Lukas 6:2 - NTSHOB NSI

² Là tsemo' ba Férésia tshob bo ndù: Bin ke ngù ju ze ntshù' ke' bam neghù lé'njù Sabbat là numke?

Lukas 6:2 Iomraidhean Croise

Netume 22:10

mba mèn ze bo fà nyàm yi a lé' là, nsi kàn mfe num lén Tshùaben bèn tshob mb'a ke' lo' tse ju mènghua. A bwô ndù nga nyàm bam men nkàn mfe là, kà mfèl i be ke fà kwibtu yen nyàm nà.

Netume 31:15

Mba we lo a' ke mfa' se fa' num lé'njù ntôge, là mbatte lé'njù sammbàa b'a Sabbat, mbe lé'njù se bo lé' Tshùaben nà. Mba we lo z'a fa' num lé'njù Tshùaben nà, mba bo a' zwi ng'é.

Netume 35:2

Fa' nsi ke b'a num lé'njù ntôge; là mbatte lé'njù sammbàa nsi b'a ju nelàn num miag mine. A b'a Sabbat, lé'njù fite, se bo yab Tshùaben nà. Mèn z'a fa' mba ke lo num sen lé'njù là là, mba bo a' zwi ng'é.

Esaya 58:13

A be z'o ghom wul o nezinte lé'njù Sabbat, ndù k'o ghù a ju z'o kô mum lé'njù sàm se nelàne, a be z'o lo' lé'njù Sabbat mba se nelàne, nke ngamte Tshùaben bwe là, a be z'o ke nyàmt'é, ke ke mbwe à tsho manze, ke ke mfà wul o à num mu mfa' bo num ntsha banban nà,

Matio 12:2

Ba Férésia yen, ntshob Yésu ndù: Tshù, ghazi'te nu o tshwèt ngù ju ze ntshù' ke' bam neghù lé' Sabbat là.

Matio 15:2

Numke ghazi'te nu o nke mbagte nu ba mbwe na' ntshob l'à? Nummbe bo ke' be sôg mbu kà njù jujù.

Marko 2:24

Ba Férésia tshob Yésu ndù: Tshù, bo ke ngù ju ze ntshù' ke' bam nà lé'njù Sabbat numke?

Lukas 5:33

Là bo tshob yi ndù: A lo be matnu ghazi'te nu Yohané neke ntswe nziku'u, mbèn nke nde'te Nsi, mba ba Férésia! Numke tsho ghazi'te nu nke njù mbèn nu à?

Yohané 5:16

A tshùa ndùlala ba Yuda tsho' nku Yésu kebàn, nummbe a lo ke ngù tshen tshu là lé'njù Sabbat.