Lukas 5:34 - NTSHOB NSI

³⁴ Là, a tshob bo ndù: Be bin ghù shun ndungon tswe nziku' ngelaṅ boa ndungon bèn mbe l'à ndùke?

Lukas 5:34 Iomraidhean Croise

Nkwi Nkwi 5:8

Ngonngon Yérusalém, me le'te zine, a be ze bin yen nshun àm nà, bin tshob yi ndù ntù àm a' kwù nkôni num i.

Nkwi Nkwi 6:1

Ngonngon bètte ndù: Mènnzwi z'a bwô ntshùa tsemo' bènnzwi, nshun o nèn à kua' yà? Nshun o nèn à zit bag à? Soṅ yag bag bin a' diag i wù.

Esaya 54:5

Nummbe Mbom o bèn mbe yu ndu: Lén se b'a Tshùaben tàndà ntsho. Ngatshu' o b'a Mèn Nelàn Israél. Bo ke ntsiaṅ i à Nsi njoṅ nsitsha' fa.

Esaya 62:5

Ndaṅndaṅ mba ménnshum be ntamte bo ménngon nà, be ndaṅndaṅ nshumnshum tsho nsi tamte num o. Ndaṅndaṅ mba nzwingùn be ngù ntù ndu i nke ntsiaṅte là, be ndaṅndaṅ o nsi ghù ntù Nsi o tsiaṅte.

Sofoni 3:17

Tshùaben Nsi o b'a netèl o, a b'a mba ngayob ngu' là, sa'nde' z'a be njôg be. A nsi lo' o ghù ze mà tsiaṅte ndùb yi; a nsi tswe ntshu mi' ntùm nkôni; a nsi ghù ṅwate yàm num tu o.

Matio 22:2

Nufen kamànyam fut'a mo' mfen z'a na' nabte nandà mén i là.

Matio 9:15

Yésu bùnte bo ndù: A be shun ndungon tswe ntùm ntsenyà ngelaṅ boa ndungon ke' l'a ndùke? Tsemo' lé'njù nsi be se' bo lo' ndungon netèt bo, a yen ngelaṅ nà ze bo nsi tswe nziku' là.

Lukas 5:33

Là bo tshob yi ndù: A lo be matnu ghazi'te nu Yohané neke ntswe nziku'u, mbèn nke nde'te Nsi, mba ba Férésia! Numke tsho ghazi'te nu nke njù mbèn nu à?

Lukas 5:35

Tsemo' lé'njù nsi be se'e, bo lo' ndungon; a tshen lé'njù là tse bo nsi tswe nziku' là.

Yohané 3:29

Mèn z'a ghù mènnzwi là b'a ndu mènnzwi, nshun ndu z'a tsin nsen nà, nju' nz'é là, tsiaṅte ntùm tsiaṅte neju' nze ndu. Yen tsiaṅte là z'a b'a yàm nà dun.

2 Korintô 11:2

Nkôni ze me num nkô zin yi là b'a nkôni Nsi. Nummbe me lo yi' zin mba ngonngon nelàn nà ta' mandum ntshù', Kristô.