Lukas 5:32 - NTSHOB NSI

³² Me ke na' nse' tsiaṅ à ben netsine, là ben kebwô num nekaṅ ntù.

Lukas 5:32 Iomraidhean Croise

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Matio 18:10

Bin bam nà newag mo' metsit mén netèt tshen ni. Nummbe me tshob bin ndù ba Angél tshob mfe kamànyam num ndôte se Tàa mfe kamànyam njoṅ ngelaṅ fa. [

Matio 9:13

Bin nèn nzi'te tun men ntshob li ndù: Me kô à kondèn ke b'a ju nele'te Nsi. Nummbe me ke na' nse' netsiaṅ à ben netsine, là ben kebwô.

Marko 15:10

Nummbe a lo lèn ndù ghe'te ghale'te Nsi tse ndùbndùb bèn ngù kà bo mfà i.

Marko 15:7

Mo' mèn lo be bwe, lén se Baraba, ze bo na' nkul i boa ghatshu'tu tse bo na' nzwi mèn ntùm tshu'tu yub là.

Marko 2:17

Yésu ju'; ntshob bo ndù: A ke' b'a benntùn tse bo tswe mebwô là ke ndiag nga ghù fu, là nda' ben tse bo tswe kebwô là. Me ke na' nse' netsiaṅ à ben netsine, là ben kebwô.

Lukas 15:10

Be ndaṅndaṅ, me tshob bin ndù tsiaṅte nsi be netèt ba Angél Nsi num ta' mèn kebwô z'a kaṅ ntù i là.

Lukas 15:7

Me tshob bin ndù: Be ndaṅndaṅ, tsiaṅte nsi be mfe kamànyam num ta' mèn kebwô z'a kaṅ ntù i là, ntshùa mb'a be tsiaṅte be num benntùn ntshob bwe'e ṅam bwe'e tse netsine, tse nekaṅ ntù ke' ywimte yub là.

Lukas 19:10

Nummbe Mén mèn se' à nediage, bèn yôg z'a na' mbi là.

Lukas 24:47

bo nsi tshob nu nekaṅ ntù num lén se, ndù Nsi lagte nukebwô benntùn, ntùm ngô fa, nto' à Yérusalém.

Lukas 5:31

Yésu bùnte, ntshob bo ndù: Benntùn tse bo tswe mebwô là ke' be diag ngaghù fu, là, nda' ben tse bo tswe kebwô là.

Lukas 5:33

Là bo tshob yi ndù: A lo be matnu ghazi'te nu Yohané neke ntswe nziku'u, mbèn nke nde'te Nsi, mba ba Férésia! Numke tsho ghazi'te nu nke njù mbèn nu à?

Mfa' Ghantum 17:30

Là Nsi lagte ngelaṅ femni; ndonni a tshwèt ntshob njoṅ benntùn fa ndù bo kaṅ ntù tshob ntùm njoṅ dù' fa.

Mfa' Ghantum 2:38

Pétro bùnte bo ndù: Bin kaṅ ntù tsine, bo nyu' mba we lo netèt bin ntse num lén Yésu Kristô ndù Nsi lagte nukebwô tsine; ndùlala bin nsi kwé Ywèt Nelàne.

Mfa' Ghantum 20:21

Me lo ke nkwé nta mbwe ba Yuda mba ba Grikia ndù bo kaṅ ntù tshobe, mbèn njam ntèt Nsi, mbèn mbam Tshùaben be Yésu Kristô.

Mfa' Ghantum 3:19

Ndùlala bin kaṅ ntù tsine, mbate ngùninu mine, ndù Nsi bwete nukebwô tsine,

Mfa' Ghantum 3:26

Nsi lo bwôgmbwe ntum ngafa' i z'a tsho' là bin ndù a naṅ mbotni num bin, mbèn nkaṅ mba we lo num nukebwô tse.

Mfa' Ghantum 5:31

Nsi bù' i bu i ze zwim, a be mfen mba ngayôg benntùn, ndù a fà nekaṅ ntù mba nelagte nukebwô Israél.

2 Pétro 3:9

A ke b'a ndù Tshùaben lèl à wut num nka'ni i, mba tsemo' ben tshwèt ntshob num yen lètwut là là, là, a ke nefènte num bin; a ke' kô sàm mèn bi, là, a kô ndù njoṅ benntùn fa ghô, nkaṅ ntù tshobe.