Lukas 6:25 - NTSHOB NSI

²⁵ Nge' num bin tse bin ywèt ndonni là, nummbe bin a' se' mb'a ntùm vù mba ntùm ntsenyà.

Lukas 6:25 Iomraidhean Croise

Yobkwi 49:19

Mba mb'a ke ṅwate ntùm yôg se nke nso ghamte num i ntùm tsiaṅte ts'a ke mbe ntùm bwe là,

Tànkùt 14:13

Ntù ghù nenywin mba ndùs'a tshwèt nzwi là; tsiaṅte be miagt'a zwe mo' ngelaṅ.

Tànkùt 30:9

mbwôg ndù kà me ghù yàm ntù' gha o negha, ntshob ndù Tshùaben b'a we? Ke ndù kà me be ntùm bwoṅ nj'é, nto' neke ntute lén Nsi àm.

Nzenu 2:2

Me be zwi i, ntshob ndù: Tshù bà là me bèn mbe tsiaṅte, ntshob ndù: Yen nà nsi ywimt'o à ke?

Nzenu 7:3

Tù' nda' zwi a be zwentù, nummbe ntù z'a be ntùm nenywin nà ku' netswe mebwô.

Nzenu 7:6

Nummbe ndaṅndaṅ mba nkekùt ntshwèn num nke mbètte nkù tun mba là, mb'a ndaṅndaṅ mba nkagni num nzwi là. Nda' ndù mba yen nà b'a banban.

Esaya 28:7

Là, mba ba Yérusalém be yub à mba ghabum ndu', nke ngwù bag bag, neta ndu' tshwèt nshùmte miag mube, ghale'te boa ghatshob ntshob Nsi b'a ntùm neta ndu' nke ngwù bag bag, ndu' lo' yub fa. Neta ndu' ghù miag mub nke nshùmte. Bo tshwèt mbe tshob ntshob Nsi nke ngwù bag bag, mbe keb ntsha nke ntiage.

Esaya 65:13

A ndùlala Tshùaben Nsi tshob ndù: Ghafa' tshàm nsi jù, bin tswe nziku'u, bo nsi nu, ntù tsin ke nkù. Ghafa' tshàm nsi tsiaṅte, tuswe ke nko zine.

Esaya 8:21

A nsi be tshakendà ntùm ngô yube, nziku' bèn nja yube; a nsi so ndon tu ze mfen bo ze Nsi ndùse nziku' nsi ya i, ntù i ya là. A nsi bù' miag mi lôte mfe tù;

Esaya 9:20

Manasé tshwèt mi Efraim, Efraim nke mi Manasé. Ntu tshob bàa fa tsho' ngwù mum Yuda. Mba tà ndùlala ntù i ke' yoṅ mfite, bu i ke' à be nenyile.

Amos 8:10

Me nsi ghù min njùa kaṅ ntù' nsivù, min nkwi nsi tù' ntsenyà vù. Me nsi taṅ bàm vù tun njoṅ zin fa. Me nsi kom nyiaṅ num tu tsine. Me nsi ghù yen nsivù là be mba nsivù nkwimén ntshù' là, njoṅ i fa z'a tù' là be mba ta' lé'njù zwentù là.

Nahum 1:10

Bin fà be nefà mba nka' ts'a ke' fi là, mba bin nsi kù ndaṅndaṅ mba bèn z'a jum nkate là.

Lukas 12:20

Là Nsi tshob yi ndù: Nkagni, be num yen tèttswe' li, bo nsi bètt'o ntù o; we z'a nsi ghù tshu ts'o nabte l'à?

Lukas 13:28

Nekua' mba nefèt nsô nsi be yen ngelaṅ nà ze bin yen Abraham, Isak, Yakob mba njoṅ ghatshob ntshob Nsi fa ntùm nufen Nsi, mbe be ndù bo ma' zin njù là.

Lukas 6:24

Là nge' num bin ghankàb, nummbe bin à ghù zin fite ntù.

Lukas 6:26

Nge' num bin ngelaṅ njoṅ benntùn fa nsi ke tshob be mebwô num bin nà, nummbe ba tà tshob lo ke ngù be ndaṅndaṅ num ghatshob ntshob Nsi tse tatte.

Lukas 8:53

Bo zwi i, nummbe bo lèn ndù a kwù.

Efésô 5:4

Kà nko'nko' ntshobe, ntshob kagni ke ntshob komzwi lo be netèt bin, a ke' ywimte, là, a lo mbwô ndù bin le't'a Nsi.

1 Tésalônikà 5:3

Ngelaṅ ze bo nsi tshob ndù: Fite mba la' be tshaṅ nà, be ndùse nebagte nsi se' num bo ndende mba ya nebwe be nse' num mènnzwi jùm nà, bo ke nsi kù kà tume.

Yakobo 4:9

Bin lèn nge' zin, bin kua' wut tsine, bin tswe ntsenyà. A bwô ndù zwi sin kaṅ ntù' nekua'a; tsiaṅte zin tù' nenywine.

Apokalipse 3:17

Nummbe o num ntshob ndù: Me b'a ngafu', me ghù ntshùate, ke bwoṅ sàm ju, là, o ke' lèn ndù o b'a njennge', ngalon kondèn, mbwôṅ, mfùmiag, ngazin tunntôg;

1 Samuél 2:5

Ben tse bo na' njwèt là tshwèt ntshwèt wut tshob num bàn; tse bo na' ntswe nziku' là nke mfite; mba kua' kebwe mènnzwi bwe yoṅ sammbàa. Mènnzwi z'a ghù bon yàm nà ke bèn nebwe.