Lukas 5:29 - NTSHOB NSI

²⁹ A ghù mo' mà tsiaṅte ndùb Yésu ntùm ndà i. Mo' bwoṅ ghakwéfé' mba benntùn tswe téblé bo à bo.

Lukas 5:29 Iomraidhean Croise

Matio 11:19

Mén mèn lo se'e, nke njù, mbèn nu; bo tshob ndù: Tshù ngajù mba nganu ndu', nshun ghakwéfé' mba ben kebwô li. Là mfa' mi lo la'te ndù zenu Nsi b'a netsine.

Matio 5:46

A be ze bin ke nkô ben tse bo num nkô zin nà, mba ntsho'fa' min nsi b'a ke? Mba ghakwéfé' ke' be ghù yub be ndaṅndaṅ ké?

Matio 9:10

Mb'a na' mbe num téblé ntùm ndà là, ghakwéfé' mba ben kebwô yàm se', ntswe boa bo mba ghazi'te nu i num téblé.

Matio 9:9

Yésu tum yen dù' là, mbe tshùa, njen mo' mèn bo ke ntsiaṅ i Matio là, ndù a tswe dù' nekwé fé', a tshob yi ndù: Bwe àm! A lo tù, mbwe i.

Marko 2:15

Ngelaṅ Yésu tswe téblé ndà i là, ghakwéfé' mba ben kebwô yàm tswe bo à bo mba ghazi'te nu i, nummbe benntùn yàm lo bèn ntam njam i.

Lukas 15:1

Njoṅ ghakwéfé' fa mba ben kebwô fa kù'te nse' mbaṅ Yésu num neju' i.

Yohané 12:2

Ndùlala bo nabte jujù yi bwe, Marta nke mfa'a, Lazaro b'a mo' mèn netèt ben tse bo tswe téblé là.

1 Korintô 10:27

A be ze mo' ngakelèn Nsi tsiaṅ zin bin bam nenèn nà, bin fèt njoṅ tshu fa tse bo te mbwe bin nà, ke bètte sàm nu, mbwôg ndù kà nzentù tsin sa' zine.