Lukas 6:23 - NTSHOB NSI

²³ Bin tsiaṅte num sen lé'njù là, ndun tsiaṅte, nummbe ntsho'fa' min b'a mi ndùb mfe kamànyam; ba tà tshob lo ke ngù be ndaṅndaṅ num ghatshob ntshob Nsi.

Lukas 6:23 Iomraidhean Croise

2 Samuél 6:16

Ndùse Koṅ Tshùaben ke ntsho ntùm tusô David là, Mikal ngon Saulo lôte tônda njen mba mfen David tshwèt nyiaṅe, nke ntsho' mfe tù mbwe Tshùaben nà, ngwag i ntùm ntù i.

1 Fenfen 18:4

Mbe ndù a lo lemte ba ghatshob ntshob Nsi Tshùaben ntu nkù, njabte yub ṅam ntàn ṅam ntàn ntùm ngabloṅ, nke nkém yub bàn, nke mfà ntse bo, ndùse Yézabél biagte ba ghatshob ntshob Nsi Tshùaben nà.

1 Fenfen 19:10

A bùnte ndù: Nkôni z'a dun num àm num Tshùaben tàndà ntsho là b'a ze lànghe'e, nummbe bon Israél ghua' o, nsate ntômbwôg mu, nzwite ghatshob ntshob Nsi tsho ṅwi. Me tù' à nda' tù' me; ndonni bo tshwèt ndiag nelo' tu àm.

1 Fenfen 19:14

Elia bùnte ndù: Nkôni z'a dun num àm num Tshùaben tàndà ntsho là b'a ze lànghe'e, nummbe bon Israél ghua' o, nsate ntômbwôg mu, nzwite ghatshob ntshob Nsi tsho ṅwi. Me tù' à nda' tù' me; ndonni bo tshwèt ndiag nelo' tu àm.

1 Fenfen 19:2

Yézabél tum ntum, a nèn ntshob Elia ndù: A bwô ndù ba nsi yab nge' num àm a be z'a be be ndamnjù num yen ngelaṅ ni, me ke yab tu o dù' z'o yab tu mba zit mèn no netèt bo bwe là.

1 Fenfen 21:20

Ndùlala Akab tshob Elia ndù: Ngakeban àm, o bèn ntèl àm ké? Elia tshob ndù: Me bèn ntèl o nummb'o swèn wul o num neke ngù nukebwô num miag Tshùaben.

1 Fenfen 22:27

Tshob bo ndù bo ma' i ndàtsha, nke nkém i jujù bo ntse nge' tà nkum ndùse me nsi bèn njam ntùm fite là.

1 Fenfen 22:8

Mfen Israél tshob Yosafat ndù: Ta' mèn nsen ni ze be be tshùa njam i mbètte Tshùaben nu là, nda' ndù tu wul àm ke' be kô i, nummb'a ke' be tshob sàm nu ntùn num àm. A ke ntshob à be kebwô num àm. A b'a Mika nshum Yimla. Yosafat tshob ndù: Kà mfen tshob ndùlala.

2 Fenfen 6:31

Ndùlala mfen tshob ndù: A bwô ndù Tshùaben yab nge' num àm ntshùate, a be ze tu Elisa nshum Shafat ke' tù sen lé'njù li là.

2 Kronika 36:16

Là, bo tshabte tshob ghantum Nsi, ngwag ntshob mi, nzwi tshob ghatshob ntshob Nsi tse, tà nkum ndùse yantù Tshùaben kam num ze nzwit mèn fu se ke bèn mbe là.

Néhémi 9:26

Mba tà ndùlala, bo lo kam tatu num o, ma' ntshù' o njam tu bo, nzwite ghatshob ntshob Nsi tsho tse bo ke ndabte yub ndù bo bèn njam ntèl o là. Bo tut'o kua' yàm yàm neshu.

Yobkwi 58:11

Mèn netsin nsi tsiaṅte ngelaṅ neyagte mba'a. A nsi sôg nku mi ntùm lem ghatshùagntù.

Esaya 35:6

yen ngelaṅ nà ba nke'kèt nsi ywètte mba njuanyàm nà, lém ba ketshob ké'te, mbèt zwi tsiaṅte. Nummbe ntse nsi bèt num kônkwa, bon netsha' ntse tum dù' z'a be fam nà.

Yérémia 2:30

Me na' ndab bon tsin à kua' banban. Bo ke' ju' ntshob ntag mi me na' mfà bo là. Ṅwi zin lo watte ghatshob ntshob Nsi tsin mba ta' ngwayit ngasate dù' là.

Matio 5:12

Bin tsiaṅte, ṅwate ntùm tsiaṅte, nummbe ntsho'fa' min b'a mi ndùb mfe kamànyam, a be ndaṅndaṅ mba bo na' ntsho' nku ghatshob ntshob Nsi tse bo be mbwe bin nà kebàn nà.

