Lukas 6:48 - NTSHOB NSI

⁴⁸ A fut'a mo' mèn z'a be kut ba', ntswe' tse i a nèn nsi kua' mebwô, a te tun ba' num gholoṅ nà. Mbaṅ lo, ntse dun, ntsitmbaṅ tshùa, ngwù num yen ba' là, ke ku' nenyi't'é, nummbe bo lo kul i mebwô.

Lukas 6:48 Iomraidhean Croise

2 Samuél 22:2

ntshob ndù: Tshùaben b'a sàm gholoṅ, mbe yàm ndàlem, mbe ngatshu' àm.

2 Samuél 22:32

Nummbe mo' Nsi ke bwe k'a ke nda' Tshùaben. Mo' gholoṅ ke bwe k'a ke nda' Nsi yag.

2 Samuél 22:47

Tshùaben te ku i num nenàfi! Ghamte be gholoṅ àm! A bwô ndù bo ghamte mbèn nyàmte gholoṅ sàm s'a num njôg àm nà.

2 Samuél 22:5

Nummbe koṅ vùkob lo lam àm mbume, koṅ nesate dù' lo ya' num tu àm.

2 Samuél 23:3

Nsi Israél tshob nu. Gholoṅ Israél tshob me ndù: Mèn z'a be ntô benntùn ntùm nunetsine, nke ntô benntùn ntùm nebwôg Nsi là,

Yobkwi 32:6

Ndùlala mba zit ngaghamt'o lo le't'o num ngelaṅ ntùn. A be ze ntse ndùbndùb dun nà, mb'a ke kum tse num i.

Yobkwi 62:2

Ṅ, ntù àm ke njab à num Nsi, ze yôg sàm fe à yi là.

Yobkwi 95:1

Bin se' bag bin yob kwi ṅwate mfà Tshùaben. Bag bin tshag nze ben tù, ntsiaṅ gholoṅ yôg be ntùm tsiaṅte.

Tànkùt 10:25

Ngatshùagntù ke ndamte mbi a mba zim nà. Là mèn netsin taṅ nga a matmat.

Esaya 26:4

Bin yab ntù num Tshùaben matmat. Nummbe Tshùaben, kua' yi b'a gholoṅ s'a tswe ngu'ngu' là.

Esaya 28:16

A ndùlala Tshùaben Nsi tshob ndù: Tshù, me yab ta' loṅ tun ba' Sion. A b'a loṅ laṅte, loṅ tôgndà, loṅ s'a ghù njoṅ i là, ndù bo te sen loṅ nà nsi kua' neta; mèn z'a lo' sen loṅ nà mba ze dù' neyé'te bwe là ke nsi nànte kù.

Esaya 59:19

Bo nsi bwôg lén Tshùaben fe mbinyam, bwôg nkuni mi à fe kamànyam; nummb'a nsi se' à mba ta'ntse z'a dune, ywèt ntshu Tshùaben nke ntèn i nèn yi là.

Nahum 1:8

Là, a nsi lo' nkoṅntse ts'a nsi fag là sate ngô yi, yoṅ ghakeban tse tà nèn nkum ntùm njame.

Lukas 6:47

Mba we lo z'a num nse' me, nju' ntshob màm nke nze là, m'a' tswite zin mèn z'a fut'é là.

Lukas 6:49

Là mèn z'a ju' ntshob ke ze là fut'a mo' mèn z'a na' nkut ba' i num tsha'a, ke tswe' tse i, ntsitmbaṅ tshùa, ngwù num i, be ndùse, a vù, ze nevù yen ba' là bag neshu.

Yohané 16:33

Me lo tshob tshen tshu là bin, ndùlala ndù bin ghù fite num àm. Bin à yen nge' ntùm njù, là bin fèn ntù, nummbe m'a tshùa njù.

Mfa' Ghantum 14:22

nke mfite ntù benkristô, ntagte yub ndù bo ghô ntùm bamntù, mbèn nke ntshob ndù: Be nsi tshùa à ntùm nge' yàm kà tsho ntùm nufen Nsi.

Efésô 2:20

bo na' nkut zin à num tseba' ghantum Nsi boa ghatshob ntshob Nsi, tu wut Kristô Yésu b'a loṅ tôgba';

Nebwôgte 32:15

Israél tshote nto' tatu; o tshote, ngu'u, ndunte! A ghua' Nsi z'a be mbom i là, a wag gholoṅ se yôg be mfe yi bwe là.

Nebwôgte 32:18

O ghua' gholoṅ s'a ghù bo bwe o là, ndag Nsi z'a mbwe o là.

Nebwôgte 32:31

Nummbe sob gholoṅ ke' b'a mba se be là. Ghakeban be lèn kua' ndùlala.

2 Timôtio 2:19

Mba ndùlala, tseba' Nsi ze neta tsin tù ndaṅndaṅ, ndù Nsi san i yen sitam ni ndù: Tshùaben lèn tse ben, mba ndù: Mba we lo z'a nsi tsi lén Tshùaben nà, gha nuketsin!

2 Pétro 1:10

Fèt tshàm, a ndùlala, bin nànte kua' neshu, mfà tànntù netsiaṅ zin mba netsho' zin. Nummbe bin ghù ndùlala mba bin ke nsi vù sàm lé'njù.

1 Yohané 2:28

Bontsit bon tshàm, ndonni bin ghô num i ndù a be ṅwage, bag à bin ghù fènntù, mba ndù kà tuswe ko be mbwe i ngelaṅ z'a nsi se' là.

Yuda 1:24

Ghamte be mèn z'a ku'ni nebéb zin njoṅ nevù fa, ngù bin tsin mbwe nkuni mi, kelo', ntùm tsiaṅte là;

1 Samuél 2:2

Sàm mèn nelàn ke bwe mba Tshùaben nà! Mo' Nsi ke bwe mba yi là. Mo' gholoṅ ke bwe mba Nsi yag là.