Lukas 6:30 - NTSHOB NSI

³⁰ Fà ju mèn z'a lon wù là; mèn z'a lo' ju z'a b'a yu là, kà bèn mbètte.

Lukas 6:30 Iomraidhean Croise

Yobkwi 112:9

A be nyit bu, a be mfà tshu ghayennge', ze nunetsin be ntswe matmat, neta i be nku' ntùm ghamte.

Yobkwi 41:1

Ntshagte yobkwi. Yobkwi David.

Tànkùt 19:17

Mèn z'a ko ndèn mbwoṅ nà ke mfà ju à Tshùaben, a nsi ba' numebwô i yi num ju z'a ghù là.

Tànkùt 21:26

A be nzwi njoṅ ze ngelaṅ fa neke ntshob tshu ts'a kô là, là mèn netsin ke mfà ke bèn mbèn bu i njam.

Tànkùt 22:9

Bo nsi tam ntse mèn z'a ghù ntshù neṅwate là nummb'a be mfà ze bàn mbwoṅ num bàn i.

Nzenu 11:2

Fà mo' bag tshu tsho ben sammbàa ke ben fome lo, nummbe o ke' lèn nge' z'a nsi tum ntùm njù là.

Nzenu 8:16

Ndùse me na' ndèn zenu, mbèn njen mfa' mi benntùn num mfa' num nsitsha' là, a be be ndù a num mbe tèttswe' ke mbwôgtshù lo ke zi sàm laglo là

Matio 18:35

Mba Tàa mfe kamànyam nsi ghù num bin be ndaṅndaṅ, a be ze mba we lo netèt bin ke' be lagte nukebwô mfèl i ngô ntù i fa là.

Matio 5:39

Là tu wul àm, me tshob bin ndù: Kà bin ta tu mbwe mèn kebwô, là, a be ze mèn lab toṅ o ze zwim nà, o tswite mba ze kwéb yi.

Matio 6:12

Lagte mfànnu mage, mba bag num ndagte yag mi ben bo num mfàn nu bag là.

Lukas 11:41

Bin bwôgmbwe mfà tshu ts'a be ntùm bwe là num ywimte, mba bin nsi tù' kua' ben nelàne.

Lukas 12:33

Bin swèn njoṅ tshu tsin fa, njwimte bwoṅbwoṅ yi. Bin ghù mbàm mi a ke' be ywèn nà, ngù nkàb tanjoṅ z'a ke' be mi là mfe kamànyam, dù' ze tshô ke' ku'ni neyi, dù' ze mbé' ke' ku' nebagte là.

Lukas 18:22

Yésu be ju' mb'a tshob là, ntshob yi ndù: Ta' ju bèn mbwoṅ wù ntshù'. Swèn njoṅ tshu fa ts'o ghù là, mfà nkàb bwoṅbwoṅ, o nsi se' ghù junkàb tanjoṅ mfe kamànyam; mbèn nse' ntam njam àm.

Lukas 6:29

A be ze mèn lab toṅ o là, o la'te mba mo' bag i yi. A be ze mèn fin nzwe o ze num tù là, kà gha yi ndù a lo' mba ze ntùm bwe.

Lukas 6:31

Ju ze bin kô ndù benntùn ke ngù bin nà, mba bin bèn nke ngù zin be ndaṅndaṅ num bo.

Lukas 6:38

Bin fà, bo nsi se' fà bin. Bo nsi so ju ntùm mbàm min féle, tshame, a dun mfètte. Bo nsi lo' à be zin mfi' fi' zin yi.

Mfa' Ghantum 20:35

Num njoṅ i fa, me lo ke ntswite ben nebole, nke nkwimte ntshob Tshùaben Yésu, nummbe tu wul i lo tshob ndù: Fen num ntùm nefà ntshùa nekwé.

2 Korintô 8:9

Nummbe bin lèn kondèn Tshùaben be Yésu Kristô, yi ngankàb lo tù' mbwoṅ num bin, ndùlala ndù bin tù' ghankàb njam bwoṅ i.

Efésô 4:28

Kà mèn z'a be njé là bèn neyi, a bwô ndù a fa' fa' mbu mi, ngù ju mebwô ndù a ywimte mèn z'a bwoṅ yi là.