Lukas 7:22 - NTSHOB NSI

²² A bùnte ntshob ghantum ndù: Bin nèn nsoṅ Yohané ju ze bin yen mbèn nju' là: Ba mfùmiag tshwèt njene, ba kekat nke nzine, wut ghankin làn, ba mbu'ntoṅ nke nju'u, fe ben nke ndo num vù, bo tshwèt nke ntshob nkùn mebwô bwoṅbwoṅ.

Lukas 7:22 Iomraidhean Croise

ṄWA'NI YOB 29:15

Me na' mbèn mbe se lag mfùmiag, mbe ze ku nke'kèt.

Yobkwi 146:8

Tshùaben be ngù mfùmiag yente, Tshùaben be ntsiagte ben tse bo ṅam nà, Tshùaben be nkô ben netsine,

Esaya 42:16

Me nsi ghù ba mfùmiag zin num manze ze bo ke' lèn nà. M'a' lo' yub ntshùa yi num ntshagnze tse bo ke' lèn nà. M'a' lo' njam ts'a mbwe bo là nkaṅ nelàn yi. M'a' kaṅ dù' ts'a ṅatte l'a tù' tômbo'o. Tshù ju ze me nsi ghù là. Me ke nsi ghua' yube.

Esaya 43:8

A bwô bo sô nzwit mfùmiag li z'a ghù miag là, mbu'ntoṅ z'a ghù ntoṅ nà.

Yérémia 31:8

Tshù, me nsi lo' yub tu swe' yi. M'a' kùmte yub num ntôg njù fa. Mfùmiag bo nke'kèt num netèt bo, mènnzwi jùm bo z'a tshwèt ndùbte là. A b'a mo' mà bwoṅ benntùn bèn nke mbèn njam nsen ni.

Sofoni 3:12

Me nsi faṅ nzwit mbétni, metsit nzwit netèl o, a nsi fon ndàlem mum lén Tshùaben.

Matio 11:5

Ba mfùmiag tshwèt njene, ba kekat nke nzine, wut ghankin nke ndàne; ba mbu'ntoṅ nke nju'u, fe ben nke ndo num vù; bo tshwèt nke ntshob nkùn mebwô bwoṅbwoṅ.

Matio 21:14

Tsemo' mfùmiag mba tsemo' kekat se' mbaṅ i ntùm ndà Nsi, a yate yube.

Lukas 4:18

Ywèt Tshùaben num num àm, nummbe a lo yo' àm ndù me tshob nkùn mebwô bwoṅbwoṅ. A lo tum àm ndù me ghù ntù benntùn ts'a be'te là yate, ndù me tshob ba kuan ndù bo tswe yub tu, ndù ba mfùmiag yene, ndù benntùn tse bo tshwèt ngùtni yub là nèn tsiaṅte.

Lukas 7:21

Be num yen ngelaṅ nà, Yésu yate benntùn yàm tse bo na' ngù ngokèt, nkeko' mba ywètkebwô là, nga' miag ba mfùmiag yàme, bo yen nze.

Lukas 7:23

Mènfen b'a mèn z'a ke nsi fa't'a num àm kà vù nsi là.

Yohané 1:46

Natanaél tshob yi ndù: Be ju mebwô tum Nazarèt ké? Filibo tshob yi ndù: Se' njene.

Mfa' Ghantum 26:18

negha' miag mub ndù bo kaṅ ntù tshob ntum ntùm njam nse' ntùm nelàne, ntum ntùm neta Satan, ntam njam Nsi, mbam àm, nkwé nelagte nukebwô tshob mbèn nkwé ntsi' netèt ben tse Nsi lànte yub là.

Mfa' Ghantum 8:7

Nummbe ba ywètkebwô lo ke ntum num benntùn yàm tse bo ke ntô yub là, nkua' mà neta. Ba kekat mba ghabe'te wut yàm yate.

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?