Lukas 7:12 - NTSHOB NSI

¹² Ngelaṅ z'a ke ngebte ntshu ngô là, be num yen ngelaṅ nà, bo nke ntum mo' fe mén, z'a na' mb'a nkwi mén ntshù', màab be mfôg mènnzwi là. Benntùn yàm ntùm ngô nke nzin njam i.

Lukas 7:12 Iomraidhean Croise

Neto'te 22:12

Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà.

Neto'te 22:2

Nsi tshob yi ndù: Lo' nshum o, z'a be wù ntshù', z'o be nkô i là, Isak, nèn yi mum ngô Morija, num mbat ze me nsi la'te wù là, nton i bwe fafa ngamt'àm yi.

2 Samuél 14:7

Ndùlala njoṅ tunndà fa lo nsi num ngafa' o me ze mènnzwi nke ntshob ndù: Fà mèn z'a zwi mfèl i là! Bag kô nezwi i mb'a zwi mfèl i là; bag a' biagte mba njùndà. A be ndùlala mba bo a' biag metsit nesèn mbwôg z'a tù' me là, tshùa ndùlala biagte lén ndu àm num nsitsha'a.

1 Fenfen 17:12

Mènnzwi là tshob ndù: Num lén Tshùaben Nsi o z'a be ntùn nà, me ke' ghù sàm mfé bàn ntùm ndà. Me ghù bon mbab bàn bo metsit mfèt ntùm nda. Me ke ntswitte nta' ntshwèn bàa nèn na à yi bag nshum àm jù kà njôg nkwù.

1 Fenfen 17:18

Mènnzwi là tshob Elia ndù: A ze be nu ke mèn Nsi? O se' ndà àm à ndù Nsi kwimte mfànnu màm, mén àm kwù ké?

1 Fenfen 17:23

Elia lo' mén nswe' mànsi, ntùm ndà, mfà i màab, ntshob ndù: Tshù nshum o li, a b'a ntùn.

1 Fenfen 17:9

Lo nsi, nèn Sarepta z'a b'a tsha' Sidon nà, ntswe bwe. Mo' mènnzwi num bwe, mb'a mfôge. M'a' tshob yi ndù a ke nkém o.

2 Fenfen 4:16

Elisa tshob ndù: O nsi lét ta' mén be kua' num sen lé'njù li ngumo'. Mènnzwi là bùnte ndù: Nga me tshùaben àm mèn Nsi, kà tatte ngafa' o me.

2 Fenfen 4:20

A lo' i nèn mfà màab; mén tswe num nku màab tà nkum njagnyam, nkwù.

ṄWA'NI YOB 29:13

Mbotni ngavùkob na' nke nse' à num àm; me nke ngù ntù mfôg mènnzwi dun tsiaṅte.

Sakaria 12:10

Ndùlala me nsi naṅ ywèt kondèn mba tse le'te num tunndà David mba num ba Yérusalém; bo nsi kaṅ se yub te num àm, mèn ze bo na' nsob i là. Bo nsi kua' num i ndaṅndaṅ mba bo be nkua' num mén ntshù' là. Bo nsi làn i kua' zwezwe mba bo be ndàn tuswe mén nà.

Lukas 7:11

A be mbatte lé'njù, Yésu nèn ntùm mo' ngô, lén se Naïn; ghazi'te nu i mba bwoṅ benntùn yàm zin, nèn bo à bo.

Lukas 7:13

Tshùaben Yésu be yen i, ndèn mi ko i, a tshob yi ndù: Kà nelàne;

Lukas 8:42

nummbe a lo ghù nkwi ngon i ntshù' z'a na' mbe nguan ngu' ntshob bàa gham nà, ndù a tù' nekwù. Ngelaṅ Yésu ke nèn bwe là, bwoṅ benntùn nke mfét dù' k'a nke mfam tèt bwe.

Lukas 8:52

Njoṅ benntùn fa nke nkua'a, nke ndab wut tshob num ngon nà; a tshob bo ndù: Kà bin nekua'a, a ke' kwù, là, a nezi.

Yohané 11:19

Ben yàm netèt ba Yuda lo se' mbaṅ Marta mba Maria ndù bo fite ntù tshob num nu mfèt yub.

Mfa' Ghantum 9:39

Pétro lo nsi nèn bo à bo. Ngelaṅ bo zin nkum bwe là, bo lo' i nèn yi to'ndà tù. Njoṅ fôg bènnzwi fa se' mbwe i, nke nkua'a mbèn nke nda'te ba nzwe mba nkummbaṅ mi Dôrkas ke ntam bo, ngelaṅ bo à bo na' mbe là.

Mfa' Ghantum 9:41

Pétro tshùb bu i, ngù a lo tù ntsiaṅ ben nelàn mba fôg bènnzwi nte i mbwe bo ntùn.

Yakobo 1:27

Neghamte Nsi ze nelàne mba kelo' mbwe Nsi Tà be b'a yen ni ndù: Nelôte bontse mba fôg bènnzwi ntùm nge' yub, nzete num nesagte njù, mbe kelo'.