Lukas 1:41

Tshù, ngelaṅ Elisabèt ju' tsha'te Maria là, mén nyi'te ntùm bam se, Ywèt Nelàn dun mba num Elisabèt.

Lukas 1:44

Nummbe fe ngelaṅ nze ntshob tsha't'o lo njoṅ ntam ntùm ntoṅ màm nà, mén nyi'te, ntsiaṅte ntùm bam sàm.

Lukas 6:35

Mba bin nà, bin kô ghakeban tsine, ngù numebwô, mbèn mfo ke nywinte nekwé sàm ju, ndùlala ndù ntsho'fa' min se' mbe mi ndùb, bin bèn mbe bon Nsi mfe tù; nummbe a num nkô ghakelèn numebwô mba ghatshùag.

Mfa' Ghantum 14:10

ntshob yi nze neta ndù: Lo tù, tsin tù ndaṅndaṅ num nku mu. A tsho' ketshat, nzine.

Mfa' Ghantum 3:8

a tsho' ketshat, ntsin tù, nto' nezine, ntsho bo à bo Ndà Nsi, nzine, ntsho' ketshat, nke ngamte Nsi.

Mfa' Ghantum 5:41

Ndùlala ghantum tum netèt ghatsho'te ntsha ntùm tsiaṅte, nummbe Tshùaben lo yen ndù bo ku'ni nekwé tuswe num lén se.

Roma 5:3

Ke b'a nda' ndùlala, là bag à bin num nta' nsoṅ mba ntùm neyen nge', ndèn ndù nge' num njam nefènte,

2 Korintô 12:10

A ndùlala, me num ntsiaṅte ntùm ba lo', ntùm ba tshabte, ntùm nebwoṅe, ntùm netsho' nku kebàn, ntùm zwentù, num nu Kristô! Nummbe me ke nt'a ngelaṅ me bot là.

Kolosé 1:24

Ndonni me tshwèt ntsiaṅte ntùm nge' tshàm num tu bin, nke nzwiagte tshu ts'a tsi num nge' Kristô ntùm mbàb wul àm nà num wul i z'a be ntse'te benkristô,

2 Timôtio 2:12

A be ze bag à bin fènte là, mba bag à bin bo nsi tô; a be ze bag à bin gha i là, mb'a nsi gha be,

Héber 11:26

ndo' nge' Kristô mba ju ndùb z'a tshùa tshunkàb Egipto là, nummbe a lo ke ndôt'a ntsho'fa' mi mànjam.

Héber 11:6

Là bamntù be ke be, mèn ke ku'ni nebwô Nsi. Nummbe a bwô ndù mèn z'a tshwèt ngebte mbaṅ Nsi là bam ndù Nsi num bwe, mba ndù Nsi b'a mèn z'a tshwèt ngebte mbaṅ Nsi là bam ndù Nsi num bwe, mba ndù Nsi b'a mèn z'a num mfà ntsho'fa' ben tse bo num ndiag i là.

Yakobo 1:2

Fèt tshàm, bin lo' yen nà mba tsiaṅte là, ngelaṅ ze nzenze laṅte vù num bin nà,

1 Pétro 4:13

Là bin tsiaṅte mba bin tamte bin à Kristô ntùm nge' tse là, ndù bin bèn ntsiaṅte ntùm tsiaṅte ngelaṅ Kristô tswite nkuni mi là.

Apokalipse 2:17

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là. Mèn z'a tshùa ntsho là mba me nsi fà mànnà z'a lem nà yi, fà mba kwango' fôgtab yi, se bo kite lén nswe num bwe là, lén se sàm mèn ke' lèn, k'a ke nda' mèn z'a kwé là.

Apokalipse 2:26

Mèn z'a tshùa ntsho, ndé' mfa' màm tà nèn miagte là, me nsi fà ngù' netô ngô yi;

Apokalipse 2:7

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là. Mèn z'a tshùa ntsho là, mba me nsi ghù a jù ntàm tù yôg s'a be ntùm Paradis Nsi là.

Apokalipse 21:7

Mèn z'a tshùa ntsho là nsi jù ntsi' tshen tshu là, me nsi be Nsi i, tu wul i be mén àm.

Apokalipse 3:12

Mèn z'a tshùa ntsho là, mba me nsi lo' i, ghù ntom yi ntùm ndà yàm Nsi, a ke bèn ntume; me nsi kite lén Nsi àm num i, mba lén ngô Nsi àm, lén Yérusalém ze nswe z'a swe' kamànyam mbaṅ Nsi àm nà, mba lén sàm se nswe.

Apokalipse 3:5

Mèn z'a tshùa ntsho là nsi ket nzwe fôgtab be ndaṅndaṅ, me ke nsi bwete lén se ntùm ṅwa'ni yôg, me nsi kwé nta lén se mbwe Tàa mba mbwe ba Angél tse.