Lukas 5:30 - NTSHOB NSI

³⁰ Ba Férésia mba ghalèn ṅwa'ni Nsi tshobte, ntshob ghazi'te nu Yésu ndù: Numke bin nke njù mbèn nke nu bin à ghakwéfé' mba ben kebwô à?

Lukas 5:30 Iomraidhean Croise

Esaya 65:5

Bo nke ntshob ndù: Kù'te mbaṅ bag ntsin tà nsen din! Kà kwag àm, me nsi lànt'o. Njoṅ i fa lo' nzembwôg nen mfaṅ ntselag màm yi. A b'a mbwôg z'a tshwèt nkù, mbe ndù a nsi ke kù là.

Matio 5:46

A be ze bin ke nkô ben tse bo num nkô zin nà, mba ntsho'fa' min nsi b'a ke? Mba ghakwéfé' ke' be ghù yub be ndaṅndaṅ ké?

Matio 9:11

Ba Férésia be yen ntshob ghazi'te nu Yésu ndù: Numke ngatswite zin nke njù jujù boa ghakwéfé' mba ben kebwô à?

Marko 2:16

Ghalèn ṅwa'ni Nsi tse bo na' mb'a num ze bag ba Férésia là, be yen mba Yésu tshwèt njù jujù boa ben kebwô mba ghakwéfé' là, mbètte ghazi'te nu i ndù: A ndùke?

Marko 7:3

(Nummbe njoṅ ba Férésia mba njoṅ ba Yuda fa lo ke be jù jujù kà ke sôg mbu kua' mebwô, mb'a be ntùm nu ba mbwe na' ntshob là;

Marko 9:16

A bètte yub ndù: Bin à bo soṅt'a nu ke?

Lukas 18:11

Mén Férésia tsin tù, nde'te Nsi num tu wul i, ntshob ndù: Nsi àm, me labt'o mba me ke' be tshàm à mba tsemo' benntùn, tse bo b'a ba fimntshu, ben nu tshob ke' tsin nà, ghaghù màndà, ke bèn mbe tshàm à mba yen ngakwéfé li là.

Lukas 19:7

Njoṅ yub fa be yen yen nu là, ntshobte tun tô, ntshob ndù: A nèn ntsho ndà ngaghù nukebwô nzi bwe.

Lukas 5:17

A lo be mo' lé'njù ze Yésu ke ntswite là, ba Férésia mba ghalèn ntshù' Nsi bo na' mfe ntùm ntaṅla' Galiléa, Yudéa mba ntùm Yérusalém nà lo tswe nsi. Neta Tshùaben nke njate ghangokèt.

Lukas 5:21

Ghalèn ṅwa'ni Nsi mba ba Férésia to' nekwate nke ntshob ndù: Yen mèn ni b'a we kà nke ntshabte Nsi ndù à? We z'a ku'ni nelagte nukebwô, k'a ke nda' Nsi tù' i à?

Lukas 7:34

Mén mèn se' ze, nke njù mbèn nu; bin tshob ndù: Tshù kua' njù ju bo nu ndu', nshun ghakwéfé' mba ben kebwô li.

Lukas 7:39

Là mén Férésia z'a na' ntsiaṅ Yésu là yen ndùlala, ntshob ntùm ntù i ndù: Yen mèn ni lo mb'a ngatshob ntshob Nsi, mb'a lèn lén mèn ze mènnzwi z'a tshwèt nkwag i be yi là, mb'a lèn ndù a b'a mènnzwi kebwô.

Mfa' Ghantum 23:9

Tshu'te ndùb vù netèt bo, tsemo' ghalèn ṅwa'ni Nsi num bag ba Férésia lo tù, nta ntshu kua' neta, ntshob ndù: Bag ke' yen sàm nukebwô num yen mèn ni, là, a' be ndù Ywèt ke Angél lo tshob nu yi.