Lukas 6:22 - NTSHOB NSI

²² Ghafen b'a bin ngelaṅ benntùn nsi ke bàn zine, ta' zine, bagte lén sin num Mén mèn nà.

Lukas 6:22 Iomraidhean Croise

Esaya 65:5

Bo nke ntshob ndù: Kù'te mbaṅ bag ntsin tà nsen din! Kà kwag àm, me nsi lànt'o. Njoṅ i fa lo' nzembwôg nen mfaṅ ntselag màm yi. A b'a mbwôg z'a tshwèt nkù, mbe ndù a nsi ke kù là.

Esaya 66:5

Bin ju' ntshob Tshùaben, njoṅ zin fa tse bin be mbwôg ntshob mi là. Tshù ju ze fèt tsin tse bo num mbàn zine, nke ma' zin njam num lén sàm be ntshob li: A bwô ndù Tshùaben la'te nkuni mi, bag yen zin tsiaṅte. Nda' ndù tuswe nsi ko yube.

Matio 10:18

Bo nsi nèn bin mbwe ba ngomna mba fenfen num àm ndù bin kwé nta mbwe bo mba mbwe ghakelèn Nsi.

Matio 10:22

Njoṅ benntùn fa nsi bàn zin num lén sàm, là mèn z'a fènte tà nèn miagte là, mba yen mèn nà nsi yôge.

Matio 10:39

Mèn z'a lem yôg se là, mb'a nsi ghua' i; mèn z'a ghua' yôg se num àm nà, mb'a lem i.

Lukas 20:15

Bo tèn i, ntum ntùm nkùa, nzwi i. Ngankùa nsi ghù à ndùke?

Lukas 21:17

Njoṅ benntùn fa nsi bàn zin num lén sàm.

Lukas 6:21

ghafen b'a bin tse nziku' tshwèt nja zin ndonni là, nummbe bin a' se' njwèle. Ghafen b'a bin tse bin tshwèt ndàn ndonni là, nummbe bin a' se' ntsiaṅte.

Yohané 12:42

Mba ndùlala mba netèt ghakwé mbwe ben yàm bam i, là ke bam i ndaṅndaṅ num ba Férésia, mbwôg ndù kà bo sô yub ntùm sinagogue.

Yohané 16:2

Bo nsi sô zin ntùm ba sinagogue; mba ngelaṅ tshwèt nku'u, ze mba we lo z'a nsi zwi zin nsi kwate ndù a fa' Nsi là.

Yohané 17:14

Me lo fà ntshob mu bo, njù mbàn yube, nummbe bo ke' b'a ba ntùm njù, mba tu wul àm, me ke' b'a ze ntùm njù là.

Yohané 7:7

Njù ke' ku' nebàn zine, là, a tshwèt mbàn àm, nummbe me tshwèt nkwé nta num i ntshob ndù mfa' mi b'a mi kebwô.

Yohané 9:34

Bo bùnte ntshob yi ndù: Njoṅ wul o fa bo bwe i à ntùm nukebwô, o tshwèt ntswite yag ké? Bo ma' i njù.

Mfa' Ghantum 22:22

Bo ju' i tà nkum num men ntshob li, ntshob kua' mà neta ndù: Bin zwi yen mèn nà, nummbe a ke' ku'ni neyôge.

Mfa' Ghantum 24:5

Bag yen yen mèn ni a b'a mo' ngokèt z'a tshwèt nkag tshu'tu netèt njoṅ ba Yuda fa ntùm njù fa là; a bèn mbe ngalo' mbwe num nu ba Nazarèt;

Mfa' Ghantum 9:16

M'a tswite njoṅ tshu fa ts'a bwô ndù a fènte num lén sàm nà yi.

Yakobo 1:12

Mènfen b'a mèn z'a be mfènte laṅte là, nummbe ngelaṅ a nsi tshùa laṅte là, a nsi kwé tshe' yôg se Tshùaben ka' ben tse bo kô i là.

1 Pétro 3:14

Là, a be ze bin yen mba nge' num nunetsin nà, mba bin b'a ghafen. Kà bin bwôg yube, kà tu tsin tshu',