Lukas 7:25 - NTSHOB NSI

²⁵ Là bin na' nèn yen à ke? Mo' mèn z'a ket mo' kuni nzwe là ké? Tshù, ben tse bo num nket nzwe mebwô mbèn nke njôg ntùm tsiaṅte là, tshen ben nà b'a ntùm ndà fenfen.

Lukas 7:25 Iomraidhean Croise

2 Samuél 19:35

Là Barzillai bùnte mfen ndù: Me nsi bèn yôg num ngu' si' kà nke nko' nèn bag mfen Yérusalém à?

1 Fenfen 10:5

njen jujù z'a be num téblé se, dù'ntswe ghafa', fa' kamkam tse boa nzwe tshobe, ghama' ndu' tse boa tshule'te Nsi ts'a ke nton ntùm ndà Tshùaben nà, ntù i tum,

2 Fenfen 1:8

Bo bùnte yi ndù: A mèn ndù a ket nzwe nyiaṅnyiaṅ, ntaṅ kob ngub tun i. Akazia tshob ndù: A b'a Elia ze Tisbite.

Esta 1:11

ndù bo lo' màbwengub Vasti nse' yi mbwe i. A bètte ndù bo ma' kétmbùm tu i, a la'te bwô i ngô boa ben ndùbndùb. Màbwengub lo bwô neshu.

Esta 1:3

A be kum ngu' tat num fen, ngù ta' jùa num lén kamkam tse fa boa ghafa' tse. Tàndà ntsho tse Persia boa tse Media, ben ndùbndùb boa ngomna tse bo ke ntô ba ntaṅ ngô là tamte fa nkùmte mbwe Asuérus.

Esta 4:2

A nèn tà nkum nzendà mfen, dù' ze bo na' ntshèt nze bwe njoṅ benntùn fa tse bo ket nke'bàm nà.

Esta 5:1

A lo be kum lé'njù tat, Esta ma' nzwe fen num i, nèn tsin ntshundà ndà mfen z'a be ze ntùm bwe là, ntsin mbwe ndà mfen. Mfen lo tswe num diaṅkwa fen se, ntùm ndà fen z'a be mbwe nzendà netsho yi ndà là.

Esta 8:15

Mardokai tum ndà mfen, ndù a ghù nzwe fen num i, nenàfi bo fôgtab, ngù ta' kétmbùm gol, ta' kummbaṅ nzwe mediba bo nzwe meba. Tusô Suse nke ntsiaṅte, nke ntshag nze yub tù ntùm ṅwate.

Esaya 59:17

A ke nket nunetsin a mba nzwe tùn nà, nte yôg tu i mba tshe' là; neyagte mba' be yi à mba nzwe z'a ke nket là. Lànghe' be yi à mba kummbaṅ s'a be nkabte wul i yi là.

Matio 11:8

Là bin na' nèn yen à ke? Mo' mèn z'a ket mo' kuni nzwe là ké? Tshù, ben tse bo num nket nzwe mebwô là b'a ntùm ndà fenfen.

Matio 3:4

Yohané lo ghù nzwe i ze bo lo' nyiaṅ kamél nabte yi là, mba kob ngub tun i; jujù i na' mb'a ngamntàn bo ṅwa'a.

Matio 6:29

Mba ndùlala me tshob bin ndù mba Salomon ntùm nkuni mi fa, lo ke ket nzwe mba ta' i netèt bo là.

Lukas 16:19

Mo' ngankàb lo be bwe, nke ma' nzwe mebwô, nabte wul i njoṅ ngelaṅ fa, mbèn nke njôg ntùm tsiaṅte njoṅ lé'njù fa.

Lukas 7:24

Ngelaṅ ghantum Yohané nèn nà, Yésu to' netshob nu benntùn mfà num Yohané ntshob ndù: Bin na' nèn lôt'a ke num kônkwa à? Nka'nesoṅ ze fetmbaṅ tshwèt nyi't'é là ké?

Lukas 7:26

Bin na' nèn yen à ke? Mo' ngatshob ntshob Nsi ké? Ṅ, me tshob bin ndù a tshùa ngatshob ntshob Nsi.