Lukas 6:11 - NTSHOB NSI

¹¹ Là bo dun yantù ntamte ngù ntse'te neyen mba bo ghù Yésu là.

Lukas 6:11 Iomraidhean Croise

Nzenu 9:3

A b'a ta' kebwô num njoṅ tshu fa ts'a ke ntshùa tun bam kamànyam nà, nummbe ta' ju ntshù' tshwèt mbéb njoṅ benntùn fa, ben kebwô mba ben mebwô be ndaṅndaṅ. Mbèn mbe, ntù bon Adam dun nkwate mfùm, tsiaṅte be ntù bo mum lé'njù yôg sube, ngelaṅ be ku'u bo tôg nèn ngô ba fe ben.

Matio 16:7

Bo kwate ntùm ntù tshob ndù: A b'a nummbe be ke' lo' bàn.

Matio 21:45

Ghale'te Nsi tse ndùbndùb mba ba Férésia be ju' tshen tànkùt li, ndèn ndù Yésu ke ntshob à num bo.

Lukas 4:28

Bo be ju' men ntshob là, njoṅ yub fa bo be sinagogue là dun yantù.

Lukas 6:10

A lôte njoṅ yub fa ndiaṅ mbume, ntshob yi ndù: Nyit bu o. A ghù bu i yate.

Lukas 6:12

A be num tshen lé'njù là, a nèn num mbat num nele'te Nsi, nzi bwe nele'te Nsi.

Yohané 11:47

Ndùlala ghale'te Nsi tse ndùbndùb mba ba Férésia tsiaṅ ntse'te ghatsho'te ntsha, ntshob ndù: Be ghù ndùke? Nummbe yen mèn nà tshwèt ngù nsà yàme.

Yohané 7:1

Tshen nà lo be tshùa, Yésu nke nzinte ntùm ngô Galiléa, là, a lo ke kô nezinte ntùm ngô Yudéa, nummbe ba Yuda lo ke ndiag nezwi i.

Mfa' Ghantum 26:11

Yoṅ yàme, ntùm ba sinagogue, me lo ke ngùtni yube, mbèn nke nànte yub ndù bo tshabte lén Yésu; ntùm tshùagkèt ntù àm, me lo tsho' nku mub kebàn tà nèn nkum mba ntùm ngô ba tum.

Mfa' Ghantum 4:15

Ndùlala bo tshob ndù Pétro mba Yohané tum dù' netsho'te ntsha. Bo ghù ntse'te netèt bo,

Mfa' Ghantum 4:19

Là Pétro mba Yohané bùnte ntshob bo ndù: Bin lôte zin tu a be z'a be nunetsin mbwe Nsi neju' bin ntshùa Nsi là.

Mfa' Ghantum 5:33

Bo be ju' men ntshob là ndun yantù, nke ndiag nezwite yube,

Mfa' Ghantum 7:54

Bo be ju' men ntshob li yantù dun ntùm ntù tshobe, bo fèt nsô num Etiènne.

2 Timôtio 3:9

Là bo ke nsi bèn nèn mbwe ntùm manze là, nummbe bà yub nsi la'te wul i njoṅ benntùn fa, ndaṅndaṅ mb'a na' mbe num tsemo' là.