Lukas 6:8 - NTSHOB NSI

⁸ Là, a lèn nkwatenu mub ntshob mèn ze bu i jum nà ndù: Lo nsi, tsin tù netèt benntùn, a lo, ntsin tù.

Lukas 6:8 Iomraidhean Croise

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

1 Kronika 29:17

Nsi àm, me lèn o num ntswe' ntun num ntù, mbèn nke nkô nu ndaṅndaṅ; ndùlala me fà tshen tshu bwôntù li tse me kô là wù à ntù nenùne, ntùm ntù ndaṅndaṅ; ndonni ntù àm tsiaṅte neyen mba yu nzwit mèn be nsen ni nefà tse tshu bwôntù wù mb'a kô là.

ṄWA'NI YOB 42:2

Tshùaben, me lèn ndù o ghù mba' neghù njoṅ i fa, mba ndù o ku'ni neghù mba ke lo z'o kô là.

Yobkwi 44:21

A lo mbe ndù bag lagte lén Nsi yag, ntshag mbu mag mo' nsi ghua,

Esaya 42:4

Ywèn ke nsi ko i, a ke bèn mbole, tà nkum ndùs'a te nunetsin num nsitsha' là, mba ngô ts'a tètntse nke nywinte num ntshù' i là.

Matio 9:4

Yésu lèn nkwatenu mube, ntshob ndù: Numke bin ngù men nkwate nukebwô là ntùm ntù tsin à?

Marko 3:3

A tshob mèn ze bu i jum nà ndù: Lo tù netèt bag!

Lukas 13:12

Yésu lo be yen i ntsiaṅ i ntshob yi ndù: Mènnzwi, lo' o mi.

Lukas 5:22

Là Yésu lèn nkwatenu mube, mbùnte ntshob bo ndù: Bin kwate nu ntùm ntù tsin numke?

Lukas 6:9

Yésu tshob bo ndù: M'a' bètte zin nu: Ntshù' bam neghù numebwô ke nukebwô lo lé'njù Sabbat ké? Neyôg mèn ke nezwi i à?

Yohané 2:25

A lo ke kô ndù mèn kwé nta mènntùn, nummbe tu wul i lo lèn ju z'a be ntùm ntù mènntùn nà.

Yohané 21:17

A tshob yi mbatte yoṅ tat ndù: Simon mén Yohané, o num nkô àm ké? Pétro nywin mb'a tshob yi num mbatte yoṅ tat ndù: O num nkô àm ké là, ntshob yi ndù: Tshùaben, o lèn njoṅ tshu fa, o lèn ndù me num nkô o. Yésu tshob yi ndù: Béb njùmbwe tshàm.

Yohané 9:4

Mb'a ke' à mbwôgtshù là, a bwô ndù be fa' mfa' mèn z'a tum àm nà; tèttswe' tshwèt nse'e, ngelaṅ ze sàm mèn ke' ku'ni nefa' là.

Mfa' Ghantum 20:24

Là yôg sàm ke b'a ju tanjoṅ num miag màm k'a ke nda' ndù me miagte nde mi me tshwèt nkù là, mbèn ngù ndù fa' se me na' nkwé Tshùaben Yésu là bumte; yen nà b'a ndù nekwé nta mfà num nkùn mebwô kondèn Nsi.

Mfa' Ghantum 26:26

Nummbe mfen lèn tshen nu li kua' mebwô, yi ze me tshob ntshob yi ke bwôg là; me lèn kua' nenùn ndù mfen ke' b'a ngùn num tshen nu là, nummbe tshen nu là lo ke tôg à ntùm dù' nelemte.

Filipi 1:28

kà bin bwôg ghakeban tsin num sàm ju, mba a' tswe à mba bo ke nta à ntàn bi là num yub tu, mbèn ntswe bin à mba bin b'a num manze yôg là; nummbe yen nà ke mfe à Nsi.

Héber 4:13

Sàm mèn ke' lemte mbwe i, njoṅ tshu fa b'a tunntôg mba nge num miag mi, yi ze be nsi siaṅte mbwe i là.

1 Pétro 4:1

Ndùlala, mba Kristô na' njen nge' ntùm mbàb wut là, mba bin zin ma' yen nkwate là num bin mba ju ntsho là: Mèn z'a na' njen nge' ntùm mbàb wut là mi bo nukebwô,

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.