Lukas 7:28 - NTSHOB NSI

²⁸ Me tshob bin ndù: Netèt benntùn tse bènnzwi bèn mbwe yub là, sàm mèn ke bwe z'a tshùa Yohané là. Là nda' metsit mén ntùm nufen Nsi tshùa i.

Lukas 7:28 Iomraidhean Croise

Matio 11:11

Kua' nenùne, me tshob bin ndù: Netèt ben tse mènnzwi bèn mbwe yub là, sàm mèn ke' tum z'a tshùa Yohané nganyu' benntùn ntse là. Là nda' metsit mén ntùm nufen kamànyam tshùa i.

Matio 3:1

Ntùm tshen lé'njù là, Yohané nganyu' benntùn ntse tum, nke ntshob ntshob Nsi num kônkwa Yudéa,

Lukas 3:16

Yohané bùnte ntshob njoṅ yub fa ndù: Yàm tu, me ke nyu' zin à ntse, là mo' mèn tshwèt nse' ndù a ta ntshùa àm; me ke' ku'ni neké'te nkù nketo' mi; tu wul i nsi nyu' zin à ntùm Ywèt Nelàne, mba mbwôge.

Lukas 7:27

A b'a mèn ze bo kite num i ndù: Tshù, me tum ngantum àm mbwe o, z'a nsi nabte manze o mbwe o là.

Lukas 7:29

Njoṅ benntùn fa tse bo na' nju' Yohané mba ghakwéfé' là, lo bam nunetsin Nsi, ngù Yohané nyu' yub ntse.

Lukas 9:48

Mèn z'a nsi lo' yen metsit ménfi li num lén sàm nà, mba ng'é lo' à me. Mèn z'a nsi lo' àm nà, mb'a ke ndo' à mèn z'a na' ntum àm nà. Metsit mèn z'a be netèt njoṅ zin fa là bèn mbe mèn ndùb.