Lukas 6:42 - NTSHOB NSI

⁴² A be o bèn ntshob mfèl o à ndùke ndù: Mfèl àm, bam ndù me sô nyi'nga ntùm lag su, wù z'o ke' yen kam ntshwèn z'a be lag o l'à? Mèn mfùm, bwôgmbwe nsô kam ntshwèn lag o, kà njen nze, njôg nsô nyi'nga lag mfèl o.

Lukas 6:42 Iomraidhean Croise

Tànkùt 18:17

Mèn be mbwôgmbwe ntsho'te kame, a tswe mba ndù a loṅ kam nà; là, mèn bo yi be tù là lo nsi ntswit nkùn num bwe.

Matio 26:75

Pétro kwimte ntshob Yésu mi a tshob yi ndù: Kù'ngab nsi be tô ndù o à gha àm yoṅ tat là, ntum njù, nkua' neshu.

Matio 7:3

Bo nsi lo' à be zin mfi', fi' zin yi. Numk'o nke ndôte ntàn nenà z'a be lag mfèl o là, ke yen kam ntshwèn z'a be lag o l'à?

Matio 7:4

A be o bèn ntshob mfèl o à ndùke ndù: Bam ndù me sô nenà ntùm lag so; tshù, ndù kam ntshwèn num lag o à?

Lukas 13:15

Là Tshùaben bùnte yi ndù: Ghamfùm, mba we lo netèt bin ke' be kiag mfô i ke kekwèn i lo ntùm ndà nyàm, nèn yi a nu ntse lé'njù Sabbat ké?

Lukas 22:32

là m'a le'te Nsi num tu o ndù kà bamntù o bot. Ngelaṅ ze tu wul o nsi kaṅ ntù o là, o ghù fèt tsho ghù tànntù.

Lukas 6:41

Numk'o nke ndôte nyi'nga z'a be lag mfèl o là, ke yen kam ntshwèn z'a be lag o l'à?

Lukas 6:43

Nummbe tù mebwô ke bwe s'a num njam ntàm kebwô là, tù kebwô ke bèn mbe bwe s'a num njam ntàm mebwô là.

Mfa' Ghantum 13:10

Ngankùnkù mba ngatatte, mén Satan, ngakeban njoṅ nunetsin fa, o ke' ku' nefaṅ ke bèn nebagte manze Tshùaben ts'a b'a tse netsin nà ké?

Mfa' Ghantum 2:38

Pétro bùnte bo ndù: Bin kaṅ ntù tsine, bo nyu' mba we lo netèt bin ntse num lén Yésu Kristô ndù Nsi lagte nukebwô tsine; ndùlala bin nsi kwé Ywèt Nelàne.

Mfa' Ghantum 8:21

O ke' ghù yu bag i ke bèn ngù ntsi' ntùm yen nu li, nummbe ntù o ke' tsin mbwe Nsi.

Roma 2:1

Ndùlala nu latnta ke bwe, wù mènntùn, k'o b'a be we lo, z'o tshwèt ntsho'te mo' mèn nà. Nummbe o tshwèt mbe tsho't'é, nke ntsho'te mba tu wul o, ngwù ntsha, nummbe wù z'o tshwèt ntsho'te là, o be ngù be ndaṅndaṅ.

2 Korintô 5:18

Njoṅ i fa fe à Nsi z'a tshùa njam Kristô ntamte be bag à bin tu wul i, mbèn mfà fa' netamte be là.

2 Timôtio 2:21

A be ze mèn sô tshen tshu kebwô là num i là, mb'a nsi be kab nku'ni nelàne, z'a ywimte tàndà là, kab ze bo nabt'é num njoṅ mfa' mebwô fa là.

2 Pétro 1:9

Là mèn ze tshen tshu là ke' be num i là, b'a mfùmiag, a ke' be yen ngùanesà, a lagte ndù bo lo lànte njwèn nukebwô tse.