Lukas 6:13 - NTSHOB NSI

¹³ Ngelaṅ njù làn nà, a tsiaṅ ghazi'te nu i, ntsho' tse ntshob bàa gham netèt bo, ntsiaṅ mba bo yub ghantum;

Lukas 6:13 Iomraidhean Croise

Matio 10:2

Ndèn ghantum ntshob bàa gham nà b'a ndù: Mbwe i, Simon mo' lén se be Pétro là, Andréa mfèl i, Yakobo mén Zèbèdéo mba Yohané mfèl i;

Matio 19:28

Là Yésu tshob bo ndù: Kua' nenùne, me tshob bin ndù: Ngelaṅ ze nebèn nabte njoṅ tshu fa nsi se'e, Mén mèn tswe num ko'mfen nkuni mi là, bin tse bin na' ntam njam àm nà, bin nsi tswe num ndiaṅfen ntshob bàa gham, ke tsho'te ntsha tunndà ba Israél ntshob bàa gham.

Matio 9:36

A be yen bwoṅ benntùn, ndèn mub ko i, nummbe bo lo bole, njobe, mbe ndaṅndaṅ mba njùmbwe tse ngabéb yub ke' be là.

Marko 6:30

Ghantum se', ntse'te mbaṅ Yésu, nsoṅ i njoṅ tshu fa bo na' ngù mba tse bo na' ntswite là.

Marko 6:7

A tsiaṅ tse ntshob bàa gham mbaṅ i, nto' netum yub bàa bàa, mfà ngù' netô ywètkebwô bo,

Lukas 11:49

A b'a kua' ju z'a ghù kà zenu Nsi tshob ndù: Me nsi tum ghatshob ntshob Nsi mba ghantum bo: Bo nsi zwite tsemo' netèt bo, bèn tsho' nku tsemo' kebàn.

Lukas 22:30

Bin nsi jù bèn nu num téblé sàm, ntùm nufen sàm; bin nsi tswe num ndiaṅfen, ke tsho'te ntsha tunndà ba Israél ntshob bàa gham.

Lukas 6:14

ntsiaṅ Simon ndù Pétro bo Andréa mfèl i. Yakobo mba Yohané, Filibo mba Bartélémi.

Yohané 4:33

Ndùlala ghazi'te nu i nke ntshob bo bo ndù: Mo' ndù mo' mèn se' mfà jujù yi.

Mfa' Ghantum 1:13

Bo bèn njam ntùm ngô, nko' ntùm to'ndà z'a be tù, dù' ze bo ke ntse'te bwe là; a na' mb'a ba Pétro, Yohané, Yakobo mba Andréa, Filibo mba Tomas, Bartélémi mba Matio, Yakobo mén Alféo, Simon Zélôte, mba Yuda mén Yakobo.

Efésô 2:20

bo na' nkut zin à num tseba' ghantum Nsi boa ghatshob ntshob Nsi, tu wut Kristô Yésu b'a loṅ tôgba';

Efésô 4:11

A b'a yi bèn mfà tsemo' mba ghantum nà, tsemo' mba ghatshob ntshob Nsi là, tsemo' mba ghatshob nkùn mebwô là, tsemo' mba ghabéb mbwe là, tsemo' mba ghatswite là,

Héber 3:1

A ndùlala, fètfèt tse nelàn, bin tse bin kwé netsiaṅ mfe kamànyam nà, bin te miag min num ngantum mba ngale'te Nsi ze bag à bin num mbam nà, Yésu:

2 Pétro 3:2

nkwimte tshu tse ghatshob ntshob Nsi tse nelàn bwôgmbwe ntshob là, mbèn nkwimte ntshù' Tshùaben mba ngayôg be ze ghantum tsin tswite bin nà.

Apokalipse 12:1

Mo' ju netshàm tum mfe kamànyam, mo' mènnzwi ndù a ma' lagnyam num i, nte nku mi num maṅwù, nte tshe' tu i ndù a ghù nsa ntshob bàa gham;

Apokalipse 18:20

Kamànyam, tsiaṅte num i, bin ben nelàne, ghantum mba ghatshob ntshob Nsi, bin tsiaṅte, nummbe Nsi naṅ ntsha tu i, ngù nunetsin bin.

Apokalipse 21:14

Kumba' ngô lo ghù tseba' ntshob bàa gham, ndèn ntshob bàa gham, ndèn ghantum ntshob bàa gham, ghantum mén njùmbwe be num bo.