Lukas 7:40 - NTSHOB NSI

⁴⁰ Là Yésu bùnte yi ndù: Simon, me ghù nu netshob wù: A bùnte ndù: Ngatswite, tshobe!

Lukas 7:40 Iomraidhean Croise

1 Fenfen 2:14

ntshob ndù: me ghù nu netshob wù. Bat-Shéba tshob ndù: tshobe.

Ezékia 33:31

Bo be ntshob ndùlala, nkù nde nse' mbaṅ o, ntswete nsi mbwe o, nju' ju z'o tshob là, là ke yôg nke nze. Tatte num ntshu bo, bo ke ndiag a nda' yub bin.

Malashi 1:6

Nshum be ngù nku'ni tàab, ngafa' ghù nku'ni tàfa' i. A be ze me b'a tà là, mba nku'ni z'a lo mbwô bin ghù me là yà? A be ze me b'a tàfa' là, mba bwôg z'a lo mbwô ndù bin bwôg àm yi là yà? Tshùaben tàndà ntsho tshob ghale'te Nsi ndù: Bin be ngwag lén sàm, nke ntshob ndù: Bag wag lén so à num zit nu à?

Matio 26:49

A yoṅ mbe kum mbaṅ Yésu, ntshob yi ndù: Rabbi, me tsha't'o, nyô nge' mi.

Matio 7:22

Ben yàm nsi tshob ntùm sen lé'njù là ndù: Tshùaben, Tshùaben, bag lo ke tshob mba ghatshob ntshob Nsi là num lén so, nta' ywètkebwô num lén so, mbèn ngù mba ba nsà num lén so ké?

Lukas 18:18

Mo' nkam bètte Yésu ndù: Ngatswite ze mebwô, m'a' ghù à ke kà ngù yàm bag i ntùm yôg matmat là?

Lukas 5:22

Là Yésu lèn nkwatenu mube, mbùnte ntshob bo ndù: Bin kwate nu ntùm ntù tsin numke?

Lukas 5:31

Yésu bùnte, ntshob bo ndù: Benntùn tse bo tswe mebwô là ke' be diag ngaghù fu, là, nda' ben tse bo tswe kebwô là.

Lukas 6:8

Là, a lèn nkwatenu mub ntshob mèn ze bu i jum nà ndù: Lo nsi, tsin tù netèt benntùn, a lo, ntsin tù.

Lukas 7:39

Là mén Férésia z'a na' ntsiaṅ Yésu là yen ndùlala, ntshob ntùm ntù i ndù: Yen mèn ni lo mb'a ngatshob ntshob Nsi, mb'a lèn lén mèn ze mènnzwi z'a tshwèt nkwag i be yi là, mb'a lèn ndù a b'a mènnzwi kebwô.

Lukas 7:41

Yésu tshob yi ndù: Mo' mèn lo ghù ghanjo tse bàa, njo be bam mbwe i denario nkù tàn, mbe bam mbatte bàa ṅam ntàn.

Yohané 13:13

Bin be ntsiaṅ àm ngatswite mba Tshùaben, bin tshob a bwô, nummbe me b'a yi.

Yohané 16:19

Yésu lèn ndù bo tshwèt nkwate nebètt'é nu, ntshob bo ndù: Bin tshwèt ndiag netèt bin nelèn ju ze me tshob ndù: Num mo' mén ngelaṅ, bin ke nsi bèn yen àm, num mo' mén ngelaṅ, bin nsi bèn yen àm nà.

Yohané 16:30

Ndonni bag lèn ndù o lèn njoṅ tshu fa, mba ndù o ke' diag ndù sàm mèn bètt'o nu; a num ndùlala ze bag bam ndù o fe à Nsi là.

Yohané 3:2

A se' tèttswe' ntèt Yésu, ntshob yi ndù: Rabbi, bag lène, o b'a ngatswite z'a fe à Nsi là, nummbe sàm mèn ke' ku'ni neghù lèn tshen nsà ts'o num ngù là, a be ze bo Nsi ke' bèn mbe là.