Lukas 6:21 - NTSHOB NSI

²¹ ghafen b'a bin tse nziku' tshwèt nja zin ndonni là, nummbe bin a' se' njwèle. Ghafen b'a bin tse bin tshwèt ndàn ndonni là, nummbe bin a' se' ntsiaṅte.

Lukas 6:21 Iomraidhean Croise

Neto'te 17:17

Abraham vù nsi kabkab nzwi i, ntshob ntùm ntù i ndù: Be mandum z'a ghù ngu'njù nkù là bwe mén mandum ké? Be Sara z'a ghù ngu'njù ṅam bwe'e là bèn mbwe ké?

Neto'te 21:6

Sara tshob ndù: Nsi fà tunu zwi me, mba we lo z'a nsi ju' là nsi zwi tse num àm.

Yobkwi 107:9

Nummb'a fà ntse nzetô z'a jum nà, mfà tshu mebwô bam se nziku' ya i là!

Yobkwi 119:136

Ntsenyà tshwèt nswe' miag àm, nummbe bo ke tshwèt nze ntshù' o.

Yobkwi 143:6

Me nyit mbu màm ntshag wù, ntù àm be mbwe o à mba dù' tsha' njum nà.

Yobkwi 17:15

Mba me là, me nsi yen se o, nummbe me b'a mbu'u, njù nsi be làne, ndù m'a ywèt neyen se o.

Yobkwi 28:7

Tshùaben b'a yàm neta mba yàm tshètntsho. Ntù àm be njab à num i, a ywimt'àm. Me tshwèt ṅwate tshàm ntùm ntù àm, nke nyàmt'é ntùm njobkwi màm.

Yobkwi 65:4

Nukebwô fam àm. O nsi lagte mfànnu màm.

Esaya 25:6

Tshùaben tàndà ntsho tshwèt nabte ta' jùa njoṅ ngôngô fa num yen mbat li. Jujù ts'a nsi be bwe là bwô neshu, jùa ndu', nsam ndu' ntùn, jujù ts'a bwô là, ndù a ghù nzile, nsam ndu' ntùn mi bo tshét là.

Esaya 30:19

Nga, o ke nsi bèn kua' me ngô Sion, bin tse bin be ntswe Yérusalém nà. A nsi ko ndèn mu ndùs'o nsi kua' yi là. A nsi bùnte wù ndùs'a yoṅ ju' nz'o là.

Esaya 66:10

Njoṅ zin fa bin be nkô Yérusalém, bin à bo tsiaṅte, bin fon zin tsiaṅte bwe. Njoṅ zin fa tse bin be nsivù num i là, bin ṅwate ntùm tsiaṅte bin à bo.

Yérémia 13:17

A be ze bin ke' ju' là, mba me nsi kua' ntùm tsham nu ko'tewut tsine; miag màm nsi fètte ntsenyà, nummbe bwoṅ nyàm Tshùaben nsi nèn ndà kuan.

Yérémia 31:25

Nummbe me nsi fà ntse nefite ntù z'a kù là, ghù ndù ntù z'a yub là ywèle.

Yérémia 31:9

Bo be se' nke nkua'a, nke ma' mbu. Me nsi tshagte yube, lo' yub nèn yi mbaṅ koṅntse, tshùa bo à num ta' manze netsine, dù' bo ke tiag là. Nummbe me be Israél à mba ta' tà là. Efraim b'a tuswe àm.

Yérémia 9:1

Yérémia tshob ndù: Wé! A lo mbe ndù ntse dun tu àm, mbe ndù ntsenyà dun miag àm mba tôntse là, mb'a be me làn mbwôgtshù bo tèttswe', ndàn fe ben yàm nzwit mèn.

Ezékia 7:16

Tse bo yôg là nsi kù nèn num ba mbat mba bwoṅtambia' ts'a tômbo' là. Njoṅ yub fa nsi ke tswe, mba zit lo num mi mfànnu.

Ezékia 9:4

Tshùaben tshob yi ndù: Tshùa netèt ngô, netèt Yérusalém, mvèn keki num nkonse benntùn tse bo tshwèt mféme, nke ntswe num bagkèt nu ts'a tshwèt ntum mum ngô là.

Matio 5:4

Ghafen b'a ben tse bo tshwèt nkua' là, nummbe Nsi a' ghù mfite ntù tshobe.

Matio 5:6

Ghafen b'a ben tse ntù tshob tshwèt nkù, nzi nunetsin bèn nke nja yub là, nummbe bo a' ghù njwèle.

Lukas 1:53

mfà tshu mebwô ghanziku'u, nta' ghankàb bo nèn mbu mbu,

Lukas 6:20

A bù' miag mi nte num ghazi'te nu i, ntshob ndù: Ghafen b'a bin bwoṅbwoṅ, nummbe nufen Nsi b'a zine;

Lukas 6:22

Ghafen b'a bin ngelaṅ benntùn nsi ke bàn zine, ta' zine, bagte lén sin num Mén mèn nà.

Lukas 6:25

Nge' num bin tse bin ywèt ndonni là, nummbe bin a' se' mb'a ntùm vù mba ntùm ntsenyà.

Yohané 11:35

Yésu fètte ntsenyà.

Yohané 4:10

Yésu bùnte ntshob yi ndù: O lo ndèn ju ze Nsi num mfà là, mbèn ndèn mèn z'a tshwèt ntshob wù ndù: Fà mén ntse me, me nu là, kà mbu' mbu yi yu tu, mb'a fà ntse yôg wù.

Yohané 6:35

Yésu tshob bo ndù: Tu wul àm, me b'a bàn yôg. Mèn z'a se' me là mba nziku' ke bèn ney'é, mèn z'a bam àm nà, mba ntù i ke bèn nekù.

1 Korintô 4:11

Tà nse' nkum ndonni, nziku' num nja yage, ntù yag kù, bag b'a tunntôg, bo num ndab yage, bag b'a ba tshakendà,

2 Korintô 11:27

Ntùm fa' neshu mba ngùtni, ntùm nezi tshùalo yàme; ntùm nziku' mba ntù nekù; ntùm netswe nziku' yàme; ntùm mfùag mba tunntôg;

2 Korintô 12:10

A ndùlala, me num ntsiaṅte ntùm ba lo', ntùm ba tshabte, ntùm nebwoṅe, ntùm netsho' nku kebàn, ntùm zwentù, num nu Kristô! Nummbe me ke nt'a ngelaṅ me bot là.

2 Korintô 6:10

mba ben nenywin nà, là ndù bag num ntsiaṅte njoṅ ngelaṅ fa; mba bwoṅbwoṅ nà, là ndù bag nabte ghankàb yàme, mba ben tse bo ke' ghù sàm ju là, là ndù bag ghù njoṅ tshu fa.

Yakobo 1:12

Mènfen b'a mèn z'a be mfènte laṅte là, nummbe ngelaṅ a nsi tshùa laṅte là, a nsi kwé tshe' yôg se Tshùaben ka' ben tse bo kô i là.

Apokalipse 21:3

Me ju' mo' nze neta tum num ko'fen, ntshob ndù: Tshù ntàb Nsi là boa benntùn; a nsi tswe bo à bo tu wut tshob be ben tse, tu wut Nsi be bo à bo.

Apokalipse 7:16

Nziku' ke nsi bèn ya yube, ntù tshob ke nsi bèn kù, lagnyam ke ndum nyam no ke nsi bèn ton yube,