Lukas 6:3 - NTSHOB NSI

³ Yésu bùnte bo, ntshob ndù: Bin ke' siaṅ ju ze David na' ngù ngelaṅ nziku' ya i boa ben tse bo à bo na' mbe là,

Lukas 6:3 Iomraidhean Croise

Matio 19:4

Là, a bùnte, ntshob ndù: Bin lo ke siaṅ ndù: Fe neto'te, Mbom mèn lo nabte yube, a nabte mandum mba mènnzwi,

Matio 21:16

ntshob yi ndù: O ju' ju ze bo tshwèt ntshob là ké? Là Yésu tshob bo ndù: Ṅ, bin ke' yoṅ nsiaṅ ndù: O yab yobkwi se bo nsi ghamt'o yi là num ntshu bônke' mba bonfi ké?

Matio 21:42

Yésu tshob bo ndù: Bin ke' siaṅ ju ze bo na' nkite là ndù: Loṅ se ghabom ndà na' ngua' là, kaṅ ntù' loṅ tôgndà. A b'a fa' Tshùaben, mbèn mbe ju netshàm num miag mage.

Matio 22:31

Mbe se' mba nelo ben tse bo na' nkwù là num vù là, bin ke' yoṅ nsiaṅ men ntshob li Nsi na' ntshob bin ndù:

Matio 4:2

A tswe ke jù ju lé'njù ṅam nkuà, mbwôgtshù mba tèttswe'; yen nà lo be tshùa, nziku' ya i.

Marko 12:10

Bin ke' siaṅ nu bo na' nkite ndù: Loṅ se ghabomndà na' ngua' là kaṅ ntù' loṅ ntôgndà;

Marko 12:26

Mbe' se' mba ben tse bo na' nkwù ndù bo nsi bèn lo num vù là, bin ke' yoṅ nsiaṅ tshô tswe'fiaṅe ntùm ṅwa'ni Mosé, nju' mat mba Nsi na' ntshob yi ndù: Me b'a Nsi Abraham mba Nsi Isak mba Nsi Yakob ké?