Lukas 7:16 - NTSHOB NSI

¹⁶ Bwôg tshùb njoṅ yub fa, bo nke ngamte Nsi ntshob ndù: Mo' ngatshob ntshob Nsi ze ndùb se' netèt bag; Nsi se' ndôte ben tse.

Lukas 7:16 Iomraidhean Croise

Yobkwi 65:9

Ben tse bo be ntswe num ntôg njù là be mbwôg tshu tsho tse nekuni, o ghù ṅwate dun bag ntumnyam mba bag mbinyam.

Netume 4:31

Ngô bam yen nu là. Ndùse bo ju' ndù Tshùaben lo lo nsi netshètte ze njam bon Israél, mba ndù a yen nge' yub là, bo vù nsi kabkab, ngamt'é.

Yérémia 33:9

Sen tusô là nsi fà tsiaṅte me, fà ghamte bo nku'ni me netèt njoṅ ngôngô fa num nsitsha'a. Nummbe bo nsi ju' numebwô ze me nsi ghù tshàm ben nà; ngôngô nsi tshàme, nu tshùa i num njoṅ fu' fa se me nsi fà là, mba mba me nsi ghù bo sine, ntshote là.

Matio 15:31

A yate yube, kà bwoṅ benntùn be yen mba ba ketshob tshwèt ntshobe, ba nke'kèt tswe mebwô, ba kekat nke nzine, ba mfùmiag nke njen nze là, nyàmte; bo fà ghamte Nsi Israél.

Matio 21:11

Bwoṅ benntùn nke ntshob ndù: Yen ni b'a Yésu ngantum Nsi ze Nazarèt mà Galiléa.

Matio 28:8

Bo lo mbaṅ fi, nèn ndende ntùm bwôg mba tsiaṅte ndùb, nkù nde nèn nsoṅ ghazi'te nu i yen tshô là.

Matio 9:8

Bwoṅ benntùn be yen yen nu là, mbwôge, bo ghamte Nsi z'a fà lèn yen ngù' là benntùn nà.

Lukas 1:65

Bwôg tshùb njoṅ ba ndùla' i fa, benntùn soṅ tshen nu là ntùm njoṅ ngô mbat Yudéa fa.

Lukas 1:68

Ghamte be Tshùaben Nsi ba Israél, mb'a se' ndôte mbèn ntshu' ben tse,

Lukas 19:44

Bo nsi bagt'o, wù bin à bon tsho ts'o ghù là, ke bèn mfaṅ mo' loṅ num mo'o, nummbe o ke' lèn ngelaṅ yen nà ze Nsi se' nelôt'o là.

Lukas 2:20

Ghabéb mbwe be bèn njam, nke ngamte Nsi, nyàmt'é num njoṅ nu fa bo ju' mbèn njen be ndaṅndaṅ mba bo lo nsoṅ yub là.

Lukas 24:19

Bo bùnte yi ndù: Nu z'a tshùa num Yésu ze Nazarèt z'a na' mbe neta ngatshob ntshob Nsi ntùm mfa' mi mba ntshob mi mbwe njoṅ benntùn fa là.

Lukas 5:26

Njoṅ benntùn fa tshàm neshu, nke ngamte Nsi, bwôg bèn ntshùb yub bo tshob ndù: Bag yen nu ke to' yen sènni.

Lukas 5:8

Simon Pétro be yen ndùlala, ngwù num nku Yésu, ntshob ndù: Tshùaben, lo mbaṅ àm, nummbe me b'a mèn kebwô.

Lukas 7:15

Fe mèn bù' wul i, ntswe ntùm koṅ netswe, nto' netshobe, Yésu fà i màab.

Lukas 7:39

Là mén Férésia z'a na' ntsiaṅ Yésu là yen ndùlala, ntshob ntùm ntù i ndù: Yen mèn ni lo mb'a ngatshob ntshob Nsi, mb'a lèn lén mèn ze mènnzwi z'a tshwèt nkwag i be yi là, mb'a lèn ndù a b'a mènnzwi kebwô.

Lukas 8:37

Njoṅ benntùn fa ntùm bag ngô Gérasa le'te Yésu ndù a tum ntùm ngô yube, nummbe bwôg lo tshùb yub kua' yàme. Yésu bèn ntsho ntùm kenu, mbèn njam.

Lukas 9:19

Bo bùnte ntshob ndù: Yohané nganyu' benntùn ntse, tsemo' tshob ndù Elia, tsemo' bèn ntshob ndù: Mo' mèn netèt ghatshob ntshob Nsi tse mbwe bèn mbam num vù.

Yohané 1:21

Bo bètt'é ndù: K'o b'a we? O b'a Elia ké? A tshob ndù: Me ke b'a yi. O b'a ngatshob ntshob Nsi ké? A bùnte ndù: Nga.

Yohané 1:25

Bo bèn mbètt'é, ntshob yi ndù: Kà numk'o nke nyu' benntùn ntse, a be z'o ke' b'a Kristô, ke be Elia, ke be ngatshob ntshob Nsi lo l'à?

Yohané 4:19

Mènnzwi là tshob yi ndù: Tshùaben, me yen ndù o b'a ngatshob ntshob Nsi.

Yohané 6:14

Benntùn yen nsà z'a ghù là, ntshob ndù: Yen mèn ni b'a kua' ngatshob ntshob Nsi z'a se' ntùm njù là.

Yohané 9:17

Ndùlala bo bèn ntshob mfùmiag mo' yoṅ i ndù: Tu wul o, o tshob yu ndù ke num i mb'a gha' miag mu à? A tshob ndù: A b'a mo' ngatshob ntshob Nsi.

Mfa' Ghantum 5:5

Anania be ju' men ntshob là, ngwù nsi nkwù. Mo' mà bwôg ndùb tshùb njoṅ benntùn fa tse bo ju' yen nu li là.

Mfa' Ghantum 7:37

A yen Mosé là z'a na' ntshob bon Israél ndù: Nsi nsi tsho' mo' ngatshob ntshob Nsi mba me là netèt fèt tsin fà bin.

Galatia 1:24

bo lo ke ngamte Nsi num àm.

Nebwôgte 18:15

Tshùaben Nsi o, bù ghatshob ntshob mi tse nenùne ba Israél. A bwô ndù bin ju' ntshu i.