' lé' netèt tshen lé'njù là, mba Yésu ke ntswite benntùn ntùm Ndà Nsi, mbèn nke ntshob nkùn mebwô là, ghale'te Nsi tse ndùbndùb mba ghalèn ṅwa'ni Nsi se' boa ghakwé mbwe.

Lukas 4:18

Ywèt Tshùaben num num àm, nummbe a lo yo' àm ndù me tshob nkùn mebwô bwoṅbwoṅ. A lo tum àm ndù me ghù ntù benntùn ts'a be'te là yate, ndù me tshob ba kuan ndù bo tswe yub tu, ndù ba mfùmiag yene, ndù benntùn tse bo tshwèt ngùtni yub là nèn tsiaṅte.

Lukas 9:6

Ghazi'te nu i nèn, nzin ntùm ngôngô, nke nsoṅ nkùn mebwô, mbèn nke njate ngokèt njoṅ dù' fa.

Mfa' Ghantum 10:38

A b'a nu Yésu ze Nazarèt: Nsi lo yo' i Ywèt Nelàne, mba neta; a nke nèn ntùm dù' nzenze, nke ngù numebwô, mbèn nke njate njoṅ benntùn fa tse Satan ke ngùtni yub là, nummbe Nsi lo be bo yi.

Mfa' Ghantum 13:32

Bag, bag ke nsoṅ zin à nkùn mebwô ndù nka'ni mi Nsi na' nka' ba tà be là,

Roma 10:15

Bo ghù netshob nu Nsi, ke be ndù bo kwé ntum à ndùke? Mba bo kite ndù: Nku ben tse bo num ntshob nkùn mebwô là nebwô à!